2Rus 26:7 - Hdi

⁷ Ka kataŋtá Lazglafta ma vula ni nda la Filisti, nda ya nda la Arap ma Gurʼbaghal nda ya nda la Məghuŋ.

2Rus 26:7 ပူးပေါင်းရင်းမြစ်များ

1Rus 12:18

Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

1Rus 4:41

Ta fitika gá mghama Hizkiya, mghama la Yuda ɓhadaghata tsa mnduha mbəɗaga lu ta hga taŋ ya. Ka hwanzaɓiŋtá həŋ ta tumpulha la Ham nda la Məghuŋ si ta nzakw hada, ka zaɗanatá həŋ nekwnekw ha gita. Ka nzatá həŋ ma vla taŋ, kabga mamu vla kuzuŋ ŋa ngha rina fisika taŋ hada.

1Rus 5:20

Ka kataŋtá Lazglafta ta həŋ, ka zatá həŋ ta ghwa ta ghəŋa la Hagar, nda inda gwal mista taŋ, kabga ma tsa fitika vulu ya, ka tawata həŋ ta taw da Lazglafta, ka tsuʼanaftá tsi ta həŋ, kabga faf fa həŋ ta ghəŋ tida.

1Rus 5:22

Nda ndəgha la Hagar ta rwuta, kabga ŋa Lazglafta tsa vulu ya. Ka nzatá la Rubeŋ, nda la Gat, nda rita mndəra la Mənase ma vla taŋ ha ka lagha ta fitika hlaghatá həŋ da ga vuʼa.

2Rus 14:10

Ka wahu Asa ta wahu da Yawe, Lazglafta ni, kaʼa mantsa: « Yawe, kagha turtukwa gha ta laviŋta kataŋtá mndu nda hta mbrakwa ni nda mndu nda mbra. Sawi da kataŋnata, Yawe, Lazglafta ŋni, kabga ta kagha dihafta ŋni ta vgha, nda hga gha sagha ŋni da guya na mleŋwi mleŋwa mnduha na! Yawe, kagha Lazglafta ŋni. Yaha mndu da zata ghwa ta ghəŋa kagha! » kaʼa.

2Rus 14:11

Ka dzuŋtá Yawe ta la Kus ta wa ira i Asa nda la Yuda, ka tatá la Kus ta vgha nda hwaya.

2Rus 17:11

Ka hlədanaghatá la Filisti ta mbəhu ta Yəhusafat, nda dzumna ka tsedi. Nduk nda la Arap tani, ka hlədanaghatá həŋ ta rini: Maŋazakha dəmbuʼ ndəfáŋ nda ndəfáŋ dərmək (7.700), nda duguzumha dəmbuʼ ndəfáŋ nda ndəfáŋ dərmək (7.700).

2Rus 20:1

Tahula tsa, ka sliʼaktá la Muwav, nda la Ghamuŋ, nda la Məghuŋ, da vulu nda Yəhusafat.

2Rus 21:16

Ka gagaftá Yawe ta la Filisti nda la Arap ta sləvda nda la Kus, ŋa vulu nda Yəhuram.

2Rus 25:8

Ka lab la ka da vulu kawadaga nda həŋ, dzaʼa vulay ka nda ufatá vgha má mndani, dzaʼa zləmbaghis zləmba Lazglafta ta kəma ghuma gha, kabga mamu Lazglafta nda mbrakwa kataŋtá mndu, mamu nda mbrakwa zləmbiŋtá mndu guli, » kaʼa.

Slna gwal ghunay 26:22

Ama ka katagaɗiptá Lazglafta. Ha gita, tata kɗaŋ kɗa yu ta nzaku ka masləmtsəka ni ta kəma inda mnduha, nda zwaŋ tani, nda glata mndu tani. Haɗ skwi dzaʼa mnəglata iʼi ka malaghuta ya mnə la anabi, nda i Musa ta ghəŋa skwi dzaʼa magaku, mna həŋ kazlay: