2Rus 15:16 - Hdi

¹⁶ Ka kliŋtá mgham Asa ta midza ni Maghaha markwa mgham ma nzakwa ni ka markwa mgham, kabga vəl magafta ni ta skwa wuyay Asera ta vla hula ŋa mndu. Ka hliŋtá Asa ta skwa wuyay ni, ka nanafta ka gninika haɗik, ka driŋta ta wa lika Kidruŋ.

2Rus 15:16 ပူးပေါင်းရင်းမြစ်များ

1Mgh 15:10

Fwaɗ mbsak ndeŋ mida vakwa ni ta ga mgham ma Ursalima. Maghaha hga midza ni, makwa Avisalum.

1Mgh 15:2

Hkən vakwa ni ta gá mgham ma Ursalima. Maghaha hga ma ni, makwa Avisalum.

2Mgh 23:12

Ka dzaɓiŋtá tsi ta gwirha ta ghərzla dzuguvi ta ghəŋa həga nda slra ŋa Ahaz, gwirha ya si dzidzihwaf mghamha la Yuda ya. Mantsa ya tsaha magaf Mənase ma daɓiha his ma həga Yawe ya. Tahula ɓaliŋta ni, ka hlafta tsi hada, ka hlaghata pghiŋtá hutiɗifa taŋ ma lika Kidruŋ.

2Mgh 23:15

Ka dzaɓiŋtá Yusiya guli ta gwir ma Betel, vli tskala si dzihwaf Yaruvgham, zwaŋa Nəvat ta hladamtá la Israʼila da ga dmaku ya. Ka driŋtá tsi ta tsa vli tskala ya, ka ŋərɗiŋta ka hutiɗif, ka driŋtá tsi ta skwa wuyay Asera.

2Mgh 23:4

Ka mnanaftá mgham Yusiya ta Hilkiya, mali ta ghəŋa gwal dra skwi ŋa Lazglafta, nda gwal dra skwi ŋa Lazglafta ka sagəŋ mista ni, nda gwal ta ngha wi tgha tva lami da həga Yawe, ŋa hligiŋta taŋ ta inda huzla maganaf lu ta Baghal, nda ya ŋa skwa wuyay Asera, nda ya ŋa inda skwiha ta luwa. Ka driŋtá tsi ta hula Ursalima ma vwahha ta vata vli ma lika Kidruŋ, ka faɗaftá tsi ta hutiɗifa ni ka hlaghata da Betel.

2Mgh 23:6

Ka kligiŋtá tsi ta skwa wuyay Asera ma həga Yawe. Ka klaghatá tsi da lika Kidruŋ ta hula Ursalima, ka driŋtá tsi hada, ka ŋərɗiŋtá tsi ka hutiɗif, ka paghafta ta daɓa kuluha hamata mnduha.

2Rus 15:17

Kulam nda tsa, hlu a tsa vliha tskal tskala ma Israʼila, dər má ndiʼaf ndiʼa Asa ta vgha kahwathwata ta Yawe ma nzakwa ni nda hafu wa.

2Rus 29:16

Ka lam gwal dra skwi ŋa Lazglafta da huɗa həga Yawe da tsaɗigiŋta. Ka hligiŋtá həŋ ta inda skwiha kul tsaɗaku slanagha həŋ ma həga Yawe, ka pghata ma daɓa həga Yawe. Ka hlaftá la Levi hada, ka hlaghata diʼiŋ da lika Kidruŋ.

2Rus 30:14

Ka sliʼaftá həŋ dzadzaɓiŋtá gwirha ya si ta vlə lu ta pla ghəŋ ta həŋ ma Ursalima, ka dzaɓiŋtá həŋ ta inda gwirha si ta drə lu ta urdiha ŋa dray nda dra ta həŋ, ka pghidiŋta da lika Kidruŋ.

2Rus 34:7

Ka dzaɓiŋtá tsi, ka seseʼanaptá gwirha, nda skwa wuyayha Asera, nda tsatsatá skwa wuyayha, ka niŋta kuzlup. Ka pasliŋtá tsi ta inda vla dra urdiha ta haɗika la Israʼila demdem. Tahula tsa, ka vraktá tsi da Ursalima.

Sabi 32:20

Ka klaftá tsi ta tsa mamakwa sla si magaf həŋ ya ka driŋta nda vu, ka huʼapta kəzlitit. Ka dzaftá ta imi, ka sasunustá la Israʼila.

Sabi 34:13

Katək ná, ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ.

La Levi 26:30

Dzaʼa zaɗana zaɗa yu ta inda vla wuya skwa ghuni tskal tskala. Dzaʼa dzaɓiŋ dzaɓa yu ta gwirha urda ghuni. Dzaʼa babana baba yu ta mbliha ghuni ta skwa wuyayha ghuni kul haɗ hafu ma həŋ. Dzaʼa mbiɗay yu ta kaghuni.

Markus 3:21

Snaŋta la taŋ ma Yesu ta skwi ta mnə lu kazlay: Nda hwaɗa ghunislakani kəʼa ya, ka sagha həŋ da klay.

Yuhwana 18:1

Tahula kɗiŋta *Yesu ta tsa gwaɗaha ya, ka sliʼaftá tsi nda duhwalha ni ka laghwi ta ɓla lika Sedruŋ. Mamu sana kwambalu mantsa vli ya, ka lam tsi dida kawadaga nda həŋ.

2Kwa 5:16

Ndanana tama ná, nghəgla a amu ta mndu manda hamata mnda səla wa. Dər má manda hamata mnda səla si ta ngha mu ta Kristi mndani ná, ndanana tama, nghəgla a amu manda tsaya wa.

Vrafta ta zlahu 33:9

ya ta mnay kazlay: “Ngha yu ta kaghuni ka mndu wu,” kaʼa nda i da ni nda ma ni. “Sna a yu ta kaghuni wu,” kaʼa nda zwana ma ni, nda ya nda zwana ni, dabga ŋanata taŋ ta gwaɗa gha, nda dzratá wa gha.

Vrafta ta zlahu 7:5

Katək ná, wya skwi dzaʼa kuni maganatá mndəra tsa mnduha ya. Ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ, ka dariŋta kuni ta tsatsatá skwa wuyayha taŋ,

Vrafta ta zlahu 9:21

Ka klaftá yu ta tsa mamakwa sla slraf kuni, slna dmakwa ghuni ya, ka driŋta nda vu. Ka ɓalanaptá yu, ka dzaɓanapta, ka huʼapta kəzlitit, ka dzaftá yu ta ŋərɗata ni ta zala ta saha ta ghwá.