2Rus 20:9 - Hdi

⁹ “Ka slaŋnagha sla zləmnda, dər má vulu tsi, dər guma tsi, dər ketsepi tsi, dər maya a tsi, dzaʼa sagha sa ŋni ta da na həga na, nda ya ta kəma gha, kabga ma na həga na ta vla lu ta glaku ŋa hga gha. Dzaʼa wahay ŋni ta wahu da kagha ta ghəŋa ghuya ɗaŋwa ŋni, dzaʼa snaŋna sna ka, dzaʼa mbaŋnaf mba ka!” kaʼa.

2Rus 20:9 ပူးပေါင်းရင်းမြစ်များ

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

1Mgh 8:33

Ka lagha ghuma ka zatá ghwa ta ghəŋa mnduha gha la Israʼila, kabga vəl gaghata taŋ ta dmaku katsi, ka vragagha vra həŋ tama da kagha, ka zləzləva hga gha, ka ndəɓa dzvu da kagha, ka taw da kagha ma na həga na katsi,

1Mgh 8:37

Ka lagha maya ka slata, ka ketsepi a tsi, ka madzaɓdzaɓ a tsi, ka maghweftegeɗ a tsi, ka hiʼa maya a tsi, ka manzufi a tsi, ka ghumaha a tsi ta tsamtá mnduha gha ma haɗika taŋ ma luwaha taŋ, ka rwaku a tsi ta slata, ka sanlaha ma ɗaŋwa a tsi,

2Rus 20:8

Ka nzatá həŋ mida, ka baghaftá həŋ hada ta vli nda ghuɓa ŋa vlaŋtá sgit ta hga gha, ka həŋ mantsa:

2Rus 6:20

Ka fafta ka ta ira gha nda fitik tani nda rviɗik tani ta na həga na, ta vli ya mna ka ŋa nzakwa hga gha! Sna ta duʼa kwalva gha ta magay nda təv na vli na.

2Rus 6:5

“Daga baɗ hlagapta ɗa ma haɗika Masar ta mnduha ɗa, haɗ luwa ya zbap yu mataba inda mndəra la Israʼila ŋa baftá həga ŋa nzakwa hga ɗa wu. Haɗ mndu zbap yu ŋa nzakway ka mgham ta ghəŋa mnduha ɗa la Israʼila wu,

Izra 10:1

Ma fitika tsəlɓata Izra ta kəma həga Lazglafta ka taw, ka mananaŋtá tsi ta dmakuha ni ta Lazglafta, ta sliʼadaghatá ndəghata la Israʼila zgwana nda miʼaha nda zwani tani da wanafta, ka taw həŋ ta taw ka ŋəɗa ŋəɗa, hahəŋ demdem.

Sabi 20:24

Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi.

Sabi 23:21

Ka fanata kuni ta sləməŋ, ka sna kuni ta gwaɗa ni. Yaha kuni da təŋanaftá ghəŋ, ya haɗ dzaʼa plaghunatá dmakwa ghuni wu, kabga mamu hga ɗa ma tsatsi.

Mata 18:20

Ma vli ya guyava mnduha his ka hkən a tsi ma hga ɗa ná, mataba taŋ yu, » kaʼa.