2Rus 13:7 - Hdi

⁷ Lagha falaya mnduha, nda gwal kul zɗaku hafa taŋ, ka gwaftá vgha nda tsi ta ghəŋa Rəhavgham, zwaŋa Salumuŋ. Ta ka zwaŋ Rəhavgham, tska a hiɗakwa ni wu, kwal tsi ŋaŋta da həŋ.

2Rus 13:7 ပူးပေါင်းရင်းမြစ်များ

2Sam 3:39

Dər má fa fa lu ta iʼi ka mgham nda ma pghaɗighatá rɗi ná, nda rwa vgha ɗa. Tsa zwana Tseruya his ya ná, mbru mbra həŋ ka ŋa ɗa. Ka vranam vra Yawe da kəma ni taɓta sida ni ta mndu ya ta maga ghwaɗaka skwi! » kaʼa.

1Mgh 21:10

Ka pghata kuni ta falaya mnduha his mbəŋ nda tsi, ka tsanavata həŋ ta gwaɗa kazlay na: “Kagha ta razanaftá i Lazglafta, nda mgham,” ka həŋ dzaʼazlay. Tahula tsa, ka klaghata kuni ta hula luwa ŋa zlambata ha ka mtata ni! » kaʼa.

1Mgh 21:13

Ka lagha falayha his nzata mbəŋ nda Navut, ka tsanavatá həŋ ta gwaɗa ta kəma mnduha kazlay na: « Navut ta razanaftá i Lazglafta, nda mgham! » ka həŋ. Tahula tsa, ka klaghatá lu ta hula luwa, ka zlambata ha ka mtuta ni.

2Rus 10:16

Nghadapta inda la Israʼila ná, fana a mgham ta sləməŋ ta həŋ ka sna skwi ta ɗaw həŋ wu, ka mnduha zlghanaftá wi ta mgham mantsa: « Nahgani ŋa ŋni nda Dawuda na? Haɗ ŋni ta zuvustá həga nda tsa zwaŋa Yisay ya wa! Ariwa la Israʼila, ka vra dər wa dzagha ni! Ndanana, nghap ngha ka həga gha a Dawuda! » ka həŋ. Ka varaghutá la Israʼila demdem dzagha taŋ.

2Rus 12:13

Ka dihanatá mgham Rəhavgham ta gá mghama ni ma Ursalima, ka gə tsi ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

Slna gwal ghunay 17:5

Ka ndəghanaftá draku ta ŋuɗufa sanlaha ma la Yahuda, ka hlafta həŋ ta la tanda ma luwa, ka sliʼanafta həŋ ta ŋuɗufa mnduha. Ka sliʼadaghata həŋ da Yasuŋ, ka zbə həŋ ta i Pwal nda Silas ŋa hla həŋ ta kəma mnduha,

1Kwa 14:20

Zwana ma ɗa, ma nza ndana ghuni manda ŋa zwani. Ka təv ghwaɗaka skwi tsi katsi, manda zwani kwitikw kwitikw ka kuni nzata, ama ndana mndərha ka kuni ndanay.

Vrafta ta zlahu 13:13

Ka lagha ghuni ka snaŋta ma ya turtuk ma luwaha ya vlaghuna Yawe, Lazglafta ghuni ŋa nzakwa ghuni mida ta mnay kazlay

Titus 1:10

Kəl yu ka mna tsaya ná, kabga nda ndəgha gwal kul haɗ ta sna gwaɗa da mndu, ta tsaɓaku, ta babara mnduha. Wya mal mataba gwal nda tsatsa fafaɗa taŋ na tsa gwal ta maga tsa skwiha ya.

Hebru 5:12

Nda kɗa fitik má prək ka nzakwa ghuni ka gwal taghanatá skwi ta sanlaha, kabga nda kɗa fitika ghuni ta tagha skwi, ama ta sna a kuni wa. Ŋa sləglavapta nda sla vgha ka taghəgəlta ŋa ghuni ta va tsa skwiha ma gwaɗa Lazglafta taghu kuni daga taŋtaŋ ya. Ta sna a kuni karaku ta za skwa zay ta zə la galata mndu wu, manda zwaŋ ta ghuva tata sa uʼa ya kuni.

Gwal tsa guma 11:3

Ka hwayaghutá Yifta diʼiŋ nda zwana da ni, ka laghu tsi nzata ta haɗika Tuv. Ka tskadaghatá falayha ta vgha ta vata ni, ka sliʼi həŋ da zləɗa vli kawadaga nda tsi.

Gwal tsa guma 9:4

Ka klaʼatá həŋ mataba tsedi ma həga Baghalʼbərit ta sulay ndəfáŋ mbsak ka vlaŋta. Ka klaftá Avimelek ta tsa tsedi ya ka dzawatá la falay nda gwal kul haɗ rga taŋ ŋa dzaʼa mista ni.

1Sam 22:2

Ka tskavatá inda gwal ma ghuya ɗaŋwa, nda inda gwal nda dməŋ ta həŋ, nda inda gwal nda gurɗa ŋuɗufa taŋ ta vata ni, ka nutá tsatsi ka mala taŋ. Mantsa tama, ta magay mnduha ta fwaɗ dərmək (400) ta lagha ta vata ni.