2Rus 21:10 - Hdi

¹⁰ Daga ma tsa fitik ya, ka ganavatá la Idum ta sidi ta gá mghama la Yuda, mantsa ya nzakwa ni ha gita. Ma va tsa fitik ya ganavatá la Livna ta sidi ta la Yuda guli, kabga zlanavata Yəhuram ta Yawe, Lazglafta dzidzíha ni.

2Rus 21:10 ပူးပေါင်းရင်းမြစ်များ

1Mgh 11:31

Kaʼa nda Yaruvgham mantsa: « Hlaʼa hla ta pehuha na sɗakw na ghwaŋ ŋa gha! Wya ka Yawe, Lazglafta la Israʼila mnata: Kura kura yu ta zluʼaghutá ga mgham ma dzva Salumuŋ, ka pghaghamta ma dzvu ta mndəra mnduha ghwaŋ.

1Mgh 11:33

Dzaʼa maga maga manda tsaya, kabga zlaɗivata la Israʼila, ka laghwi da tsəlɓu ŋa Ghasturet, lazglafta la Tsiduŋ, nda ya ta kəma Kəmus, lazglafta la Muwav, nda ya ta kəma Milkum, lazglafta la Ghamuŋ. Ksaf a həŋ ta tviha ya mnana yu ta həŋ manda ya maga Dawuda, da ni ma Salumuŋ wa. Maga a həŋ ta skwi ya tɗukwa nghadap yu wu, kwalaghu kwala həŋ ta snatá skwi ya ta raku mnaf yu, nda zlahuha ɗa.

2Mgh 19:8

Ka vraghatá tsa slufa mghama la Asur ya slanaghatá daŋahəga ni ta vulu nda luwa Livna, kabga snaŋ sna kazlay sliʼap sliʼa mgham ma Lahis kəʼa.

2Rus 13:10

Aŋni tani ná, Yawe, Lazglafta ŋa aŋni, zlanava a ŋni wa. Mnduha ŋni ta dra skwi ŋa Yawe ná, zivira Haruna həŋ, ta maga slna taŋ la Levi guli.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

2Rus 21:11

Magaf maga vərɗa Yəhuram ta vla skwa wuyay tskal tskala ta ghwáha la Yuda. Ka hlamtá tsi ta la Ursalima da hliri, ka mbəɗiŋtá la Yuda ta tva Yawe.

2Rus 21:8

Ta fitika gá mghama Yəhuram, ka ganavatá la Idum ta sidi ta gá mghama la Yuda, ka famtá həŋ ta ŋa taŋ mgham.

2Rus 21:9

Mantsa tama, ka laghu Yəhuram nda maliha ta maganatá slna, nda inda mwata plisha ni da Idum. Ka wanaftá la Idum tsatsi nda maliha ta ghəŋa muta plisha ni, ama ka ndaptá həŋ ga rviɗik ka hwayaghuta.

2Rus 28:6

Psla psla Peka zwaŋa Rəmalya ya ma Yuda baɗ turtuk ta mnduha dəmbuʼ dərmək nda hisambsak (120.000), kabga zlanavata taŋ ta Yawe, Lazglafta dzidzíha taŋ. Inda taŋ ka gwal viɗviɗ ma vulu həŋ.

Vrafta ta zlahu 31:17

Dzaʼa gufaf gufa ŋuɗufa ɗa ta ghəŋa taŋ baɗ tsa. Dzaʼa zlaŋ zla yu ta həŋ ka mbəɗaghutá kəma ɗa, ŋa zatá həŋ, ŋa slanaghata ɓadzaku nda ghuya ɗaŋwa katakata ta həŋ. Ka həŋ dzaʼazlay baɗ tsa: “Nana ɓadzaku ta slamaghata nana, nza a kabga vəl kwala Lazglafta mu kul haɗ mataba mu wu ra?” ka həŋ dzaʼazlay.

Vrafta ta zlahu 32:21

Sliʼiɗif sliʼa həŋ ta draku nda ma skwi kul haɗ ka Lazglafta, ka giɗiftá həŋ ta ɓasa ŋuɗuf nda ma skwiha kul haɗ hayhaya taŋ. Iʼi guli, dzaʼa ganaf ga yu ta draku ta həŋ nda ma mndəra mnduha nda hta, dzaʼa ganaf ga yu ta ɓasa ŋuɗuf ta həŋ nda ma mndəra mndu ka rgha,

Yəhusuwa 10:29

Ka sliʼaftá i Yəhusuwa nda la Israʼila demdem ma Makkeda, ka lagha guk liŋta Livna nda vulu.

Yəhusuwa 21:13

Ka vlaŋtá həŋ ta mndəra la Haruna mnda dra skwi ŋa Lazglafta, ta Hevruŋ, luwa ŋa hwaya mataray, nda vli ŋa ngha rini tani, nda Livna, nda vli ŋa ngha rini tani,

Gwal tsa guma 10:13

Ama kaghuni, ka zlaɗivatá kuni, ka laghu kuni tsəlɓanatá tsəlɓu ta sanlaha ma lazglaftaha. Tsaya tama, haɗ yu dzaʼa katəgəltá kaghuni wa.