2Rus 19:11 - Hdi

¹¹ Wya Amarya, mali ta ghəŋa gwal dra skwi ŋa Lazglafta ka mala ghuni ŋa maga inda skwi ta nghanaghatá gwaɗa Yawe, nda Zəvadiya, zwaŋa Yismaghel, ka mali ta ghəŋa guyatá ghəŋa la Yuda, ŋa maga inda skwi ta nghanaghatá mgham. Wya la Levi da kaghuni, ŋa dzəgaghunatá dzvu. Mbrawa mbra ta vgha, ka maga kuni ta slna, ka nza Yawe kawadaga nda mndu ta maga skwi ɗina, » kaʼa.

2Rus 19:11 ပူးပေါင်းရင်းမြစ်များ

1Rus 22:11

Ndana tama, ka nza Yawe kawadaga nda kagha zwaŋa ɗa, kada katsafta ka ta baftá həga Yawe, Lazglafta gha, manda ya mnaŋ tsi ta ghəŋa kagha!

1Rus 22:16

Mamu ka nda dasu, nda tsedi, nda ghuva tili nda ya nda kfur ya, kul laviŋtá lu ta mbəɗafta. Sliʼaf sliʼa, ka maga ka ta slna, ka nza Yawe kawadaga nda kagha! » kaʼa.

1Rus 22:19

Pghawa pgha ndanana tama ta ŋuɗufa ghuni, nda hafa ghuni ka zba Yawe, Lazglafta ghuni. Sliʼafwa sliʼa ka ba kuni ta vli ta ghuɓuta ŋa Yawe, Lazglafta, kada hlagaghata kuni ta akwata dzratá wa Yawe, nda huzlaha nda fa ka ŋa Lazglafta da tsa həga dzaʼa bafta lu ŋa vlaŋtá sgit ta hga Yawe ya, » kaʼa.

1Rus 26:30

Ma zivira la Hevruŋ ná, i Hasavya nda zwana ma ni dəmbuʼ nda ndəfáŋ dərmək (1.700) viɗviɗ ta nghapta ka la Israʼila, ta ɓla Yardeŋ nda təv dɗakwa fitik, ŋa inda slna Yawe, nda slna mgham.

1Rus 26:32

Mamu zwana ma ni ma Yəriya ta pərɗaftá slna taŋ dəmbuʼ his nda ndəfáŋ dərmək (2.700), mala ga həgaha həŋ. Ka pghatá mgham Dawuda ta həŋ ka ghəŋ ka ghəŋ ta ghəŋa la Rubeŋ, nda la Gat, nda rita mndəra la Mənase, ŋa inda slnaha Lazglafta, nda slna mgham.

1Rus 28:20

Ka Dawuda nda zwaŋa ni Salumuŋ mantsa: « Mbra ta vgha, ka ŋavata ka ka maga slna! Yaha ka da zləŋ, yaha ka da ghudzaku, kawadaga Yawe, Lazglafta, ka Lazglafta ɗa, nda kagha. Haɗ dzaʼa zlaghata wu, haɗ dzaʼa zlaghata ŋa zləmbuta gha wu, ha ka kɗatá inda tsa slna ba həga Yawe ya wa.

1Rus 6:11

nda Ilkana, nda Tsufay, nda Nahat,

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

2Rus 15:7

Ama kaghuni, mbrawa mbra ta vgha, ma rwu kuni ta vgha, kabga mamu nisəla slna ghuni, » kaʼa.

2Rus 19:6

Kaʼa nda tsa gwal tsa guma ya mantsa: « Ɗasuwa ká kuni nda skwi dzaʼa kuni da magay, kabga ŋa mnduha a dzaʼa tsa kuni ta guma wu, ŋa Yawe ya, kawadaga tsatsi nda kaghuni ta tsə kuni ta guma.

2Rus 19:8

Manda va tsaya, ma Ursalima guli, ka paghatá Yəhusafat ta sanlaha ma la Levi, nda gwal dra skwi ŋa Lazglafta, nda sanlaha ma zəʼala həgaha la Israʼila, ŋa tsa guma manda ya ta taghu zlaha Yawe, ŋa nzakwa taŋ guli ka gwal dzra gwaɗa mataba mnduha. Dzaʼa nzakw ma Ursalima həŋ.

Izra 7:5

Buki zwaŋa Avisuwagh, Avisuwagh zwaŋa Pinhas, Pinhas zwaŋa Ilghazar, Ilghazar zwaŋa Haruna ta nzakway ka mali ta ghəŋa gwal ta dra skwi ŋa Lazglafta.

Lukwa 23:50

Mamu sana ŋərma mndu tɗukwa nzakwa ni, ta hgə lu ka Yusufu. Mnda la Arimate ya, sana luwa ta nzakway ta haɗika la *Yahuda. Ta kzlaykzlay tsatsi ta sagha fitika ga mghama Lazglafta. Tekw tsatsi mataba gwal dagala dagala ta vla hiɗaku. Tsuʼaf a tsatsi ta tsa skwi tsiŋ lu ta ghəŋa ni ma guma ŋa magay, ka magata lu ya wa.

Slna gwal ghunay 11:24

Tsaw tsa Barnabas ya ná, ŋərma mndu ya, mnda zlghay nda ŋuɗuf ya ndəghundəgha nda Sulkum nda ghuɓa. Ka sgavaghatá ndəghata mnduha ta zlghaftá Mgham Yesu.

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

2Tim 2:1

Kagha tama zwaŋa ɗa, mbra ta vgha ma zɗakatahuɗi vlama lu ma *Yesu *Kristi.

Yəhusuwa 1:6

Mbra ta vgha ka ŋavata ka, kagha dzaʼa dganaftá na mnduha na ta haɗik ya waɗana yu ta dzidzíha taŋ ya.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.