2Rus 18:2 - Hdi

² Tahula luta vakuha, ka laha Yəhusafat da slanaghatá Ahav ma Samari. Ka pslatá Ahav ŋa ni, nda ya ŋa mnduha mista ni ta ndəghata rina fisik nda slaha, ka bibraftá tsi ta Yəhusafat ŋa guyaftá ghəŋ nda tsi ŋa ŋlu ŋa dzaʼa da vulu nda la Ramut ma Gilghat.

2Rus 18:2 ပူးပေါင်းရင်းမြစ်များ

1Mgh 1:9

Ka vlatá Aduniya ta skwa pla ghəŋ nda rina fisik, nda slaha, nda mamakwa slaha nda uwasla nda uwasla, ndusa nda pala Zuhelet ta vata Gheŋʼrugel. Ka hagaftá tsi ta inda zwana ma ni, zwana mgham, nda inda mnduha la Yuda ka kwalvaha mgham.

1Mgh 17:7

Kɗatá fitika ni, ka suʼitá imi ma tsa lika ya, kabga kwal kul nzagatá imi ta tsa haɗik ya.

1Mgh 4:13

nda Beŋʼgever ta ŋa Ramut ma Gilghat, ta ŋa ghuɓuha Yaʼir, zwaŋa Mənase ma Gilghat, nda kwakwara Arguv ma Basaŋ: Mkuʼ mbsak luwaha dagala dagala mida nda matsak nda matsak, nda ŋaŋərzlatá həŋ nda kra wa tghaha ka ghuva tili,

2Mgh 9:1

Ka hgaŋtá anabi Ilisa ta sani mataba guyatá ghəŋa anabiha, kaʼa nda tsi mantsa: « Hba ta vgha, ka klafta ka ta hwaraka rɗi, ka dzaʼa ka da Ramut ma Gilghat.

2Rus 18:3

Ka Ahav, mghama la Israʼila nda Yəhusafat mghama la Yuda mantsa: « Ta kumay ka ta dzaʼa kawadaga nda iʼi da Ramut ma Gilghat ra? » kaʼa. Ka Yəhusafat zlghanaftá wi mantsa: « Kagha nda iʼi, mnduha gha nda ŋa ɗa, haɗ skwi ta dganata wa. Ta dzaʼa mu da liŋta nda vulu kawadaga nda kagha, » kaʼa.

2Rus 19:2

Ka sliʼaftá slayaŋ Yehu, zwaŋa Hanani, da guyaku nda mgham Yəhusafat, kaʼa nda tsi mantsa: « Dzaʼa kataŋ kata lu ta mndu ta ga dmaku ra? Ta ksay ka ta gra nda gwal husaŋ Yawe ta həŋ ra? Dabga tsaya, nda ɓasa ŋuɗufa Yawe nda kagha.

Nəhemiya 13:6

Ma kɗaku tsa skwiha ya ka magaku, ta mahkən mbsak his mida vakwa Artahsasta mghama Babila ta pala, ka sliʼaftá yu ka vradaghatá yu da tsi. Wər ma kɗakwa tsa vaku ya, ka ɗawaftá yu da mgham ta tvi ŋa dzaʼa da Ursalima. Mantsa tama, haɗ yu ma Ursalima ta magaku inda tsa skwiha ya wu.

Vrafta ta zlahu 4:43

Tsa luwaha ya ná, tsaha ya Betser ma mtak ta dandar, ka ŋa la Rubeŋ, nda Ramut ma Gilghat, ka ŋa la Gat, nda Gulaŋ ma Basaŋ, ka ŋa la Mənase.

Yəhusuwa 20:8

nda ta ɓla Yardeŋ, təv safa fitik nzar lu ma Yeriku. Ka zbaptá həŋ ta Betser sana luwa ta dandar ma mtak ma kwakwara mndəra la Rubeŋ, nda Ramut ma haɗika Gilghat ma kwakwara mndəra la Gat, nda Gulaŋ ma haɗika Basaŋ ma kwakwara mndəra la Mənase.