2Rus 14:3 - Hdi

³ Kaʼa nda la Yuda mantsa: « Zbawa zba ta ndana Yawe, Lazglafta dzidzíha ghuni, ka ksa kuni ta slna nda gwaɗa ni nda ya nda zlahuha ni, » kaʼa.

2Rus 14:3 ပူးပေါင်းရင်းမြစ်များ

Zlrafta 18:19

Zbap zba yu ŋa mnanaftá zwana ni, nda gwal ma həga ga taŋ ta hula tsatsi, ŋa ŋanata taŋ ta tva skwi ta mnə Yawe, ŋa magay taŋ ta skwi tɗukwa nda ya ka kahwathwata. Mantsa ya tama, dzaʼa magana maga Yawe ta skwi ya tanaf tsi ta imi ta sləməŋ ta Abraham, » kaʼa.

2Mgh 18:4

Tsatsi ta hliŋtá vliha tskal tskala, ɓaliŋha ta dzagwatá palaha, ghwadiŋha ta skwa wuyayha Asera, dzaɓiŋha ta nahaɗika ghuva tili si magaf Musa ya, kabga ta dray la Israʼila ta urdi ŋa dray nda dra ta kəma ni ha ka lagha ta tsa fitik ya. Nəhustaŋ, ka lu ta hgay.

2Mgh 23:14

Ka ɓalanaptá tsi ta tsatsatá skwiha dgum dguma, ɗaɗatsiŋha ta skwiha wuyay Asera, ka ndaghanaftá tsi ta tsa vli si nza tsi ya nda ghudzifa mnduha.

2Mgh 23:6

Ka kligiŋtá tsi ta skwa wuyay Asera ma həga Yawe. Ka klaghatá tsi da lika Kidruŋ ta hula Ursalima, ka driŋtá tsi hada, ka ŋərɗiŋtá tsi ka hutiɗif, ka paghafta ta daɓa kuluha hamata mnduha.

2Rus 14:2

Ka hliŋtá tsi ta gwirha sanlaha ma lazglaftaha nda vliha tskal tskala, ka dzaɓiŋtá tsi ta palaha dzagwa lu, ka ghwadiŋtá tsi ta udzuha skwa wuyay Asera.

2Rus 14:4

Ka hliŋtá tsi ma inda luwaha la Yuda ta vliha tskal tskala nda gwirha ŋa dra urdi. Ka nzatá gá mgham ləŋləŋ ta tsatsi.

2Rus 15:17

Kulam nda tsa, hlu a tsa vliha tskal tskala ma Israʼila, dər má ndiʼaf ndiʼa Asa ta vgha kahwathwata ta Yawe ma nzakwa ni nda hafu wa.

2Rus 33:16

Ka vrəglanaftá tsi ta gwira Yawe, ka vlatá tsi tida ta skwiha ŋa pla ghəŋa zɗaku, nda ŋa rfu, mnanafha guli ta la Yuda ta ksanata taŋ ta slna ta Yawe, Lazglafta la Israʼila.

2Rus 34:4

Ka dzaɓiŋtá lu ta wa ira ni ta gwirha Baghalha, ka pasliŋtá tsi guli ta vla dra urdiha si nda ta ghəŋa ni, ka dzaɓiŋtá tsi ta skwa wuyayha Asera, nda tsatsatá skwa wuyayha, nda skwa wuyayha ka kfur nwap lu nda nwa, ka huʼanapta, ka wutsafta ta kuluha gwal si ta vla skwa pla ghəŋ ŋa tsa ghwaɗaka lazglaftaha ya.

Sabi 34:13

Katək ná, ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ.

La Levi 26:30

Dzaʼa zaɗana zaɗa yu ta inda vla wuya skwa ghuni tskal tskala. Dzaʼa dzaɓiŋ dzaɓa yu ta gwirha urda ghuni. Dzaʼa babana baba yu ta mbliha ghuni ta skwa wuyayha ghuni kul haɗ hafu ma həŋ. Dzaʼa mbiɗay yu ta kaghuni.

Vrafta ta zlahu 7:25

Ka dariŋta kuni ta tsatsatá skwa wuyayha taŋ. Yaha kuni da haraʼuwa dər kfura tsedi, dər dasu ta tsa skwa wuyayha ya. Yaha ka da hlay, dá nzakw tsi ka ŋatá dəɓəl ka ŋa ghuni, kabga nda nza həŋ ka manzakɗawayha da Yawe, Lazglafta ghuni.

Vrafta ta zlahu 7:5

Katək ná, wya skwi dzaʼa kuni maganatá mndəra tsa mnduha ya. Ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ, ka dariŋta kuni ta tsatsatá skwa wuyayha taŋ,