2Rus 1:12 - Hdi

¹² vlagha vla yu ta ɗifil nda mahizl. Dzaʼa vlagha vla yu ta gadghəl, nda nzakw ka galipi, nda glaku, ya ta kul walaŋta mghamha ta tiŋlaghutá kagha ta mutsafta, manda ya dzaʼa kwal gwal tahula kagha ta mutsafta guli, » kaʼa.

2Rus 1:12 ပူးပေါင်းရင်းမြစ်များ

1Mgh 10:24

Ka zbə inda mnduha ta ghəŋa haɗik ta guyata nda Salumuŋ ŋa nzata ka sna tsa ɗifil vlaŋ Lazglafta ya.

1Rus 29:12

Kagha ta vla gadghəl nda glaku, kagha ta gá mgham ta ghəŋa inda skwi. Ma dzva gha prəsl nda mbraku, dzva gha ta laviŋta ŋlanaftá mndu ka mbranafta.

1Rus 29:25

Ka kapanaftá Yawe ta Salumuŋ katakata, ka ŋlanafta ta wa ira la Israʼila demdem, ka vlaŋtá sgita gá mgham, ya kul maguta nda sana mgham ma kɗaku tsatsi ma Israʼila.

2Rus 9:22

Ka fikaghuta mgham Salumuŋ ta ghəŋa inda mghamha ta ghəŋa haɗik, ka galipi katakata nda ya nda ɗifil.

Nəhemiya 13:26

Ka yu nda həŋ mantsa: « Ma magay mantsa a kəl Salumuŋ mghama la Israʼila ka gatá dmaku wu ra? Mataba ndəghatá mndəra sana mnduha ná, haɗ mgham taɓta tsatsi wu, ɗvu ɗva Lazglafta, ka fata Lazglafta ka mgham ta ghəŋa inda la Israʼila, ama kulam nda tsa, ka klamtá miʼa mndəra sana mnduha da dmaku guli!

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

Afisus 3:20

Lazglafta ta laviŋtá maga inda skwi demdem. Nda tsa mbrakwa ni ta maga slna ma amu ya, ta laviŋta tsi ta maga inda skwiha ka malaghutá skwiha ya ta ɗawu mu nda skwiha ta ndanu mu tani.

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.