2Mgh 2:19 - Hdi

¹⁹ Ka mnduha ma luwa nda Ilisa mantsa: « Rvera ɗa, má ɗina nzakwa haɗika na luwa na ka kagha ta nghay, ama ɗina a ima ni wu, haɗ skwi ta magaku ta haɗika ni wu, » ka həŋ.

2Mgh 2:19 ပူးပေါင်းရင်းမြစ်များ

1Mgh 16:34

Ta ŋa ni zamana, ka bəglaftá Hiʼel sana mnda la Betel ta Yeriku. Tahafta ni ta tughuha ni ya, ka mtutá zumala ni Aviram. Pghamta ni ta wa tghaha, ka mtutá zughva ni Seguv, taɓta gwaɗa Yawe ta mnata nda ma wa Yəhusuwa, zwaŋa Nuŋ.

1Mgh 18:13

Rusaghaf a lu rí rvera ɗa ta skwi maga yu ma pslata Izabel ta anabiha Yawe ra? Ɗifana ɗifa yu ta anabiha Yawe dərmək, ka bakwa mnduha hutaf mbsak hutaf mbsak ma galighaha, ka vlə yu ta skwa zay nda imi ŋa taŋ.

1Mgh 18:7

Tata mbaɗa Ghuvadiya ta tvi, ka gi guyatá Iliya nda tsi. Tsəmafta Ghuvadiya, ka zləmbatá tsi zlumbruh ta haɗik, kaʼa mantsa: « Va kagha na rí, rvera ɗa Iliya? » kaʼa.

2Mgh 2:18

Vrakta taŋ da Ilisa ta ma Yeriku karaku, kaʼa nda həŋ mantsa: « Si mnaghuna a yu ma lə kuni kəʼa kay wu ra? » kaʼa nda həŋ.

2Mgh 2:20

Kaʼa mantsa: « Klagaɗighawa kla ta kuwa ka lfiɗ, ka magamta kuni ta slughul mida, » kaʼa. Ka klanaktá həŋ.

Sabi 15:23

Ɓhadaghata taŋ da Mara, laviŋ a həŋ ta sa imi ma hada wu, kabga ɗahɗaha. Tsaya ta kəl lu ka hga tsa vli ya ka Mara, manda mnay kazlay ɗah.

Sabi 23:26

Ta haɗika ghuni ná, haɗ ta a miʼaha dzaʼa paghigiŋtá zwaŋ, nda miʼaha ka dzəghəŋ wa. Dzaʼa slranagha slra yu ta hafa ghuni.

Sabi 7:19

Ka Yawe nda Musa mantsa: « Mnana mna ta Haruna ka klafta tsi ta dafa ni, ka fadapta tsi ta dzva ni nda təvu inda imi ma Masar, ŋa nuta inda imiha taŋ ka us, nda zalaha tani, nda ghwaha tani, nda drəfha tani. Dzaʼa nzakway us ma inda vli ta haɗika Masar, kulam ma wudaha ka udzu, nda ya huhrap lu ma pala tani, » kaʼa.

Mbsak 12:11

Kaʼa nda Musa mantsa: « Kdəkkdək mghama ɗa! Wya dzvu, ma tsaŋnagha ka ta guma dmaku ŋni ya maga ŋni, ma ga rgha magata ŋni!

Vrafta ta zlahu 28:11

Dzaʼa sgaghunagha sga Yawe ta zɗaku, nda ma pghata ghuni ta zwani, nda rina ghuni, nda skwiha ta vwahha ghuni, ta tsa haɗik waɗana Yawe ta dzidzíha ghuni ŋa vlaghunata ya.

1Tim 5:17

La galata mndu ta ksa slna ɗina mataba *Igliz ná, ɗina ka vla glaku dagala ŋa taŋ. Katkatatani gwal ta mna gwaɗa, nda gwal ta tagha skwi ŋa mnduha.

Yəhusuwa 6:17

Dzaʼa hwanzaɓiŋ hwanzaɓa lu ta na luwa na, nda inda skwiha mida tani, kabga nda nza ŋa Yawe. Rahab ta nzakway ka karwa yeya dzaʼa zlanata lu nda hafu, nda ya nda gwal ma həga ga taŋ, kabga ɗifama ɗifa ta gwal vitsamatá luwa ya si ghunagagha mu ya.

Yəhusuwa 6:26

Ma tsa fitik ya, ka waɗatá Yəhusuwa kaʼa mantsa: « Ka ksiʼaf ksiʼa Yawe ta mndu ya dzaʼa walaŋtá bəglaftá na luwa Yeriku na. Dzaʼa plata nda zumala ni ta laptá tughwa ni. Nda zughuva ni dzaʼa plata tsi ta pghamtá wa tghaha ni, » kaʼa.