2Rus 12:3 - Hdi

³ Ka sliʼaftá Sisak ma Masar nda mwataha plisa ni dəmbuʼ nda his dərmək (1.200), nda gwal ŋla plis dəmbuʼ mkuʼ mbsak (60.000), kawadaga nda gwal vulu kul mbəɗavata. Mataba taŋ, mamu gwal vula la Libi, nda la Suki, nda la Kus.

2Rus 12:3 ပူးပေါင်းရင်းမြစ်များ

2Sam 10:18

ama ka hwayaftá sludziha la Aram ta kəma la Israʼila. Ka pslatá Dawuda ta sludziha la Aram gwal ta ŋla mwata plis ndəfáŋ dərmək (700), nda gwal ta ŋla plis dəmbuʼ fwaɗ mbsak (40.000). Ka zlghuŋtá tsi guli ta Suvak, mala gwal vula taŋ, ka mtutá tsi hada hada.

2Mgh 7:6

Ka fatá Yawe ta snaŋta la Aram ta ghudzaga mwataha plis, nda plisha, nda hlawa ndəghatá sludziha, ka həŋ mataba taŋ mantsa: « Pgham pgha mghama la Israʼila ŋa vulu nda amu ta mghamha la Het, nda mghamha la Masar ŋa guyata nda amu, » ka həŋ.

2Rus 14:12

Ka hwayiŋtá Asa nda mnduha ni ta həŋ ha da Gerar, ka pslatá həŋ ta la Kus, kataf a həŋ ta hafa taŋ wu, kabga huʼanap huʼa lu ta həŋ ta kəma Yawe nda sludziha ni. Ka hlaghatá həŋ ta skwa zləɗu katakata.

2Rus 14:8

Ka liŋtá Zerah mnda la Kus ta həŋ nda vulu. Ka lagha tsi nda gwal vulu mleŋwi (1.000.000) nda mwata plis hkən dərmək (300), ka ɓhadaghatá həŋ ha da Maresa.

2Rus 14:9

Ka lab Asa da guyay, ka dzaftá həŋ ta vgha ŋa vulu ma didiŋa Tsəfata, ndusa nda Maresa.

2Rus 16:8

La Kus nda la Libi ná, ndəghu ndəgha həŋ katakata. Mamu mwata plis ŋa vulu, nda gwal ŋla plis ta ndəghuta da həŋ. Kulam nda tsa ndəghatá həŋ ya, vla vla Yawe ta həŋ ma dzva gha, kabga vəl dihafta gha ta vgha tida.

Danyel 11:43

Dzaʼa nzanagha nza ta ghəŋa gadghəla la Masar, nda dasu tani, nda kfura tsedi tani, nda huzlaha nda bla nda bla tani. Dzaʼa ksay la Libi nda la Kus ta səla ni.

Suna Yuhwana 9:16

Ka snaɗimtá lu ta mbsaka sludziha taŋ ta plis ta plis. Mleŋwi his dərmək həŋ.

Gwal tsa guma 4:13

Ka hagaftá Sisəra ta inda mwata plisha ni təmbay dərmək (900) ka kfur ka kfur, nda inda mnduha hada kawadaga nda tsi ma Harusetʼguyim, ŋa laha da lika Kisuŋ.

Gwal tsa guma 6:5

Ta laf la la Midyaŋ nda bra rina taŋ, nda tumpulha taŋ tani, manda hiʼa maya tskata həŋ. Hahəŋ nda ŋalibwaha taŋ, mbəɗava a həŋ wa. Ta lam la həŋ da tsa haɗik ya da ɓadzay.

1Sam 13:5

Ka tskaftá la Filisti guli ta vgha ŋa vulu nda la Israʼila: Dəmbuʼ hkən mbsak (30.000) mwata plisa taŋ, dəmbuʼ mkuʼ (6.000) gwal ta ŋla plis, nda ndəghata sludziha guli manda wutak ta wa drəf. Ka laf həŋ fatá ghuɓa taŋ ma Mikmas, nda təv safa fitik ma Betʼaveŋ.