2Rus 22:5 - Hdi

⁵ Nda ma snatá tsa hiɗakwa taŋ ya, ka laghu tsi da vulu kawadaga nda Yuram, mghama la Israʼila, zwaŋa Ahav, nda Hazaʼel, mghama la Aram, ma Ramut ma Gilghat. Hada, ka balanatá la Aram ta Yuram.

2Rus 22:5 ပူးပေါင်းရင်းမြစ်များ

1Mgh 22:3

Ka mghama la Israʼila nda kwalvaha ni mantsa: « Nda sna kuni kazlay na: Ramut ma Gilghat ná, ŋa mu ya kəʼa ra? Mbaɗa amu ka ndanay nda ndana ta dzaʼa klaghuta ma dzva mghama la Aram! » kaʼa.

1Mgh 4:13

nda Beŋʼgever ta ŋa Ramut ma Gilghat, ta ŋa ghuɓuha Yaʼir, zwaŋa Mənase ma Gilghat, nda kwakwara Arguv ma Basaŋ: Mkuʼ mbsak luwaha dagala dagala mida nda matsak nda matsak, nda ŋaŋərzlatá həŋ nda kra wa tghaha ka ghuva tili,

2Mgh 3:1

Ka lam Yuram, zwaŋa Ahav da ga mgham ta ghəŋa la Israʼila ma Samari, ta maghwaŋpəɗ tghasa vakwa Yəhusafat ta ga mgham ta ghəŋa la Yuda. Ghwaŋpəɗ his vakwa ni ta ga mgham.

2Mgh 8:9

Ka laghu Hazaʼel da slanaghata Ilisa. Ka klaftá tsi ma dzvu ta skwa mbəhu, inda skwiha ɗina ɗina ma Damas prək ka hlay ŋalibwaha fwaɗ mbsak. Ka lagha tsi da kəma Ilisa, kaʼa mantsa: « Zwaŋa gha Benʼhadat mghama la Aram ta ghuniɗikta da kagha, ŋa ɗawaŋta: “Dzaʼa mbaku yu ma na ɗaŋwa ɗa na re, ari ki na,” kaʼa, » kaʼa.

2Mgh 9:1

Ka hgaŋtá anabi Ilisa ta sani mataba guyatá ghəŋa anabiha, kaʼa nda tsi mantsa: « Hba ta vgha, ka klafta ka ta hwaraka rɗi, ka dzaʼa ka da Ramut ma Gilghat.

2Rus 18:3

Ka Ahav, mghama la Israʼila nda Yəhusafat mghama la Yuda mantsa: « Ta kumay ka ta dzaʼa kawadaga nda iʼi da Ramut ma Gilghat ra? » kaʼa. Ka Yəhusafat zlghanaftá wi mantsa: « Kagha nda iʼi, mnduha gha nda ŋa ɗa, haɗ skwi ta dganata wa. Ta dzaʼa mu da liŋta nda vulu kawadaga nda kagha, » kaʼa.

2Rus 18:31

Nghay maliha ta ghəŋa mwata plis ta Yəhusafat, ka həŋ mantsa: « Mghama la Israʼila ya, » ka həŋ. Ka mbəɗadaghatá həŋ ta vgha nda ta vata ni si má ŋa lmu nda tsi, ama ka wahatá Yəhusafat. Ka lagha Yawe katata, ka diʼiŋiŋta Lazglafta ta həŋ ta vata ni.

2Rus 19:2

Ka sliʼaftá slayaŋ Yehu, zwaŋa Hanani, da guyaku nda mgham Yəhusafat, kaʼa nda tsi mantsa: « Dzaʼa kataŋ kata lu ta mndu ta ga dmaku ra? Ta ksay ka ta gra nda gwal husaŋ Yawe ta həŋ ra? Dabga tsaya, nda ɓasa ŋuɗufa Yawe nda kagha.

2Rus 22:6

Ka vraghatá Yuram da luwa Yizrəghel, da zughula vgha ni balana la Aram ma Ramut ma vəl vulu nda Hazaʼel, mghama la Aram ya. Ka laha Ahaziya, zwaŋa Yəhuram, mghama la Yuda da Yizrəghel da nghanaghatá Yuram zwaŋa Ahav, kabga nda bala katakata.

Danyel 5:22

Kagha, Belsatsar zwaŋa ni, nda sna kagha ta inda tsa skwiha ya, kulam nda tsa, hanagana a ka ta ghəŋa gha wa.