2Rus 1:11 - Hdi

¹¹ Ka Lazglafta nda Salumuŋ mantsa: « Tsəhala tsaya skwi ɗvaŋ ŋuɗufa gha katək ya, nzakw ka gadghəl, nda nzakw ka galipi, nda glaku, nda rwuta ghumaha gha, nda slravaghata hafa gha a ta ɗaw ka ya wu, ama ɗifil nda mahizl ta ɗaw ka katək, kada laviŋta ka ta gaftá mgham ta ghəŋa mnduha ɗa, gwal fa yu ta kagha ŋa gá mgham ta ghəŋa taŋ ya,

2Rus 1:11 ပူးပေါင်းရင်းမြစ်များ

1Mgh 10:24

Ka zbə inda mnduha ta ghəŋa haɗik ta guyata nda Salumuŋ ŋa nzata ka sna tsa ɗifil vlaŋ Lazglafta ya.

1Mgh 3:28

Ka snaŋtá inda la Israʼila ta tsa tsatá guma mgham ya. Ka zləŋ həŋ nda zləŋa ta mgham, kabga nghadapta taŋ ná, mamu ɗifila Lazglafta ma ghəŋa ni ŋa tsa guma nda tva ni.

1Mgh 8:18

Ama ka Yawe nda da ɗa Dawuda mantsa: “Kum kuma ka ma ŋuɗufa gha ta baftá həga ŋa hga ɗa, ɗina tsa kumafta gha ya.

1Rus 28:2

Ka sliʼaftá mgham Dawuda, ka sladata, kaʼa mantsa: « Fihawa fa ta sləməŋ zwana ma ɗa, mnduha ɗa! Si kumaf kuma yu ma ŋuɗufa ɗa ta baftá həga vli ŋa mbiʼa vgha akwata dzratá wa Yawe, vli ŋa fa səla Lazglafta mu. Si nda paya vgha ɗa ŋa bay,

2Rus 1:12

vlagha vla yu ta ɗifil nda mahizl. Dzaʼa vlagha vla yu ta gadghəl, nda nzakw ka galipi, nda glaku, ya ta kul walaŋta mghamha ta tiŋlaghutá kagha ta mutsafta, manda ya dzaʼa kwal gwal tahula kagha ta mutsafta guli, » kaʼa.

Slna gwal ghunay 5:4

Ta kul skwaptá ka ná, ka ŋa gha a nzakwa ni ra? Tahula skwapta gha guli, ka ŋa gha a tseda ni guli ra? Waká ka kurata magatá skwi manda na na? ŋa mnduha a tsakalanata ka ta wi wu, ŋa Lazglafta, » kaʼa.

Hebru 4:12

Gwaɗa Lazglafta ná, nda hafu mida, mbru mbra katakata guli. Zuza ka malaghutá wa limay his his. Laviŋ lava ta zlagadamta da ŋuɗuf, nda vla nzugu tani dikw da ɗudzi. Nda sna ta dgaptá skwi ta ɗaslu mndu, nda skwi ta ndanu tsi tani.

Yakubu 3:13

Wati ma mndu ya nda ɗifil ma ghəŋa ni nda sna ta skwi na? Ka mara tsi ta slnaha ni nda ma nzaku ɗina, nda hanata ghəŋa ya ta mutsu lu ma ɗifil.

Yakubu 3:17

Taŋtaŋ karaku, ɗifil ya ta saha ta luwa ná, nda ghuɓa. Tahula tsa, ta klak kla ta zɗaku nzaku, leɓtekwa, ta dzra ghəŋ, dagala hiɗahiɗa da tsi, slna ɗina ɗina ta sabi da tsi, haɗ ta gala mndu wu, haɗ maɗgwirmaɗgwir da tsi wa.

1Sam 16:7

Ama ka Yawe nda Samuyel mantsa: « Ma nghə ka ta tsata ni, dər slrakwa ni, kabga wuɗiŋ wuɗa yu. Manda ŋa mndu a ta ngha Yawe ta vli wa. Skwi ya ta wa iri ŋa mnduha ta nghay, ama Yawe ná, ŋuɗuf ŋa ni ta nghay, » kaʼa.