2Mgh 2:2 - Hdi

² Ka Iliya nda Ilisa mantsa: « Nza nza hadna, wya dzvu, kabga ta ghuna iʼi Yawe ha da Betel, » kaʼa. Ka Ilisa zlghanaftá wi mantsa: « Ta waɗa waɗa yu nda hga Yawe nda hafu mida, nda ya nda hafa vərɗa kagha, haɗ yu dzaʼa zlaghata wu, » kaʼa. Ka laha həŋ da Betel.

2Mgh 2:2 ပူးပေါင်းရင်းမြစ်များ

Zlrafta 28:19

Ka hgə Yakubu ta tsa vli ya ka Betel. Ghalya ná, Luz si ta hga lu ta tsa vli ya.

1Mgh 12:28

Tahula ɗaɗawaŋta ni ta hiɗaku, ka tsatsaftá mgham ta mamakwa slaha his ka dasu, kaʼa nda mnduha mantsa: « Ariwa la Israʼila! Nda kɗa fitika ghuni ta ŋlu da Ursalima, wya lazglaftaha ghuni ta hlagaghunafta ma haɗika Masar, » kaʼa.

1Mgh 12:29

Ka fatá tsi ta sani ma tsa mamakwa sla ya ma Betel, ka fatá tsi ta sani guli ma Daŋ,

1Mgh 12:33

Baɗ maghwaŋpəɗ hutafa fitik ma matghasa tili, tili ya zbaf tsatsi ka ghəŋa ni, ka vlatá tsi ta skwiha ŋa pla ghəŋ ta gwir magaf tsi ma Betel. Ka fanatá tsi ta skala rfu ta la Israʼila, ka laf tsi ta gwir da draftá urdiha ŋa dray nda dra.

2Mgh 2:23

Ka sliʼaftá tsi hada, ka ŋlaghata da Betel. Ta ŋladaftá tsi ta tvi, ka sliʼagaptá galaɓayha ma luwa, ka ghuɓasay, ka həŋ nda tsi mantsa: « Sliʼa! Sliʼa! Vərndaha vərndaha ghəŋ na! » ka həŋ.

2Mgh 2:4

Ka Iliya nda tsi mantsa: « Ilisa! Nza nza hadna, wya dzvu, kabga ta ghuna iʼi Yawe da Yeriku, » kaʼa. Ka Ilisa zlghanaftá wi mantsa: « Ta waɗa waɗa yu nda hga Yawe nda hafu mida, nda ya nda hafa vərɗa kagha, haɗ yu dzaʼa zlaghata wu, » kaʼa. Ka ɓhadaghatá həŋ da Yeriku.

2Mgh 2:6

Ka Iliya nda tsi mantsa: « Nza nza hadna, wya dzvu, kabga ta ghuna iʼi Yawe təv Yardeŋ, » kaʼa. Kaʼa zlghanaftá wi mantsa: « Ta waɗa waɗa yu nda hga Yawe nda hafu mida, nda ya nda hafa vərɗa kagha, haɗ yu dzaʼa zlaghata wu, » kaʼa. Ka kɗə həŋ his his ta tva taŋ.

2Mgh 4:30

Ama ka ma ni ma tsa zwaŋ ya mantsa: « Ta waɗa waɗa yu nda hga Yawe nda hafu mida, nda ya nda hafa vərɗa kagha, haɗ yu ta sliʼafta ka la a kagha wu, » kaʼa. Ka sliʼaftá Ilisa ka laghwi mista ni.

1 Yuhwana 2:19

Tsa ghumaha ya ná, mataba mu sliʼagapta həŋ. Si nza a nzakwa taŋ kawadaga nda amu wa. Ka má nda nza nzakwa taŋ kawadaga nda amu ná, má gɗava gɗa həŋ ta vata amu. Maga maga manda tsaya kabga ŋa snaŋta kazlay: Mataba amu a həŋ demdem wu kəʼa.

1Sam 1:26

Ka Hana mantsa: « Rvera ɗa, wya dzvu! Ta waɗa gha waɗa yu, iʼi tsa marakw si ta sladu ta vata kagha hadna, ka maga duʼa da Yawe ya kay ya.

1Sam 17:55

Na nghay Sawulu ta Dawuda ta dzaʼa da guyata nda tsa mnda la Filisti ya, kaʼa nda Avner mala gwal vulu ni mantsa: « Zwaŋa wa na duhwal na katək ní, a Avner? » kaʼa. Ka Avner mantsa: « Ta waɗagha waɗa yu mghama ɗa, sna a yu wu! » kaʼa.

1Sam 25:26

Ndanana, rvera ɗa ta waɗa waɗa yu nda hga Yawe nda hafu mida, nda ya nda ŋa gha hafu. Yawe ta pyaftá kagha ka pghiŋtá us ka ŋaghutá dzva gha. Má ka nza kɗavakta ghumaha gha, tsa gwal ta zba maganatá ghwaɗaka skwi ta rvera ɗa ya, manda ŋa Naval ya!