2Mgh 11:18 - Hdi

¹⁸ Ka laghu inda mnduha ta tsa haɗik ya da vla həga Baghal. Ka dzaɓiŋtá həŋ, ka tasiŋtá həŋ tesneʼ ta gwirha ni, nda fwatuha ni dgum dguma. Ka dzatá həŋ ta kəma tsa gwirha ya ta Mataŋ, mnda dra skwi ŋa Baghal. Ka pghatá Yəhuyada, mnda dra skwi ŋa Lazglafta ta gwal nghapta ka həga Yawe.

2Mgh 11:18 ပူးပေါင်းရင်းမြစ်များ

1Mgh 18:40

Ka Iliya nda həŋ mantsa: « Kasafwa kasa ta tsa anabiha Baghal ya! Yaha ya dər turtuk ma həŋ da ndapta! » kaʼa. Ka kasaftá lu ta həŋ. Ka hladatá Iliya ta həŋ da lika Kisuŋ, ka ghwaghwanaftá həŋ hada.

2Mgh 10:21

Ka ghwanaftá Yehu ta gwal ghunay ta inda haɗika la Israʼila. Ka sliʼaktá inda gwal ta maganatá slna ta Baghal. Haɗ mndu dər turtuk ta pɗavaghuta wa. Ka sliʼadamtá həŋ da həga Baghal, ka ndəghanaftá tsa həga ya hesl.

2Mgh 10:25

Kɗakwa taŋ ta vlatá skwa pla ghəŋ ŋa dray tsuh tsuh, ka Yehu nda sludziha, nda maliha taŋ mantsa: « Lamwa la ka pslata kuni ta həŋ, yaha yaha ya dər turtuk da ndapta, » kaʼa. Ka pslatá həŋ ta həŋ nda kafay. Ka vazigiŋtá sludziha nda maliha taŋ ta mbliha taŋ dzibil. Tahula tsa, ka zadamtá həŋ da huɗa həga Baghal.

2Mgh 10:26

Ka klagaptá həŋ dzibil ta pala dzugwa lu ma həga Baghal, ka driŋta nda vu.

2Mgh 10:27

Ka dzaɓanaptá həŋ ta tsa pala dzugwa lu ya, ka pəsliŋtá həŋ ta tsa həga Baghal ya, ka niŋta ka dra ha gita.

2Mgh 18:4

Tsatsi ta hliŋtá vliha tskal tskala, ɓaliŋha ta dzagwatá palaha, ghwadiŋha ta skwa wuyayha Asera, dzaɓiŋha ta nahaɗika ghuva tili si magaf Musa ya, kabga ta dray la Israʼila ta urdi ŋa dray nda dra ta kəma ni ha ka lagha ta tsa fitik ya. Nəhustaŋ, ka lu ta hgay.

2Mgh 23:10

Ka dmanaftá Yusiya ta Tufet ma didiŋa Benʼhinum ya, ŋa kwala dər wati ma mndu vlatá zwaŋa ni ka makwa ni a tsi ka skwa pla ghəŋ ta vu ŋa vlaŋtá glaku ta Mulek.

2Mgh 23:14

Ka ɓalanaptá tsi ta tsatsatá skwiha dgum dguma, ɗaɗatsiŋha ta skwiha wuyay Asera, ka ndaghanaftá tsi ta tsa vli si nza tsi ya nda ghudzifa mnduha.

2Mgh 23:20

Ka ghwaghwanaftá tsi ta gwirha ta inda gwal dra skwi ta vliha tskal tskala si hada, ka draftá tsi guli ta ghudzifa mnda səla ta həŋ. Tahula tsa, ka vraghatá tsi da Ursalima.

2Rus 21:17

Ka dɗanaghatá tsa mnduha ya ta la Yuda nda vulu, ka hlaghatá inda skwa gadghəl ma həga mgham. Ka hlaghatá həŋ guli ta zwana ni, nda miʼa ni. Haɗ sana zwaŋa ni ta pɗata ta ghəŋa Yəhuʼahaz sagəŋ gudzekw ya wa.

2Rus 34:4

Ka dzaɓiŋtá lu ta wa ira ni ta gwirha Baghalha, ka pasliŋtá tsi guli ta vla dra urdiha si nda ta ghəŋa ni, ka dzaɓiŋtá tsi ta skwa wuyayha Asera, nda tsatsatá skwa wuyayha, nda skwa wuyayha ka kfur nwap lu nda nwa, ka huʼanapta, ka wutsafta ta kuluha gwal si ta vla skwa pla ghəŋ ŋa tsa ghwaɗaka lazglaftaha ya.

2Rus 34:7

Ka dzaɓiŋtá tsi, ka seseʼanaptá gwirha, nda skwa wuyayha Asera, nda tsatsatá skwa wuyayha, ka niŋta kuzlup. Ka pasliŋtá tsi ta inda vla dra urdiha ta haɗika la Israʼila demdem. Tahula tsa, ka vraktá tsi da Ursalima.

Sabi 32:20

Ka klaftá tsi ta tsa mamakwa sla si magaf həŋ ya ka driŋta nda vu, ka huʼapta kəzlitit. Ka dzaftá ta imi, ka sasunustá la Israʼila.

Vrafta ta zlahu 12:2

Ka zaɗanata kuni tendərzleleʼ ta inda vliha ta tsəlɓu tsa mndəra mnduha dzaʼa ghəzlafta kuni ya ta tsəlɓu ŋa lazglaftaha taŋ, ta ghwáha nda slara nda slara, nda ya ta kuɗuŋurha, nda ya mataba həga fuha.

Vrafta ta zlahu 12:3

Ka zlazliŋta kuni ta gwirha taŋ, pasliŋta kuni ta dzagwatá palaha skwa wuyay taŋ, dariŋ kuni nda vu ta udzuha Asera skwa wuyay taŋ, dzaɓiŋha kuni ta tsatsatá lazglaftaha taŋ. Mantsa ya dzaʼa zaɗanata kuni ta hga tsa skwiha ya ma tsa vliha ya.

Vrafta ta zlahu 13:10

Katək ná, dzata gha. Tiŋəl vərɗa kagha nda dzva gha dzaʼa zlrafta wuɗata nda pala ŋa dzata. Tahula tsa, ka zlambata sanlaha ŋa dzata.

Vrafta ta zlahu 13:5

Mista Yawe, Lazglafta ghuni turtukwa ni dzaʼa kuni. Tsatsi dzaʼa kuni zləŋay, ka ŋanata zlahuha ni ya mnaghunaf tsi, lwa ni dzaʼa kuni da snay. Tsatsi dzaʼa tsəlɓu kuni ŋa ni, ta tsatsi dzaʼa ndiʼafta kuni ta vgha.

Vrafta ta zlahu 13:6

Ama tsa anabi, ka tsa mnda suni ya a tsi ya, dzaʼa dza dza lu, kabga gagaf gaga ta kaghuni ŋa ganavatá sidi ta Yawe, Lazglafta ghuni ta hlagaptá kaghuni ma haɗika Masar, ka varagaptá kaghuni ma ga vuʼa. Si ta kumay tsa mndu ya ta mbəɗiŋtá kaghuni ta tvi ŋa ksay ghuni ya mnaghunaf Yawe, Lazglafta ghuni. Mantsa ya dzaʼa kliŋta kuni ta tsa ghwaɗaka mndu ya mataba ghuni.

Vrafta ta zlahu 13:9

yaha ka da snanata, yaha ka da fanatá sləməŋ, yaha ka da dzray nda tsi, yaha da ksaghata ka hiɗahiɗa, yaha ka bukwanata.