2Rus 12:13 - Hdi

¹³ Ka dihanatá mgham Rəhavgham ta gá mghama ni ma Ursalima, ka gə tsi ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

2Rus 12:13 ပူးပေါင်းရင်းမြစ်များ

1Mgh 11:1

Ka ɗvutá mgham Salumuŋ ta ndəghata kwagha mayəm zlanaha lu ta makwa Firʼawna, ka hlaftá tsi ta kwagha la Muwav, nda la Ghamuŋ, nda la Idum, nda la Tsiduŋ, nda la Het.

1Mgh 11:36

Dzaʼa zlanaŋ zla yu ta mndəra mndu turtuk ta zwaŋa Salumuŋ, kada gɗavata pitirla kwalva ɗa Dawuda ta kəma ɗa ma Ursalima, luwa ya zbap yu ŋa nzakwa hga ɗa.

1Mgh 14:21

Ma Yuda, ta ga Rəhavgham, zwaŋa Salumuŋ ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

2Rus 12:1

Dihanata Rəhavgham ta gá mghama ni, ka mutsaftá mbraku ná, ka zlanavatá tsi kawadaga nda la Israʼila demdem ta zlaha Yawe.

2Rus 13:7

Lagha falaya mnduha, nda gwal kul zɗaku hafa taŋ, ka gwaftá vgha nda tsi ta ghəŋa Rəhavgham, zwaŋa Salumuŋ. Ta ka zwaŋ Rəhavgham, tska a hiɗakwa ni wu, kwal tsi ŋaŋta da həŋ.

2Rus 6:5

“Daga baɗ hlagapta ɗa ma haɗika Masar ta mnduha ɗa, haɗ luwa ya zbap yu mataba inda mndəra la Israʼila ŋa baftá həga ŋa nzakwa hga ɗa wu. Haɗ mndu zbap yu ŋa nzakway ka mgham ta ghəŋa mnduha ɗa la Israʼila wu,

2Rus 6:6

ama zbap zba yu ta Ursalima ŋa nzakwa hga ɗa, zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

Nəhemiya 13:1

Ma tsa fitik ya, ka dzaŋaftá lu ta ɗelewera Musa ta wa sləməŋa mnduha, ka slanaghatá lu ta vinda ni kazlay na haɗ la Ghamuŋ nda la Muwav dzaʼa walaŋtá lami da taba guyatá ghəŋa mnduha Lazglafta wu kəʼa,

Nəhemiya 13:26

Ka yu nda həŋ mantsa: « Ma magay mantsa a kəl Salumuŋ mghama la Israʼila ka gatá dmaku wu ra? Mataba ndəghatá mndəra sana mnduha ná, haɗ mgham taɓta tsatsi wu, ɗvu ɗva Lazglafta, ka fata Lazglafta ka mgham ta ghəŋa inda la Israʼila, ama kulam nda tsa, ka klamtá miʼa mndəra sana mnduha da dmaku guli!

Sabi 20:24

Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi.

Vrafta ta zlahu 12:11

Tahula tsa, dzaʼa zbapta Yawe, Lazglafta ghuni ta vli ŋa nzakwa hga ni, hada dzaʼa hladaghata kuni ta inda skwiha ya mnaghunaf yu: Tsaya skwi ŋa pla ghəŋ ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ta zbapta kuni ŋa vlaŋta Yawe ŋa hɗamtá skwi waɗana kuni.

Vrafta ta zlahu 12:5

Ama ka dzaʼa kuni da tsəlɓu ŋa ni ma vli ya dzaʼa zbafta Yawe, Lazglafta ghuni mataba inda mndəra ghuni, ŋa fata hga ni, ka nzata ni hada. Hada da dzaʼa kuni.

Vrafta ta zlahu 23:3

Lamta a masagwa da taba guyatá ghəŋa mnduha Yawe wa. Lamta a ya dər turtuk mataba zwana ni da taba guyatá ghəŋa mnduha Yawe ha ka labi ta maghwaŋa zivira taŋ wa.