2Rus 30:6 - Hdi

⁶ Ka sliʼaghutá gwal ghunay ta inda kwakwara la Israʼila nda la Yuda, nda ɗelewerha thaf i mgham nda maliha ta dzva taŋ tida. Manda zlahu ya mna mgham, ka həŋ mantsa: « La Israʼila, vragaghawa vra da Yawe, Lazglafta Abraham, nda Izak, nda Israʼila, kada vrakta tsi da kaghuni ta pɗaku, kaghuni gwal ta ndapta ma dzva mghama la Asur ya.

2Rus 30:6 ပူးပေါင်းရင်းမြစ်များ

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.

2Mgh 15:19

Ka lagha Pul, mghama la Asur zlaganavatá haɗika la Israʼila. Ka vlaŋtá Mənahem ta kfura tsedi ta Pul ka kiluʼ dəmbuʼ hkən mbsak fwaɗ mida (34.000), ŋa kataŋta ma dihanatá gá mghama ni.

2Mgh 15:29

Ma fitika gay Peka ta mgham ta ghəŋa la Israʼila, ka sagha Tiglatʼpilʼeser, mghama Asur da klaghutá Ghiyuŋ, nda Avelbetʼmaghaka, nda Yanuwah, nda Kedes, nda Hatsur, nda kwakwara Gilghat, nda Galili, nda Naftali, ka hlaghatá tsi ka vuʼa ta mnduha taŋ da Asur.

1Rus 29:18

Yawe, Lazglafta dzidzíha ŋni i Abraham, nda Izak, nda Israʼila, hanam ha ta mndərgana ndanu na ŋa ɗekɗek ma ghəŋ ta mnduha gha. Ka dihanata ka ta ŋuɗufa taŋ ŋa gha.

1Rus 5:26

Mantsa tama, ka gagaftá Lazglafta la Israʼila ta Pul, mghama la Asur ta nzakway ka Tiglatʼpilʼeser. Ka hlaghatá tsi ta la Rubeŋ, nda la Gat, nda rita mndəra la Mənase. Ka hlaghatá tsi ta həŋ da Halah, da Havur, da Haraʼ, nda ya ta wa zala Guzaŋ. Hada nzata həŋ ha gita.

2Rus 28:20

Ka lagha Tiglatʼpilʼeser mghama la Asur da liŋta Ahaz nda vulu, ka klaftá tsi ka ghuma ni, ka zlanatá kataŋta.

Asta 3:13

Ka ghwanaftá həŋ nda hwaya nda hwaya ta mnduha hlaghatá tsa ɗelewerha ya da inda haɗikha mgham. Ma tsa ɗelewerha ya ná, vla vla mgham ta tvi, ŋa hərɗiŋta, ŋa pslata, nda ya ŋa zaɗanatá inda la Yahuda, daga ta galaɓayha ha ka lagha ta halata mnduha, nda zwani tani, nda miʼaha tani ta fitika turtuk. Tsaya fitik baɗ maghwaŋpəɗ hkən ma tila maghwaŋpəɗ his, tila Adar. Baɗ tsa fitik ya dzaʼa zləɗata lu ta inda skwiha taŋ guli.

Asta 8:14

Ka sliʼaftá tsa mnduha ta plis ɗagap lu paɗak ŋa maga slna mgham ya, ka laghwi nda hwaya nda haya manda ya mna mgham. Ka snanamtá lu ta tsa zlahu guli ta gwal ma vli nda ŋa nda matsaka huzlu ma Susaŋ.

Yakubu 4:8

Gavanavawagava ta Lazglafta, dzaʼa gavaghunavagava tsatsi guli. Mbaziŋwa dzva ghuni, kaghuni gwal ta nzakway ka gwal dmaku. Ghuɓiŋwa ŋuɗufa ghuni, kaghuni gwal nda ghwaɗaka ndanu.