2Mgh 17:23 - Hdi

²³ ha ka ghəzliŋtá Yawe ta la Israʼila diʼiŋ ta kəma ni manda ya mna tsi nda ma wa inda kwalvaha ni la anabi. Ka hlaftá lu ta la Israʼila ta haɗika taŋ, ka hlaghata ka vuʼa da Asur ha gita.

2Mgh 17:23 ပူးပေါင်းရင်းမြစ်များ

1Mgh 13:2

Ka klaŋtá tsi ta lwi ta ghəŋa gwir, ka mna gwaɗa ya mnanaf Yawe, kaʼa mantsa: « Gwir! Gwir! Wya skwi mna Yawe: Dzaʼa yaya lu ta zwaŋ ma həga ga la Dawuda. Yusiya dzaʼa nzakwa hga ni. Dzaʼa vlaf vla ta kagha ka skwa pla ghəŋ ta gwal dra skwi ŋa lazglaftaha ta vliha tskal tskala, ta dra urdi ŋa dray nda dra ta kagha. Dzaʼa draf dra lu ta kagha ta ghudzifha mnda səla, » kaʼa.

1Mgh 14:16

Dzaʼa zlanava zla Yawe ta la Israʼila dabga dmakuha maga Yaruvgham, nda ya dabga hlamta ni ta la Israʼila dida, » kaʼa.

1Mgh 9:7

dzaʼa hliŋ hla yu ta la Israʼila ta haɗik ya vlaŋ yu ta həŋ, dzaʼa vzidiŋ vza yu diʼiŋ nda iʼi ta na həga fa yu ŋa vlaŋtá sgit ta hga ɗa na, dzaʼa nzakway la Israʼila ka skwa ghuɓasay, ka skwa gagay mataba inda mndəra mnduha.

2Mgh 13:23

Ama ka zɗanaŋtá Yawe ta huɗi ta la Israʼila, ka tawatá hiɗahiɗa ta həŋ, ka mbəɗaghuta mista taŋ dabga dzratá wa ni nda Abraham, nda Izak, nda ya nda Yakubu. Va a ta zaɗanatá həŋ wu, vziŋ a ta həŋ diʼiŋ nda tsi wa.

2Mgh 17:13

Si tɗanaŋ tɗa Yawe ta sləməŋ ta la Israʼila nda la Yuda nda ma wa inda anabiha ni, nda inda la slayaŋ. Kaʼa nda həŋ na: « Mbəɗanawa mbəɗa ta hul ta ghwaɗaka tva ghuni, ka ŋanata kuni ta zlahuha ɗa, nda tva skwiha ŋa magay mna yu, taɓta inda zlahu ya vlaŋ yu ta dzidzíha ghuni, ka tsghaghunaftá yu nda da kwalvaha ɗa la anabi ya, » kaʼa.

2Mgh 17:18

Mantsa tama, ka gufaftá ŋuɗufa Yawe katakata ta ghəŋa la Israʼila, ka hliŋtá tsi ta həŋ diʼiŋ nda tsi. Ta ghəŋa mndəra la Yuda yeya ta pɗata.

2Mgh 17:20

Ka pghiŋtá Yawe ta zivira la Israʼila demdem, ka vraganatá həŋ, ka vlatá tsi ta həŋ ma dzva gwal ta zləɗatá mndu, ha ka hliŋtá həŋ diʼiŋ nda tsi.

2Mgh 17:22

Ka kɗaŋta la Israʼila ta maga inda dmakuha ya maga Yaruvgham, mbəɗana a həŋ ta hul wu,

2Mgh 17:6

Ta matəmbaya vakwa Huseya ta pala, ka klaghutá mghama la Asur ta Samari nda vulu, ka hlaghatá la Israʼila ka vuʼa da Asur. Ka pghatá tsi ta həŋ ma Halah, nda ya ta wa zala Havur ma Guzaŋ, nda ya ma luwaha la Mediya.

2Mgh 21:14

Dzaʼa zlanava zla yu ta pɗakwa mnduha ɗa, dzaʼa vla vla yu ta həŋ ma dzva ghumaha taŋ. Dzaʼa zləɗa zləɗa inda ghumaha taŋ ta həŋ ka zlaʼuwatá həŋ,

2Mgh 23:27

Ka Yawe tama mantsa: « Dər la Yuda guli, dzaʼa diʼiŋiŋtá yu nda iʼi manda ya diʼiŋiŋ yu ta la Israʼila ya. Dzaʼa vziŋ vza yu ta luwa Ursalima si zbap yu, nda tsa həga si mna yu kazlay na: “Hada dzaʼa nzakwa hga ɗa,” kəʼa ya, » kaʼa.

2Mgh 24:3

Kahwathwata ná, Yawe ta mnaftá inda tsa skwiha ta maguta ya, ŋa diʼiŋiŋtá la Yuda nda tsi, dabga inda dmakuha ya ga Mənase,

2Mgh 25:21

Ka pslatá mghama Babila ta həŋ ma Rivla ta haɗika Hamat. Manda tsaya hlaghata lu ka vuʼa ta la Yuda diʼiŋ nda haɗika taŋ.

2Mgh 3:3

Kulam nda tsa, ka ndiʼaftá tsi ta vgha ta dmakuha Yaruvgham, zwaŋa Nəvat ta hlamtá la Israʼila da ga dmaku ya. Mbəɗana a ta hul wa.

Nəhemiya 9:32

« Lazglafta ŋni, kagha Lazglafta dagala, ta mbruta, makwitkwit ka, ta ŋana ŋa ka kahwathwata ta dzratá wa gha nda zɗakwa gha ŋa ŋni. Ndanana ná, ma nghə ka ka skwi kwitikw ta inda ghuya ɗaŋwa ya ta gruŋnusta nda mghamha ŋni, nda maliha ŋni, nda gwal ta draŋnatá skwi ŋa Lazglafta, nda anabiha ŋni, nda dzidzíha ŋni, nda inda mnduha gha, zlrafta ta fitika mghamha Asur ha ka sagha ta na fitik na.

Vrafta ta zlahu 32:20

Kaʼa mantsa: « Dzaʼa mbəɗaghu mbəɗa yu ta kuma ɗa ta vata həŋ, ka ngha yu ta kɗavakta nzakwa taŋ, kabga nda nza həŋ ka ghwaɗaka zivir, ŋərma zwani a həŋ wa.

Yəhusuwa 23:13

ka grafta kuni kazlay na haɗ Yawe dzaʼa kɗaŋtá ŋawaftá mnduha ta na haɗik na ta kəma ghuni wu kəʼa. Dzaʼa nzakway həŋ ŋa ghuni ka kadəŋ. Dzaʼa nzakway həŋ ka dəɓəl. Dzaʼa nzakway həŋ ka maniʼuwa ta dza kaghuni ma ŋwazliɓ. Dzaʼa nzakway həŋ guli ka teki ma ira ghuni ha ka zwaɗuta ghuni ta na ŋərma haɗik vlaghuna Yawe, Lazglafta ghuni na.

Gwal tsa guma 18:30

Ka dzugwatá la Daŋ ta tsa fwatu ka kfur nwap lu ya, ŋa maga slna vərɗa hahəŋ. Ka nzakw Yunataŋ, zwaŋa Gersum, zigha Musa, nda zivira ni tani, ka mnda dra skwi ŋa Lazglafta ŋa mndəra la Daŋ, ha ta fitika hlaghata ka vuʼa ta gwal ma tsa haɗik ya.