2Mgh 9:3 - Hdi

³ Ka klafta ka ta tsa hwaraka rɗi ya, ka pghəganata ka ma ghəŋ, ka ka dazlay: “Wya ka Yawe mnata: Nda ma pghaghaghatá na rɗi na, fa fa yu ta kagha ka mghama la Israʼila,” kaʼa, ka ka dazlay. Ka gi gunata ka ta wa tgha ka hwayaghuta ka yaha ka da sladavata, » kaʼa.

2Mgh 9:3 ပူးပေါင်းရင်းမြစ်များ

1Mgh 1:34

Hada, ka pghanaghata i Tsaduk, mnda dra skwi ŋa Lazglafta, nda anabi Nataŋ ta rɗi ŋa famta ka mghama la Israʼila, ka vyata kaghuni ta duli nda hla wi kazlay: “Ta mblam ka hafa mgham Salumuŋ!” kəʼa.

1Mgh 19:16

Ka famta ka nda ma pghanaghatá rɗi ta Yehu, zwaŋa Nimsi ka mghama la Israʼila. Ka famta ka nda ma pghanaghatá rɗi ta Ilisa, zwaŋa Safat, mnda luwa Avelʼməhula ŋa nzakwa ni ka anabi ma vla gha.

2Mgh 8:13

Ka Hazaʼel mantsa: « Wa iʼi kwalva gha, dzaʼa magatá skwi manda tsa, ta iʼi kri na? » kaʼa. Ka Ilisa zlghanaftá wi mantsa: « Yawe ta mariɗiŋta kazlay dzaʼa nzakway ka ka mghama la Aram kəʼa, » kaʼa nda tsi.

2Mgh 9:6

Ka sliʼaftá Yehu ka lam da həga. Ka pghəganatá tsa duhwal ka anabi ya ta rɗi ma ghəŋ, kaʼa mantsa: « Wya ka Yawe, Lazglafta la Israʼila mnata: “Nda ma pghaghaghatá rɗi, fa fa yu ta kagha ka mghama mnduha ɗa la Israʼila.

2Rus 22:7

Nda ɗvay Lazglafta kəl Ahaziya ka mutsafta zaɗaku ma lagha ni da Yuram. Ɓhadaghata ni, ka sab həŋ nda Yuram da guyaku nda Yehu, zivira Nimsi, mndu ya zbap Yawe nda ma pghanaghatá rɗi ŋa zaɗanatá la ga Ahav.

Sabi 29:7

Ka klafta ka ta rɗa fata ka ŋa Yawe, ka pghəganata ka ma ghəŋ ka masanamta.

Danyel 2:1

Ta mahisa vakwa Nevuhadnetsar ta pala, ka fanaghatá suniha. Ka kɓanaftá tsi, ka sulanaftá iri.

Danyel 5:18

Ari rvera ɗa, vlaŋ vla Lazglafta Dagala ta ga mgham, nda glaku, nda sgit, nda mbraku ta da gha Nevuhadnetsar.

La Levi 8:12

Ka pghəganatá tsi ma ghəŋ ta rɗa pghanaghatá mndu ta Haruna ŋa nzakwa ni nda fa ka ŋa Yawe.

Mata 10:16

« Wana yu ta ghuna kaghuni manda tuwakha da taba kramtak mtakha. Ka nzata kuni nda hiɗa manda nahaɗik, manda ghərbuʼ kul haɗ gwaɗa ta ghəŋa ni ya ká kuni da nzata guli.

Mata 2:13

Tahula laghwa taŋ, ka lagha sana duhwala Mgham Lazglafta da suna Yusufu. Kaʼa nda tsi mantsa: « Sliʼaf sliʼa, kla ta na zwaŋ na nda ma ni ka hwayaghata ka nda həŋ ta haɗika Masar, ka nzata ka hada. Iʼi dzaʼa mnaghata kada vrakta ka. Ya dzaʼa zbay Hiridus ta na zwaŋ na ŋa dzata, » kaʼa.

Mata 26:7

ta za skwa zay həŋ, ka lagha sana marakw ta vata Yesu nda klatá hwaraka albastra nda ndəghata ni nda urdi ya nda bla dzva ni. Ka pghəganatá tsi ma ghəŋ.

1Sam 10:1

Ka klaftá Samuyel ta hwaraka rɗi, ka pghəganatá Sawulu ma ghəŋ. Ka brusatá tsi. Kaʼa mantsa: « Yawe ta zbaptá kagha nda ma pghaghaghatá rɗi ŋa nzakwa gha ka mali ta ghəŋa mnduha ni, la Israʼila skwa za həga ni.

1Sam 15:1

Ka Samuyel nda Sawulu mantsa: « Iʼi ghunaf Yawe ŋa fatá kagha nda ma pghaghaghatá rɗi ŋa nzakwa gha ka mgham ta ghəŋa mnduha ni, la Israʼila. Ndanana tama, sna ta gwaɗaha mna Yawe.

1Sam 15:17

Ka Samuyel mantsa: « Aŋ mndani, haɗ hayhaya ɗa wu ka kagha si ta ngha ghəŋa gha, nza a ka ka mali ta ghəŋa mndəra la Israʼila wu ra? Zbap a Yawe ta kagha nda ma pghaghatá rɗi ŋa nzakwa gha ka mgham ta ghəŋa la Israʼila wu ra?

1Sam 16:2

Ka Samuyel mantsa: « Waká yu da dzaʼa? Ka snaŋ sna Sawulu katsi, dzaʼa dziha dza, » kaʼa. Ka Yawe mantsa: « Ka klanaʼata ka ta rva sla. Ka ka dzaʼazlay na: “Sagha da pla ghəŋ yu ŋa Yawe,” ka ka dazlay.

1Sam 9:16

« Mahtsim ta na luwa ná, dzaʼa ghundaghagha ghuna yu ta sana mnda la Biŋyamiŋ, ka famta ka nda ma pghanaghatá rɗi ŋa nzakwa ni ka mali ta ghəŋa mnduha ɗa la Israʼila. Dzaʼa mbanaf mba ta mnduha ɗa ma dzva la Filisti, kabga nda ngha yu ta ksakwa taŋ ka hiɗahiɗa, ɓhiɗagha ɓha waha taŋ, » kaʼa.