2Mgh 13:25 - Hdi

²⁵ Ka hləglaghutá Yəhuwas, zwaŋa Yəhuʼahaz ta luwaha ma dzva Benʼhadat, zwaŋa Hazaʼel, luwaha si hlaghu Hazaʼel ma dzva da ni Yəhuʼahaz nda vulu ya. Hkən səla zatá Yəhuwas ta Benʼhadat, ka hlaghutá luwaha la Israʼila da tsi.

2Mgh 13:25 ပူးပေါင်းရင်းမြစ်များ

1Mgh 20:29

Ka fatá həŋ ta ghuɓa taŋ ka nzata mbəŋ ya mbəŋ ya ka fitik ndəfáŋ. Baɗ mandəfáŋ, ka zlraftá vulu. Ka rwanatá la Israʼila ta gwal vula la Aram dəmbuʼ dərmək (100.000) baɗ turtuk.

2Mgh 10:32

Ma va tsa fitik ya, ka zlraftá Yawe ta htanaghutá kwakwara la Israʼila. Ta inda kuraghuta mukuma, ka ghəzlaftá Hazaʼel, mghama la Aram ta la Israʼila.

2Mgh 10:33

Zlrafta ni ta Yardeŋ nda təv safa fitik, ha ka laghu da luwa Gharugher ta wa zala Arnuŋ, tsaya inda kwakwar tida la Gilghat nda la Basaŋ, nda kwakwara la Gat, nda la Rubeŋ, nda la Mənase ya.

2Mgh 13:24

Ka mtutá Hazaʼel, mghama la Aram. Ka lam zwaŋa ni Benʼhadat da gá mgham ma vla ni.

2Mgh 13:3

Ka gufaftá ŋuɗufa Yawe ta ghəŋa la Israʼila, ka va vlə tsi ta həŋ ma dzva Hazaʼel, mghama la Aram, nda ya ma dzva Benʼhadat, zwaŋa Hazaʼel.

2Mgh 13:5

Ka vlaŋtá Yawe ta la Israʼila ta mnda mba həŋ. Ka zluʼaptá la Israʼila ta vgha ma dzva la Aram. Daga ma tsa fitik ya, ka nzakw həŋ ta nzakwa taŋ ləŋləŋ manda ya si ghalya.

2Mgh 14:25

Tsatsi ta vranaktá herhera kwakwara la Israʼila, daga ma Levuʼhamat ha da drəfa Gharava taɓta gwaɗa Yawe, Lazglafta la Israʼila ya ta mnata nda ma wa kwalva ni anabi Yunusa, zwaŋa Amitay mnda la Gatʼhefer ya.