2Rus 15:7 - Hdi

⁷ Ama kaghuni, mbrawa mbra ta vgha, ma rwu kuni ta vgha, kabga mamu nisəla slna ghuni, » kaʼa.

2Rus 15:7 ပူးပေါင်းရင်းမြစ်များ

Zlrafta 15:1

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

1Rus 28:20

Ka Dawuda nda zwaŋa ni Salumuŋ mantsa: « Mbra ta vgha, ka ŋavata ka ka maga slna! Yaha ka da zləŋ, yaha ka da ghudzaku, kawadaga Yawe, Lazglafta, ka Lazglafta ɗa, nda kagha. Haɗ dzaʼa zlaghata wu, haɗ dzaʼa zlaghata ŋa zləmbuta gha wu, ha ka kɗatá inda tsa slna ba həga Yawe ya wa.

2Rus 19:11

Wya Amarya, mali ta ghəŋa gwal dra skwi ŋa Lazglafta ka mala ghuni ŋa maga inda skwi ta nghanaghatá gwaɗa Yawe, nda Zəvadiya, zwaŋa Yismaghel, ka mali ta ghəŋa guyatá ghəŋa la Yuda, ŋa maga inda skwi ta nghanaghatá mgham. Wya la Levi da kaghuni, ŋa dzəgaghunatá dzvu. Mbrawa mbra ta vgha, ka maga kuni ta slna, ka nza Yawe kawadaga nda mndu ta maga skwi ɗina, » kaʼa.

2Rus 32:7

« Mbrawa mbra ta vgha, ka ŋavata kuni! Yaha kuni da zləŋ, yaha kuni da ghudzaku ta kəma mghama la Asur, nda dəmbuʼata mnduha kawadaga nda tsi. Mamu amu nda mndu ta mbruta ka malaghutá ya da tsatsi.

Danyel 10:19

Kaʼa mantsa: « Ma zləŋ ka ta zləŋ, mamu sgita gha ta wa ira Lazglafta, ka nza zɗaku nda kagha, ŋava ŋa, mbra ta vgha! » kaʼa. Tata tsa gwaɗa ya nda iʼi, ka vravaftá mbrakwa ɗa. Ka yu mantsa: « Mna ta gwaɗa gha Rvera ɗa, kabga vliha vla ka ta mbraku, » ka yu.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Mata 5:46

Ka gwal ta ɗvutá kaghuni yeya ka kuni laghu ɗvuta katsi, mndəra wati nisəla ta dzaʼa kuni mutsəgəlta na? Dər gwal tska dzumna guli ná, mantsa ya a ta maga həŋ guli ra?

Mata 6:1

« Ɗasuwa ka kuni ta mag kuni ta skwi tɗukwa, yaha kuni da magay ŋa ghubaku ta wa ira mnduha. Ka mantsa tsi ná, mutsafta a kuni ta nisəla ghuni da Da ghuni ta nzakway ta luwa wa.

Mata 6:18

Tsaya dzaʼa kwal mnduha tsatsafta ta suma ka kəʼa. Ta ghəŋa Da gha hada ta nzaku ma ɗifa yeya nda ngha. Dzaʼa plagham pla tsa Da gha nda ngha ta skwi ta mag ka ma ɗifa ya. Psawa psa ta mutsaftá gadghəl da Lazglafta. »

Mata 6:4

Tsaya dzaʼa kəl tsa mbəha gha ya ka nzakway ka skwi nda ɗifa. Dzaʼa plagham pla Da gha Lazglafta ta ngha skwi ta mag ka ma ɗifa ya. »

Mata 6:6

Ama kagha, ka ta maga duʼa ka, laghu la da dzuguva gha, ka hafta ka ta tgha gha ka ndəɓa ka ta dzvu. Dzaʼa plagham pla Da gha ta nzakway ta nghay ma ɗifa ya.

Lukwa 6:35

Kaghuni ya ná, ɗvuwa ɗva ta ghumaha ghuni, magawa maga ta zɗaku ŋa taŋ. Ɓlawa nzawa ŋa mnduha, ma faf kuni ta ghəŋ ta vraghunamta, dzaʼa mamu nisəla ghuni dagala, dzaʼa nzakway kuni ka zwana Lazglafta Dagala, kabga tsatsi ná, zɗa ghəŋa ni nda mnduha kul haɗ ta rfa mndu, nda gwal ta sidi tani. »

1Kwa 15:58

Mantsa tama zwana ma ɗa gwal ta ɗvu yu, dihavawa diha, ma gigɗava kuni, lawa la ta kəma ta kəma nda slna Mgham Lazglafta, ya haɗ visa ghuni dzaʼa nzata ka mbalay da Mgham Lazglafta wa.

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

1Kwa 3:14

Ka driŋ a vu ta slna tsa mndu ta tughwa ni ya wu katsi, dzaʼa mutsay ta nisəla ni.

1Kwa 3:8

Ka skwa turtuk mndu ta sləgafta nda mndu ta tatiŋtá imi. Dər wa dzaʼa mutsay ta nisəla ni taɓta slna ya maga tsi da Lazglafta.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

Kwalus 3:24

Ɗina ka snaŋta ghuni kazlay: Dzaʼa plaghuna pla Mgham Yesu nda skwi ya payana tsi ta mnduha ni kəʼa. Vərɗa daŋahəga ni həga ná, Kristi ya. Tsatsi mndu ta maganata kuni ta slna.

Hebru 10:35

Mantsa tama, ŋavawa ŋa ka dzaʼa kuni ta kəma ta kəma nda fata ghəŋa ghuni ta Lazglafta. Ka ŋava ŋa kuni, dzaʼa mutsay kuni ta nisəla ghuni dagala.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

Yəhusuwa 1:6

Mbra ta vgha ka ŋavata ka, kagha dzaʼa dganaftá na mnduha na ta haɗik ya waɗana yu ta dzidzíha taŋ ya.

Yəhusuwa 1:7

Mbray kagha ta vgha, ka ŋavata gha kahwathwata kweŋkweŋ ŋa gha, ŋa ŋanatá inda tagha skwi ya mnaghaf kwalva ɗa Musa. Yaha ka da mbəɗaghutá vgha dər nda ga zeghwi, dər nda ga zlaɓa, kada dzaʼa ka ta kəma ta kəma ma inda vli ta dzaʼa ka.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

Yəhusuwa 14:14

Ha gita, ŋa zivira Kalep zwaŋa Yəfune mnda la Kənaz tsa Hevruŋ ya, kabga maga maga Kalep ta skwi manda va ya kumaŋ Yawe, Lazglafta la Israʼila.

2 Yuhwana 1:8

Ɗasuwa ka kuni nda həŋ, da dəɗəgudughunusta hya hya skwi ya mutsaf kuni da aŋni, ya dzaʼa mutsay kuni ta nisəla ghuni katakata.

Rut 2:12

Ka plagham pla Yawe ta skwi ya maga ka, ka hɗaghamta Yawe, Lazglafta la Israʼila, sagha ka da zba vla bukwa mista zlimbira ni ya, ta nisəla gha gerger! » kaʼa.