2Mgh 18:12 - Hdi

¹² Magu maga manda tsaya kabga kwalaghuta taŋ ta snatá skwi mnaf Yawe, Lazglafta taŋ, ka ɓlanapta dzratá wa ni nda həŋ, nda ya kabga vəl kwalaghuta taŋ ta snata, dər ka magaŋtá slna nda inda skwiha mnaf Musa, kwalva Yawe.

2Mgh 18:12 ပူးပေါင်းရင်းမြစ်များ

1Mgh 9:6

Ama ka mbəɗaghu mbəɗa kuni ta vgha ta vata iʼi, kaghuni nda zivirha ghuni, ka ŋana a kuni ta zlahuha ɗa nda tva skwiha ŋa magay ya vlaghuna yu, ka laghu la kuni maganatá slna ta sanlaha ma lazglaftaha, ka tsəlɓu ta kəma taŋ katsi,

2Mgh 21:8

Ka ŋava ŋa la Israʼila ɗina ka snatá inda zlahuha ɗa, nda inda skwi ya taghanaf kwalva ɗa Musa ta həŋ katsi, haɗ yu dzaʼa kakraŋgəltá həŋ diʼiŋ nda haɗik ya vlaŋ yu ta dzidzíha taŋ wu, » kaʼa.

Nəhemiya 9:17

Ka kwalaghutá həŋ ta snata, havak a həŋ ta mazəmzəmha gha ta maganatá həŋ wa. Ka təŋanaftá həŋ ta ghəŋ, ka fatá mgham ŋa vru da ga vuʼa taŋ ma Masar. Ama kagha, zlanava a ka ta həŋ wu, kabga Lazglafta ta pla dmaku ka, ta magay ka ta zɗakatahuɗi, nda tawa hiɗahiɗa. Zlah ta ɓasa ka ta ŋuɗuf, dagala zɗakwa gha, wuɗiŋ a ka ta həŋ,

Danyel 9:5

Gaga ŋni ta dmaku, kwalaghu kwala ŋni ta snatá gwaɗa, ŋa ŋni dmaku, gavagha ga ŋni ta sidi, mbəɗana mbəɗa ŋni ta hul ta zlahuha gha, nda skwiha ya mnaŋna ka ŋa magay.

Mbsak 12:7

Mantsa ya a ŋa kwalva ɗa Musa wa. Tsatsi ta nzakway ka mnda ɗa faf yu ta ghəŋ tida ŋa inda həga ɗa.

Vrafta ta zlahu 11:28

Dzaʼa mutsay kuni guli ta ksiʼi ka sna a kuni ta zlahuha Yawe, Lazglafta ghuni, ka mbəɗana mbəɗa kuni ta tvi ya mnaghunafta yu gita, nda ma dzaʼa mista sanlaha ma lazglaftaha kul snaŋtá kuni.

Vrafta ta zlahu 31:16

Ka Yawe nda Musa mantsa: « Wana ndusa ka ka dzaʼa slanaghatá dzidzíha gha. Tahula mtatá kagha, dzaʼa sliʼaf sliʼa na mnduha na ka laghwi da maga sliʼiŋsliʼiŋ nda sanlaha ma lazglaftaha ka mayəm, tsaha ta haɗik dzaʼa lam həŋ dida ya. Dzaʼa zliɗiva zla həŋ ka ɓliŋta dzratá wa ɗa ya dzraf yu nda həŋ.

Vrafta ta zlahu 31:17

Dzaʼa gufaf gufa ŋuɗufa ɗa ta ghəŋa taŋ baɗ tsa. Dzaʼa zlaŋ zla yu ta həŋ ka mbəɗaghutá kəma ɗa, ŋa zatá həŋ, ŋa slanaghata ɓadzaku nda ghuya ɗaŋwa katakata ta həŋ. Ka həŋ dzaʼazlay baɗ tsa: “Nana ɓadzaku ta slamaghata nana, nza a kabga vəl kwala Lazglafta mu kul haɗ mataba mu wu ra?” ka həŋ dzaʼazlay.

Vrafta ta zlahu 34:5

Ka mtutá Musa kwalva Yawe hada ta haɗika Muwav manda ya mnaf Yawe.

Vrafta ta zlahu 8:20

Ka sna a kuni ta ŋa Yawe, Lazglafta ghuni wu katsi, dzaʼa zaɗaghuna zaɗa manda ya zaɗana tsi ta mndəra sanlaha ma mnduha ta kəma ghuni ya, » kaʼa.

2Tes 1:8

Ma takataka vu ta zlghaku dzaʼa saha həŋ ŋa ghuzlanaptá iri ta gwal kul snaŋtá Lazglafta, ta kwalaghutá snatá Lfiɗa Gwaɗa Mghama mu Yesu Kristi ya.

2Tim 2:24

Va ni ná, haɗ mndu ta ksa slna Mgham Lazglafta ta zlərɗa wi wa. Katək ná, ta mamay ká inda mnduha ta tsa mndu ya, laviŋ lava katsi ta taghanaftá skwi ta mnduha. Ta ksay katsi ta ŋuɗuf ma skwi ta mnə mnduha tida.

Yəhusuwa 1:1

Tahula mtuta Musa, kwalva Yawe, ka Yawe nda Yəhusuwa zwaŋa Nuŋ, si slufa Musa ya mantsa:

1 Piyer 2:8

Ka lu vindafta guli na: « Tsa pala ya ná, ta dza mndu ka tuthun. Tsa pala ya ta zlambanaptá mnduha, » kaʼa. Ta dzay ta həŋ ka tuthun, kabga kwalaghuta taŋ ta snanatá gwaɗa Lazglafta. Manda tsaya thanafta Lazglafta ta həŋ daga manda ghalya.

1 Piyer 4:17

Sagha sa fitik ŋa zlraftá Lazglafta ta tsa guma. Tiŋəl ta ghəŋa həga ni dzaʼa zlrafta tsi ta tsay. Ala, ka si nda amu ka lu zlrafta katsi, kinawu dzaʼa kɗavakta tsi ta ghəŋa gwal kul snatá *Lfiɗa Gwaɗa Lazglafta na?