2Rus 22:7 - Hdi

⁷ Nda ɗvay Lazglafta kəl Ahaziya ka mutsafta zaɗaku ma lagha ni da Yuram. Ɓhadaghata ni, ka sab həŋ nda Yuram da guyaku nda Yehu, zivira Nimsi, mndu ya zbap Yawe nda ma pghanaghatá rɗi ŋa zaɗanatá la ga Ahav.

2Rus 22:7 ပူးပေါင်းရင်းမြစ်များ

1Mgh 12:15

Mantsa tama, fana a mgham ta sləməŋ ta mnduha ka sna skwi ta ɗaw həŋ da tsi wu, kabga Yawe ta mbəɗanaftá tsa skwi ta magaku ya, ŋa hɗamtá gwaɗa ya mnana tsi ta Yaruvgham, zwaŋa Nəvat, nda ma wa Ahiya mnda la Silu.

1Mgh 12:24

“Wya ka Yawe mnata: Ma laf kuni da vulu nda zwana ma ghuni, la Israʼila! Ka vra inda kaghuni dzagha ni, kabga iʼi ta maga tsa skwi ta magaku ya,” » kaʼa. Ka snatá həŋ ta gwaɗa Yawe, ka vraghutá həŋ dzagha taŋ taɓta ya mnanaf Yawe ta həŋ.

1Mgh 19:16

Ka famta ka nda ma pghanaghatá rɗi ta Yehu, zwaŋa Nimsi ka mghama la Israʼila. Ka famta ka nda ma pghanaghatá rɗi ta Ilisa, zwaŋa Safat, mnda luwa Avelʼməhula ŋa nzakwa ni ka anabi ma vla gha.

1Mgh 22:20

Ka Yawe mnata na: “Wa mndu dzaʼa gataftá Ahav ŋa lafa ni da vulu ma Ramut ma Gilghat, ka dzata lu na?” kaʼa. Ka zlghaftá həŋ ta wa ni, tskəm ka ya nda ŋa ni, tskəm ka ya nda ŋa ni.

2Mgh 10:11

Ka pslatá Yehu ta sanlaha ta pɗaku ma la ga Ahav ma Yizrəghel, nda inda maliha ni, nda graha ni, nda gwal dra skwi ŋa lazglafta. Haɗ ya zlana tsi nda hafu dər turtuk wa.

2Mgh 9:21

Ka Yuram mnafta mantsa: « Payaɗifwa paya ta mwata plisa ɗa, » kaʼa. Ka payanaftá lu ta mwata plisa ni. Ka sliʼaftá i Yuram, mghama la Israʼila, nda Ahaziya, mghama la Yuda dər wa ma mwata plisa ni ŋa dzaʼa guyaku nda Yehu. Ka guyatá həŋ nda tsi ma vwaha Navut mnda la Yizrəghel.

2Mgh 9:27

Nghanata Ahaziya, mghama la Yuda ta skwi ta magutá, ka hwayaghatá tsi nda ta tva dzaʼa da Betʼhagaŋ. Ama ka zbiŋtá Yehu, kaʼa mantsa: « Dzawa dza ta tsatsi guli, » kaʼa. Ka hatá lu ma mwata plisa ni ta ŋla vli ma Gur, ndusa nda Yivlegham. Ka hwayaghatá tsi da Məgidu, ka mtuta tsi hada.

2Rus 10:15

Mantsa tama, fana a mgham ta sləməŋ ta mnduha ka sna skwi ta ɗaw həŋ da tsi wu, kabga Lazglafta ta mbəɗanaftá tsa skwi ta magaku ya, ŋa hɗamta Yawe ta gwaɗa ya mnana tsi ta Yaruvgham, zwaŋa Nəvat, nda ma wa Ahiya mnda la Silu.

2Rus 22:6

Ka vraghatá Yuram da luwa Yizrəghel, da zughula vgha ni balana la Aram ma Ramut ma vəl vulu nda Hazaʼel, mghama la Aram ya. Ka laha Ahaziya, zwaŋa Yəhuram, mghama la Yuda da Yizrəghel da nghanaghatá Yuram zwaŋa Ahav, kabga nda bala katakata.

Vrafta ta zlahu 32:35

Iʼi dzaʼa planamtá mndu, iʼi dzaʼa vranamta, ma fitika tsəhiŋta skwi ta səla taŋ, kabga ndusak ndusa fitika slanaghata ɓadzaku ta həŋ, dzaʼa gi sagha sa skwi ya payaf lu ta ghəŋa taŋ. »

Yəhusuwa 11:20

Nziya nza tsi ná, Yawe ta kurata sifanaftá ghəŋa mnduha ta haɗikha, ŋa dzaʼa da vulu kul haɗ sladavata nda la Israʼila, ŋa pslata tsaha ya ta həŋ nekwnekw kul haɗ hiɗahiɗa, ka zaɗanatá həŋ nekwnekw manda ya mnanaf Yawe ta Musa.

Gwal tsa guma 14:4

Sna a i da ni nda ma ni kazlay na sagha da Yawe tsa gwaɗa ya kəʼa wu, zba fitik ŋa Yawe ŋa tsagatá lmu nda la Filisti. Ma tsa fitik ya, la Filisti ta ga mgham ta ghəŋa la Israʼila.