2Rus 13:12 - Hdi

¹² Wana kawadaga Lazglafta nda aŋni, tsatsi mghama ŋni, nda paya vgha gwal dranatá skwi ŋa vya duli ŋa dzaʼa guyata nda kaghuni. Ariwa Israʼila! Ma vulu kuni ta vulu nda Yawe, Lazglafta dzidzíha ghuni, kabga haɗ kuni dzaʼa zatá ghwa wu! » kaʼa.

2Rus 13:12 ပူးပေါင်းရင်းမြစ်များ

2Rus 24:20

Mantsa tama, ka saha Sulkuma Lazglafta suw ta ghəŋa Zakari, zwaŋa Yəhuyada, mnda dra skwi ŋa Lazglafta. Ka lagha tsi da sladata ta kəma mnduha, kaʼa nda həŋ mantsa: « Wya ka Lazglafta: “Kabgawu kəl kuni ka kwalaghutá sna zlahuha Yawe na? Haɗ kuni dzaʼa walaŋtá dzaʼa ta kəma ta kəma wu, kabga zlanavata ghuni ta Yawe, dzaʼa zlavaghuna zla tsatsi guli,” » kaʼa.

2Rus 32:8

Mbrakwa sluʼuvgha kweŋkweŋ ŋa gwal kawadaga nda tsa mgham ya, ama kawadaga nda amu, mamu Yawe, Lazglafta mu, dzaʼa sagha da kata amu, dzaʼa vulamatá vulu, » kaʼa. Ka vlaŋtá tsa gwaɗa Hizkiya mghama la Yuda ya ta mbraku ta mnduha.

Mbsak 14:41

Ama ka Musa mantsa: « Nu ta mag kuni hada na? Ta ɓlanap ɓla kuni ta skwi ta mnafta Yawe! Katsafta a kuni wa.

Mbsak 23:21

Nghaŋta a lu ta zləmnda da la Yakubu wu, nghaŋta a lu ta ghuya ɗaŋwa da la Israʼila wa. Kawadaga Yawe, Lazglafta taŋ nda həŋ. Ga taŋ ta ghudzaga ndəɓa dzva ga mgham.

Mbsak 31:6

Ka ghunaghatá Musa ta gwal vulu dəmbuʼ dəmbuʼ ma inda mndəra mndu da vulu. Ka ghunaghatá tsi ta həŋ kawadaga nda Pinhas, zwaŋa Ilghazar mnda dra skwi ŋa Lazglafta, ta klatá huzla nda ghuɓa, nda duli ŋa tsgha lwi ya ma dzva ni.

Slna gwal ghunay 5:39

Ala, ka sagha da Lazglafta tsi katsi ná, laviŋta a kuni ta lɓanata wa. Ɗaswa ka kuni nda lmu dzaʼa kuni lmay nda Lazglafta, » kaʼa nda həŋ. Ka snanatá tsa mnduha ya ta tsa gwaɗa ni ya.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

Vrafta ta zlahu 20:4

kabga Yawe, Lazglafta ghuni ta mbaɗa kawadaga nda kaghuni ŋa gəmata nda vulu nda ghumaha ghuni ŋa mbaghunafta,” kaʼa dzaʼazlay.

Vrafta ta zlahu 28:29

Ma tsaka fitik, dzaʼa lalamaku manda ghulpata mndu ma grum. Dzaʼa bursuʼuwaku kuni ma slna ghuni. Dzaʼa ghuyay lu ta kaghuni inda fitik ka zləɗa kaghuni, haɗ mndu dzaʼa katapta kaghuni da həŋ wa.

Hebru 2:10

Inda skwi ná, Lazglafta ta magafta. Ka ŋa ni nzakwa ni guli. Mantsa, ka ɗvaftá Lazglafta ta payaftá Yesu nda ma ghuya ɗaŋwa ya ghuy tsi, kada mutsafta ndəghata mnduha ta nzaku ka zwana ni, ŋa hlay ni ta həŋ da glakwa ni. Yesu tsa mndu dzaʼa hla həŋ da mbaku ya.