2Mgh 17:16 - Hdi

¹⁶ Kwalaghu kwala həŋ ta sna inda zlahuha Yawe, Lazglafta taŋ. Ka tsatsaftá həŋ ta mamakwa sla his ka kfur nwap lu nda nwa, ka tsatsaftá həŋ ta skwa wuyay Asera, ka tsəlɓu həŋ ta tsəlɓu ta kəma inda skwiha ta luwa, ka mag həŋ ta slna ŋa Baghal.

2Mgh 17:16 ပူးပေါင်းရင်းမြစ်များ

1Mgh 12:28

Tahula ɗaɗawaŋta ni ta hiɗaku, ka tsatsaftá mgham ta mamakwa slaha his ka dasu, kaʼa nda mnduha mantsa: « Ariwa la Israʼila! Nda kɗa fitika ghuni ta ŋlu da Ursalima, wya lazglaftaha ghuni ta hlagaghunafta ma haɗika Masar, » kaʼa.

1Mgh 14:15

Dzaʼa zlghuŋ zlgha Yawe ta la Israʼila ŋa nzakwa ni manda gagaɗak ta gigiɗaku ma imi. Dzaʼa rtiŋ rta ta la Israʼila ta tsa ɗinakwa haɗik si vlaŋ tsi ta dzidzíha taŋ ya, ka wutsiŋta ni ta həŋ ta sana ɓla zala Yufratis, kabga gufanafta taŋ ta ŋuɗuf ta Yawe nda ma tsatsafta taŋ ta skwa wuyay Asera.

1Mgh 14:23

Ka babaftá hahəŋ guli ta vliha tskal tskala. Ka dzagwatá palaha nda skwa wuyay Asera ta inda kuɗuŋurha tskal tskala, nda ya mista inda fuha lbuk lbukwa.

1Mgh 15:13

Ka kliŋtá mgham Asa ta midza ni Maghaha markwa mgham ma nzakwa ni ka markwa mgham, kabga vəl magafta ni ta skwa wuyay Asera ta vla hula ŋa mndu. Ka hliŋtá Asa ta skwa wuyay ni, ka driŋta ta wa lika Kidruŋ.

1Mgh 16:31

Ta slaghu a tsa vlatá ghəŋ ŋa dmakuha Yaruvgham, zwaŋa Nəvat ya wu kəʼa, ka klaftá tsi ka marakw ta Izabel, makwa Itbaghal, mghama la Tsiduŋ, ka laghu tsi da maganatá slna ta Baghal, ka tsəlɓu tsi ta tsəlɓu ta kəma ni.

1Mgh 16:33

Ka tsaftá Ahav guli ta skwa wuyay Asera. Nda ma slna ni, ka ganaftá tsi ta ɓasa ŋuɗuf ta Yawe, Lazglafta la Israʼila, ka malaghutá ŋa inda mghamha la Israʼila ta tiŋlaghutá tsatsi.

1Mgh 22:53

Ka mag tsi ta ghwaɗaka skwi ta wa ira Yawe. Ka ksaftá tsi ta saɗa i da ni, nda ma ni, nda ghwaɗaka tva Yaruvgham, zwaŋa Nəvat ta hlamtá la Israʼila da ga dmaku ya.

2Mgh 1:2

Ma sana fitik, ka dɗagata mgham Ahaziya ta dədəmatá ghəŋa həga ni ma Samari, ka balutá tsi katakata. Ka ghunaftá tsi ta gwal ghunay, kaʼa nda həŋ mantsa: « Lawa kwaráhaɗipta da Baghal Zəbuv, lazglafta la Ghekruŋ, ŋa snaŋta ka dzaʼa nza nza yu nda hafu ma na balakwa ɗa na tsi ka ki tsi, » kaʼa.

2Mgh 11:18

Ka laghu inda mnduha ta tsa haɗik ya da vla həga Baghal. Ka dzaɓiŋtá həŋ, ka tasiŋtá həŋ tesneʼ ta gwirha ni, nda fwatuha ni dgum dguma. Ka dzatá həŋ ta kəma tsa gwirha ya ta Mataŋ, mnda dra skwi ŋa Baghal. Ka pghatá Yəhuyada, mnda dra skwi ŋa Lazglafta ta gwal nghapta ka həga Yawe.

2Mgh 16:3

Ama tva mghamha la Israʼila ksaf tsatsi, ha ka draftá tsi ta zwaŋa ni ka skwa pla ghəŋ, taɓta manzakɗawayha maga mndəra mnduha ya ghazliŋ Yawe ta kəma la Israʼila.

2Mgh 17:10

Dzagwa dzagwa həŋ ŋa taŋ ta skwiha dgum dguma, nda skwa wuyay Asera ta inda kuɗuŋurha tskal tskala, nda ya mista inda fuha lbuk lbukwa.

2Mgh 18:6

Ka nzatá tsi nda ndiʼatá vgha ta Yawe, kul dzimbiɗaŋtá dzaʼa mista ni. Ka ŋanatá tsi ta inda zlahuha ya mnanaf Yawe ta Musa.

2Mgh 21:3

Ka dzidzihuglaftá tsi ta vliha tskal tskala ya si dzadzaɓiŋ da ni Hizkiya ya. Dzidzihuglafha ta gwirha ŋa vla sgit ŋa Baghal, dzagwaha ta skwa wuyay Asera manda ya maga Ahav, mghama la Israʼila. Ka tsəlɓu tsi ta tsəlɓu ta kəma inda skwiha ta luwa, ka maga slna ŋa taŋ.

Sabi 32:4

Ka zlghaghuta tsi da həŋ, ka pghamtá tsa dasu ya ma ghəzla ka nwapta, ka tsaftá mamakwa sla. Tahula tsa, ka həŋ mantsa: « Israʼila, wana lazglaftaha gha ta hlagaghunafta ma haɗika Masar! » ka həŋ.

Sabi 32:8

Gi misimmisim, zluŋ zla həŋ ta tvi ya mnanaf yu ta həŋ. Ka slraftá həŋ ta mamakwa sla ŋa ghəŋa taŋ nda kfur nwap lu, ka tsəlɓu ta kəma ni, ka pla ghəŋ ŋa ni. Ka həŋ mantsa: “Israʼila, wana lazglaftaha gha ta hlagaghunapta ma haɗika masar,” ka həŋ. »

La Levi 26:1

Ka Yawe mantsa: « Ma tsatsaf kuni ŋa ghəŋa ghuni ta skwa wuyayha kul haɗ hayhaya taŋ. Ma sladana kuni ta fiɗatá fwata skwi dər skwi dguma a tsi. Ma dzagwa kuni ta fifiɗata palaha ta haɗika ghuni ŋa tsəlɓay ghuni ta tsəlɓu ta kəma taŋ, kabga iʼi Yawe ná, Lazglafta ghuni yu.

Vrafta ta zlahu 16:21

« Yaha kuni dzugwata udza Asera ta vata gwir dzaʼa maganafta kuni ta Yawe, Lazglafta ghuni.

Vrafta ta zlahu 4:19

Ɗasuwa ka kuni ma nghadafta ghuni ta luwa ka nghaŋtá kuni ta fitik, nda tili, nda tekwatsaha, nda inda tsatsatá skwiha ta luwa, da tɗaghatá həŋ ta kaghuni ŋa tsəlɓay ghuni tsəlɓu ŋa taŋ ka maganatá slna ta həŋ. Vlaŋtá inda hamata sanlaha ma mndəra mnduha ta ghəŋa haɗik demdem Yawe, Lazglafta ghuni ta tsaha ya.