2Rus 24:18 - Hdi

¹⁸ Ka zlanavatá həŋ ta həga Yawe, Lazglafta dzidzíha taŋ, ka laghwi da maganatá slna ta skwa wuyay Asera nda skwa wuyayha. Ka gufaftá ŋuɗufa Yawe ta ghəŋa la Yuda nda la Ursalima, dabga tsa dmaku ga həŋ ya.

2Rus 24:18 ပူးပေါင်းရင်းမြစ်များ

2Sam 24:1

Ka ɓasglaftá Yawe ta ŋuɗuf ta ghəŋa la Israʼila. Ka tiŋwaftá tsi ta Dawuda ŋa dika taŋ, kaʼa mantsa: « La ka mbəɗafta ka ta mbsaka la Israʼila nda la Yuda, » kaʼa.

1Mgh 14:23

Ka babaftá hahəŋ guli ta vliha tskal tskala. Ka dzagwatá palaha nda skwa wuyay Asera ta inda kuɗuŋurha tskal tskala, nda ya mista inda fuha lbuk lbukwa.

1Mgh 14:9

Maga maga kagha ta ghwaɗaka skwi ka malaghutá ŋa inda gwal ta tiŋlaghutá kagha. Laghu la ka da tsatsaftá sanlaha ma lazglaftaha, nda skwiha ŋa wuyay dgum dguma ka kfur nwap lu nda nwa, ŋa giɗiftá ɓasa ŋuɗuf, ka wuɗiɗtá ka.

2Rus 12:1

Dihanata Rəhavgham ta gá mghama ni, ka mutsaftá mbraku ná, ka zlanavatá tsi kawadaga nda la Israʼila demdem ta zlaha Yawe.

2Rus 12:2

Ta mahutafa vakwa Rəhavgham ta gá mgham, ka laf Sisak mghama Masar guk liŋtá luwa Ursalima nda vulu, kabga magana a həŋ ta skwi tɗukwa ta Yawe wa.

2Rus 19:2

Ka sliʼaftá slayaŋ Yehu, zwaŋa Hanani, da guyaku nda mgham Yəhusafat, kaʼa nda tsi mantsa: « Dzaʼa kataŋ kata lu ta mndu ta ga dmaku ra? Ta ksay ka ta gra nda gwal husaŋ Yawe ta həŋ ra? Dabga tsaya, nda ɓasa ŋuɗufa Yawe nda kagha.

2Rus 21:13

ama ka ksaftá ka ta saɗa mghamha la Israʼila. Hlam hla ka ta la Yuda nda la Ursalima da hliri, manda ya maga la ga Ahav. Psla psla ka ta vərɗa zwana ma gha sa kuni ma huɗa turtuk, ka ŋərma mnduha ta malaghutá kagha ya.

2Rus 22:4

Ka mag tsi ta ghwaɗaka skwi ta wa ira Yawe manda ŋa la ga Ahav. Tahula mtatá da ni, ka nzatá tsa mnduha ya ka gwal vlaŋtá hiɗaku ta klamta da zaɗaku.

2Rus 24:17

Tahula mtuta Yəhuyada, ka lagha maliha la Yuda da tsəlɓu da mgham. Ka fanatá mgham ta sləməŋ ta həŋ.

2Rus 24:4

Tahula tsa, ka kuratá Yuʼas ma ŋuɗufa ni ta payaftá həga Yawe.

2Rus 25:15

Mantsa tama, ka gufaftá ŋuɗufa Yawe ta ghəŋa Amatsiya, ka ghunaftá tsi ta anabi da tsi, kaʼa nda tsi mantsa: « Kabgawu kəl ka ka hlagaghatá lazglaftaha tsa mnduha ya, ya wya trap tra həŋ ta zluʼagaptá mnduha taŋ ma dzva gha na? » kaʼa.

2Rus 28:13

Ka həŋ nda həŋ mantsa: « Haɗ kuni dzaʼa hlagamtá na vuʼaha na da hadna wu, kabga dzaʼa nzakway ka sgəglamaghatá dmaku ta kəma Yawe. Dmaku ta kum kuni ta sganaghata ta ghəŋa krughuviha mu! Nziya nza tsi, nda ghada ksuta dmaku ta amu, nda gufa ŋuɗufa ni katakata ta ghəŋa la Israʼila, » kaʼa.

2Rus 29:8

Tsaya kəl ŋuɗufa Yawe ka gufafta ta ghəŋa la Yuda nda la Ursalima, ka niŋtá tsi ta həŋ ka skwi ta gá zləŋ, nda skwa ndərmimi, nda ya ka skwa ghuɓasay, manda na ta nghə kuni nda ira ghuni na.

2Rus 32:25

Ama dabga laghu la gla ghəŋ suh da ŋuɗufa Hizkiya, rfanagha a ta Yawe ta ghəŋa tsa zɗaku magana tsi ya wu. Ka dɗanaghata gufatá ŋuɗufa Yawe, nda ya ta ghəŋa la Yuda, nda la Ursalima.

2Rus 34:25

Tsəhala zliha zla gwal ma Ursalima, ka laghwi dra urdi ŋa dray nda dra ŋa sanlaha ma lazglaftaha ŋa gaɗifta ɓasa ŋuɗuf, nda ma inda slna magaf həŋ nda dzva taŋ ya, nda gufa ŋuɗufa ɗa ta ghəŋa tsa vli ya, lɓavata a wa.

Sabi 34:12

Ɗasuwa ká kuni, yaha kuni da dzra wi nda mnduha ma tsa haɗik dzaʼa lam kuni dida ya, dá nzakw həŋ ka dəɓəl ka ŋa ghuni.

Sabi 34:13

Katək ná, ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ.

Afisus 5:6

Yaha mnduha da nanaghatá kaghuni nda tsakalawa taŋ. Ta ghəŋa tsa ghwaɗaka skwiha ya ta ɓasa Lazglafta ta ŋuɗuf dzaʼa kəl tsi ka tsanaghatá guma ta gwal ta maga tsa ghwaɗaka skwiha ya.

Yəhusuwa 22:20

Guv ga Ghahaŋ zigha Zerah ta krughuvi dagala ma hlafta ni ta skwi ya mna lu ŋa hwanzaɓiŋta, nda sna vərɗa kaghuni. Ta ghəŋa inda guyatá ghəŋa la Israʼila dɗafta gatá sida Yawe. Ta ghəŋa tsa krughuva ni ya ná, turtukwa ni a mtuta Ghahaŋ ta ghəŋa dmakwa ni wa,” » ka həŋ.

Gwal tsa guma 5:8

Ka zbaptá la Israʼila ta sana lazglaftaha ka lfiɗ, gi ta wa tghaha luwa na vulu. Ngha a lu ta dər zalam, dər gupa, da mnduha dəmbuʼ fwaɗ mbsak (40.000) ma Israʼila wa.

Gwal tsa guma 8:33

Ama tahula mtuta Gidghuŋ, ka zlrəglaftá la Israʼila ta maga sliʼiŋsliʼiŋ nda ma tsəlɓu ŋa Baghalha. Ka klaftá həŋ ta Baghalʼbərit ka lazglafta taŋ.