2Rus 17:3 - Hdi

³ Ka nzatá Yawe kawadaga nda Yəhusafat, kabga ksaf ksa ta tvi ya si ta ksə dzidza ni Dawuda taŋtaŋ. Zbaŋ a ta Baghalha wu,

2Rus 17:3 ပူးပေါင်းရင်းမြစ်များ

Zlrafta 39:21

Kawadaga Yawe nda Yusufu, ka maranaŋtá tsi ta zɗakwa ni, ka vlaŋtá tsi ta zɗakatahuɗa ni ta wa ira mali ta ghəŋa gamak.

2Sam 5:10

Ka dzaʼa mbrakwa Dawuda ta kəma ta kəma, kawadaga Yawe, Lazglafta mghama gwal vulu nda tsi.

2Sam 8:15

Ka gə Dawuda ta mgham ta ghəŋa inda la Israʼila. Ka tsanatá tsi ta guma nda ra, tɗukwa ta inda mnduha ni.

1Mgh 11:6

Ka mag Salumuŋ ta ghwaɗaka skwi ta wa ira Yawe, nzəglaf a tevzel ta Yawe, manda ŋa da ni Dawuda wa.

1Mgh 22:43

Ka ksaftá tsi kahwathwata ta saɗa da ni, Asa, dzimbiɗana a wu, ka mag tsi ta skwi tɗukwa ta wa ira Yawe.

1Mgh 3:3

Ka ɗvutá Salumuŋ ta Yawe, ka mbaɗ tsi ta mbaɗa manda ya mnanaf da ni Dawuda. Kulam nda tsa, ta ma vliha tskal tskala ta vla tsi ta skwa pla ghəŋ, hada ta dra tsi ta urdiha.

2Mgh 14:3

Ka mag tsi ta skwi tɗukwa ta wa ira Yawe, ama klaf a ta ŋa dzidza ni Dawuda wa. Ka ksaftá tsi ta saɗa da ni Yuʼas ma inda skwi.

2Mgh 16:2

Hisambsak ima Ahaz ta nzatá tsi ka mgham, ka zatá tsi ta vaku ghwaŋpəɗ mkuʼ ta gá mgham ma Ursalima. Maga a tsatsi ta skwi tɗukwa ta wa ira Yawe, Lazglafta ni, manda ya maga dzidza ni Dawuda ya wa.

2Mgh 18:3

Ka mag tsi ta skwi tɗukwa ta wa ira Yawe, manda va ŋa dzidza ni Dawuda.

2Mgh 22:2

Ka mag tsi ta skwi tɗukwa ta wa ira Yawe. Ka ksaftá tsi ta tvi manda va ŋa dzidza ni Dawuda, dzəmbiɗana a dər nda ga zeghwi, dər nda ga zlaɓa wa.

1Rus 22:18

« Haɗ Yawe, Lazglafta ghuni kawadaga nda kaghuni ra? Vlaghuna a ta mbiʼa vgha dər ndiga ndiga ra? Vliha vla ma dzva ɗa ta mnduha ma haɗik, ka hananatá tsa haɗik ya ta ghəŋ ta kəma Yawe, nda ya ta kəma mnduha ni.

2Rus 14:11

Ka dzuŋtá Yawe ta la Kus ta wa ira i Asa nda la Yuda, ka tatá la Kus ta vgha nda hwaya.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

2Rus 17:2

Ka paghatá tsi ta bakwa gwal vulu ma inda luwaha nda matsaka huzlu ma Yuda, paghaha ta gwal ŋa nghapta ma haɗika Yuda nda ya ma luwaha la Ifrayim ya hlaghu da ni Asa.

2Rus 17:4

ama da Lazglafta dzidzíha ni ta zba tsi, ka snatá tsi ta zlahuha ni, ksaf a ta saɗa la Israʼila wa.

2Rus 20:32

Ka ksaftá tsi kahwathwata ta saɗa da ni Asa, dzimbiɗana a wu, ka mag tsi ta skwi tɗukwa ta wa ira Yawe.

2Rus 21:12

Ka vindanaftá anabi Iliya ta ɗelewer ta Yəhuram, kaʼa mantsa: « Wya ka Yawe, Lazglafta dzidza gha Dawuda: “Ksaf a ka saɗa da gha Yəhusafat, nda ŋa Asa mghama la Yuda wu,

2Rus 22:9

Ka zbə Yehu ta Ahaziya, ka ksaftá lu ma Samari ta ɗifa hada. Ka kladaghatá lu da Yehu, ka dzatá lu. Ka paɗamtá lu, kabga ka lu na: « Tsa zigha Yəhusafat ta zba ndana Yawe nda hya hya ŋuɗufa ni yeya, » ka lu. Ta haɗ mndu ta pɗata ga la Ahaziya pɗaku prək ŋa gá mgham wa.

2Rus 27:6

Ka sgavaghatá mbrakwa Yutam, kabga dihana diha ta mbaɗa ɗina ta kəma Yawe, Lazglafta ni.

2Rus 29:2

Ka mag tsi ta skwi tɗukwa ta wa ira Yawe, manda va ŋa dzidza ni Dawuda.

2Rus 34:2

Ka mag tsi ta skwi tɗukwa ta wa ira Yawe. Ka ksaftá ta tvi manda ŋa dzidza ni Dawuda, dzəmbiɗana a dər nda ga zeghwi dər nda ga zlaɓa wa.

Sabi 3:12

Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Sabi 4:12

Ndanana ná, la! kawadaga yu nda kagha ta gwaɗ ka ta gwaɗa, dzaʼa taghaghaf tagha yu ta skwi ŋa gwaɗay gha, » kaʼa.

Mata 1:23

« Wya dzaʼa zlghaf zlgha daghala makwa ta kul snaŋtá zgun ta huɗi, ŋa yata ni ta zwaŋa zgun, ŋa tsanaftá hga ni ka Emanuwel, » manda mnay kazlay: Kawadaga Lazglafta nda amu kəʼa ya.

Mata 18:20

Ma vli ya guyava mnduha his ka hkən a tsi ma hga ɗa ná, mataba taŋ yu, » kaʼa.

Mata 25:16

Ka gi sliʼafta tsa ta zlghaftá talaŋ hutaf ya da tsakala nda tsi, ka zanaghatá tsi ta ndeli ka talaŋ hutaf guli.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

2Tim 4:22

Ka nza Mgham Lazglafta nda kagha. Ka nza zɗakatahuɗa Lazglafta guli nda kaghuni demdem!

Yəhusuwa 1:5

Ma inda nzakwa gha ná, haɗ mndu dzaʼa ŋaŋta da kagha wa. Manda ya nza yu nda Musa ya, manda va tsaya dzaʼa nzata yu nda kagha guli. Haɗ yu dzaʼa walaŋta zlaghata wu, haɗ yu dzaʼa walaŋtá vzighista guli wa.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

Gwal tsa guma 2:11

Ka magatá la Israʼila ta ghwaɗaka skwi ta wa ira Yawe, ka laghu həŋ tsəlɓu ŋa Baghalha.

Gwal tsa guma 2:18

Ma fitika zlaganapta Yawe ta gwal tsanatá guma ta həŋ, kawadaga Yawe nda mnda tsa guma, ka katu tsi ta həŋ da ghumaha taŋ ma fitika nzakwa tsa mnda tsa guma ya. Ta taway ta hiɗahiɗa ta ŋaɗa ghəŋ ta ŋaɗ həŋ, dabga gwal ta ghuya ɗaŋwa ŋa taŋ, ka sa duni ŋa taŋ ya.

Gwal tsa guma 6:12

Ka zlagaptá duhwala Yawe da tsi, kaʼa nda tsi mantsa: « Bikwira vulu! Kawadaga Yawe nda kagha, » kaʼa.

Gwal tsa guma 8:33

Ama tahula mtuta Gidghuŋ, ka zlrəglaftá la Israʼila ta maga sliʼiŋsliʼiŋ nda ma tsəlɓu ŋa Baghalha. Ka klaftá həŋ ta Baghalʼbərit ka lazglafta taŋ.

1Sam 18:12

Ka zləŋatá Sawulu ta Dawuda, kabga kawadaga Yawe nda Dawuda, zlanava zla ta Sawulu.

1Sam 18:14

ta dzaʼa ta kəma ta kəma Dawuda ma inda skwi ta mag tsi, kawadaga Yawe nda tsi guli.

1Sam 18:5

Ta za za Dawuda ta ghwa ma inda vli ta ghunafta Sawulu nda gwal vulu. Ka fatá Sawulu ta Dawuda ka ghəŋ ta ghəŋa gwal vulu, ka zɗəganatá tsaya ta mnduha nda kwalvaha Sawulu tani.