2Mgh 21:3 - Hdi

³ Ka dzidzihuglaftá tsi ta vliha tskal tskala ya si dzadzaɓiŋ da ni Hizkiya ya. Dzidzihuglafha ta gwirha ŋa vla sgit ŋa Baghal, dzagwaha ta skwa wuyay Asera manda ya maga Ahav, mghama la Israʼila. Ka tsəlɓu tsi ta tsəlɓu ta kəma inda skwiha ta luwa, ka maga slna ŋa taŋ.

2Mgh 21:3 ပူးပေါင်းရင်းမြစ်များ

1Mgh 18:21

Ka gavadaghatá Iliya ta vata mnduha demdem, kaʼa mantsa: « Ha ŋa Yawu dzaʼa gwafta kuni ta tvi his na? Ka si Yawe na Lazglafta katsi, lawa la mista ni, ala ka Baghal tsi guli ya, lawa la mista ni! » kaʼa. Ama pslanaf a mnduha ta wi dər teʼ wa.

1Mgh 18:26

Ka klaftá həŋ ta lghəŋ ya vlaŋ lu ta həŋ, ka payaftá həŋ, ka hag həŋ ta hga Baghal, daga ga sərɗək ha ɗək fitik ma ghəŋ, ka həŋ mantsa: « Baghal, zlghaŋnaf zlgha ta wi! » ka həŋ. Ama snava a lwi, dər zlgha wi wa. Ka valu həŋ ta vavalaku ka wa vgha ta vata gwir ya magaf həŋ.

2Mgh 13:6

Kulam nda tsa, ta mbəɗana a həŋ ta hul ta dmakwa la ga Yaruvgham ta hlamtá la Israʼila da ga dmaku ya wa. Ka gɗavatá həŋ ta tsa tvi ya, ka zlanatá həŋ ta skwa wuyay Asera ma Samari.

2Mgh 17:16

Kwalaghu kwala həŋ ta sna inda zlahuha Yawe, Lazglafta taŋ. Ka tsatsaftá həŋ ta mamakwa sla his ka kfur nwap lu nda nwa, ka tsatsaftá həŋ ta skwa wuyay Asera, ka tsəlɓu həŋ ta tsəlɓu ta kəma inda skwiha ta luwa, ka mag həŋ ta slna ŋa Baghal.

2Mgh 18:22

Kawayaka skwi ka kuni dzaʼazlay nda iʼi na: “Ta Yawe, Lazglafta ŋni fafta ŋni ta ghəŋa ŋni,” ka kuni. Ama vliha ni tskal tskala, nda gwirha ni ya a zaɗana Hizkiya nda mnay ŋa la Yuda nda ya ma Ursalima kazlay na: “Ta kəma na gwir ma Ursalima na dzaʼa tsəlɓa kuni ta tsəlɓu,” kəʼa ya kay wu ra?

2Mgh 18:4

Tsatsi ta hliŋtá vliha tskal tskala, ɓaliŋha ta dzagwatá palaha, ghwadiŋha ta skwa wuyayha Asera, dzaɓiŋha ta nahaɗika ghuva tili si magaf Musa ya, kabga ta dray la Israʼila ta urdi ŋa dray nda dra ta kəma ni ha ka lagha ta tsa fitik ya. Nəhustaŋ, ka lu ta hgay.

2Mgh 8:18

Ka ksaftá tsi ta saɗa mghamha la Israʼila manda ŋa la ga Ahav, kabga makwa Ahav klaf tsi. Ka mag tsi ta ghwaɗaka skwi ta wa ira Yawe.

2Mgh 8:27

Ka ksaftá tsi ta saɗa la ga Ahav, ka mag tsi ta ghwaɗaka skwi ta wa ira Yawe manda ŋa la ga Ahav, kabga klafta ni ta makwa ni.

2Rus 32:12

Tsa Hizkiya ya ta zaɗanatá vliha ni tskal tskala, nda gwirha ni, ka mnanatá la Yuda nda la Ursalima kazlay na: Ta kəma gwir turtuktuk dzaʼa tsəlɓa kuni ta tsəlɓu, tida dzaʼa dra kuni ta urdiha ŋa dray nda dra, kəʼa ya.

2Rus 34:3

Ta matghasa vakwa ni ta gá mgham, ma nzakwa ni ta ka zwaŋ, ka zlraftá tsi ta zba Lazglafta dzidza ni Dawuda. Ta maghwaŋpəɗ hisa vakwa ni, ka zlraftá tsi ta tsaɗiŋtá haɗika Yuda nda luwa Ursalima nda ma hliŋtá vliha tskal tsəkala nda skwa wuyayha Asera, nda tsatsatá skwa wuyayha, nda skwa wuyayha ka kfur nwap lu nda nwa.

Vrafta ta zlahu 16:21

« Yaha kuni dzugwata udza Asera ta vata gwir dzaʼa maganafta kuni ta Yawe, Lazglafta ghuni.

Vrafta ta zlahu 17:2

Kawayaka skwi, mamu sana zgun ka marakw a tsi mataba ghuni ta maga ghwaɗaka skwi kul zɗəganata Yawe, Lazglafta ghuni ma luwaha ya dzaʼa vlaghunata tsi, ka ɓlanapta dzratá wa ni,

Vrafta ta zlahu 17:3

ka laghwi maganata slna ta sanlaha ma lazglaftaha, ka tsəlɓu ta kəma taŋ, dər ta kəma fitik, dər ta kəma tili, ka dər ta kəma tsatá sana skwi ta luwa a tsi, ya kul mnaftá yu.

Vrafta ta zlahu 20:18

kada kwala həŋ ta taghaghunaftá inda tsa ghwaɗaka manzakɗawayha ta mag həŋ ŋa lazglaftaha taŋ ya, dá ganatá kuni ta dmaku ta Yawe, Lazglafta ghuni.

Vrafta ta zlahu 4:19

Ɗasuwa ka kuni ma nghadafta ghuni ta luwa ka nghaŋtá kuni ta fitik, nda tili, nda tekwatsaha, nda inda tsatsatá skwiha ta luwa, da tɗaghatá həŋ ta kaghuni ŋa tsəlɓay ghuni tsəlɓu ŋa taŋ ka maganatá slna ta həŋ. Vlaŋtá inda hamata sanlaha ma mndəra mnduha ta ghəŋa haɗik demdem Yawe, Lazglafta ghuni ta tsaha ya.