2Rus 13:5 - Hdi

⁵ Sna a kuni kazlay na vlaŋ vla Yawe, Lazglafta la Israʼila ta Dawuda ta gá mgham ŋa ɗekɗek ta ghəŋa la Israʼila, ŋa tsatsi nda inda zivira ni, nda ma dzratá wi nda slughul, kəʼa wu ra?

2Rus 13:5 ပူးပေါင်းရင်းမြစ်များ

2Sam 10:13

Ka gavadaghatá Yuʼav nda bakwa ni ŋa liŋta nda vulu ta la Aram. Ka hwayaftá tsaha ya ta kəma ni.

1Mgh 8:20

Hɗam hɗa Yawe ta gwaɗa ni ya mna tsi nda wa ni. Iʼi ta lami da vla da ɗa Dawuda, ka nzaftá yu ta dughurukwa ga mghama la Israʼila, manda va ya mna Yawe, ka baftá yu ta na həga na ŋa vlaŋtá sgit ta Yawe, Lazglafta la Israʼila.

1Rus 17:11

Tahula hɗamta fitika gha, laghu la ka da dzidzíha gha ya, dzaʼa zlaganap zlaga yu ta mndu turtuk mataba zivirha gha, ya dzaʼa sabi ma kagha. Dzaʼa dihana diha yu dar ta ga mghama ni.

1Rus 17:14

Dzaʼa ŋana ŋa yu ŋa ɗekɗek ma həga ɗa, nda ya ma gá mghama ɗa, dzaʼa nda diha dughurukwa gá mghama ni ŋa ɗekɗek,” » kaʼa.

2Rus 6:16

Ndanana, Yawe, Lazglafta la Israʼila, hɗam hɗa ta tatá imi ya tanaf ka ta sləməŋ ta kwalva gha, da ɗa Dawuda. Ka kagha nda tsi na: “Pɗata a ka ɗekɗek ta mndu turtuk ma zivira gha ta nzaku ta kəma ɗa ta dughurukwa ga mghama la Israʼila wa. Kweŋkweŋa ni ná, ka nghapta zivira gha ka nzakwa taŋ, ka ksay taŋ ta zlaha ɗa manda ya maga vərɗa kagha,” ka ka.

Nəhemiya 5:9

Ka kɗaŋtá yu ta gwaɗa: « Ɗina a tsa skwi maga kuni ya wa. Nzawa nza ta nzaku ma zləŋa Lazglafta mu, ŋa wara razuha da sanlaha ma mndəra mnduha, ta nzakway ka ghumaha mu.

Danyel 5:18

Ari rvera ɗa, vlaŋ vla Lazglafta Dagala ta ga mgham, nda glaku, nda sgit, nda mbraku ta da gha Nevuhadnetsar.

La Levi 2:13

Inda mbəhu ya ta nzakway ka nimaya ná, ka kuktafta kuni ta slughul tida. Yaha kuni zanapta kuktaftá slughul, kabga slughul ŋizla dzratá wi mataba ghuni nda Lazglafta ghuni. Tsaya tama dzaʼa kəl kuni ka gɗata ta maga slughul ta inda mbəhuha ghuni.

Mbsak 18:19

Inda mbəhuha nda ghuɓa ta faghuta la Israʼila ŋa Yawe ná, ta vlaghuna vla yu ŋa ghuni, nda zwana zgwana gha nda kwagha gha, ka zlahu ŋa ɗekɗek. Tsaya dzratá wi nda slughul ŋa ɗekɗek ta kəma Yawe, ŋa gha, nda zivira gha, » kaʼa.

2 Piyer 3:5

Gwal ta mnay mantsa ya ná, mamu skwi ya nda maya zanap həŋ ka palama. Daga manda ghalya ta magaftá Lazglafta nda gwaɗa ni ta luwa nda haɗik. Kligiŋ ma imi lu ta haɗik, nda imi guli magafta lu ta haɗik.

1Sam 16:1

Ka Yawe nda Samuyel mantsa: « Dzaʼa gɗata ta tawa Sawulu ka ra? Wuɗiŋ wuɗa vərɗa iʼi, nzəgla a ka mghama la Israʼila wa. Ndəgham ndəgha ta rɗi ma dula gha, ka dzaʼa ka. Ta ghuna kagha yu da Yisay, mnda la Betʼlehem, kabga nda ngha yu mataba zwana ni ta mgham ta kum yu, » kaʼa.

1Sam 16:12

Ka ghunaghatá Yisay ta mndu da hgagaghata. Ka dva, tsəreslesl ira ni, nda mbaza ma kuma. Ka Yawe nda Samuyel mantsa: « Sliʼaf sliʼa, pghanagha pgha ta rɗi, tsatsi tsa mndu ya, » kaʼa.