2Kwa 9:13 - Hdi

¹³ Tsa slna dzaʼa kuni magata ya dzaʼa maraŋtá nzakwa ghuni, ŋa zləzlvay taŋ ta Lazglafta ta ghəŋa snata ghuni ta *Lfiɗa Gwaɗa *Kristi. Dzaʼa zləzlvay həŋ guli kabga vəl dgay ghuni ta skwa ghuni nda həŋ, ta vlay kuni guli ŋa sanlaha.

2Kwa 9:13 ပူးပေါင်းရင်းမြစ်များ

Mata 5:16

Manda tsaya dzaʼa tsuwaɗakakwa tsuwaɗaka ghuni ta kəma mnduha, kada nghaŋta həŋ ta ŋərma slna ta mag kuni, ŋa zləzlvay taŋ ta da ghuni ta luwa. »

Mata 9:8

Nghanata dəmga ta tsaya, ka ksutá tsi ta həŋ ka zləŋ. Ka zləzlvu həŋ ta Lazglafta ta vlaŋtá mndərga tsa mbraku ya ta mnduha.

Lukwa 6:46

« “Mghama ɗa! Mghama ɗa!” ka kuni ta hga iʼi, kabgawu tama? wya haɗ kuni ta maga skwi ta mnaghunata yu wu na?

Yuhwana 15:8

Ka rgədzəɓ ta yafta kuni ta maray kuni kazlay: Duhwalha ni aŋni kəʼa, tsaya dzaʼa maraŋtá glakwa Da ɗa.

Slna gwal ghunay 11:18

Tahula snaŋta taŋ ta tsa gwaɗa ya, ka lɓatá həŋ demdem, ka zləzlvu həŋ ta Lazglafta « ta vlaŋtá tva mbəɗanaftá nzakwa taŋ ta gwal kul nzakway ka la Yahuda kada mutsafta həŋ ta vərɗa hafu tama, » ka həŋ.

Slna gwal ghunay 4:21

Ka dvəglanaghatá tsa mnduha ya ta həŋ ka zliŋtá həŋ, haɗ skwi mutsaf həŋ prək ka hamtá həŋ ta ghəŋa skwi maga həŋ wa.

La Ruma 10:16

Tsaw inda taŋ a ta snatá tsa *Lfiɗa Gwaɗa ya wa. Ka Isaya mnata guli na: Mghama ɗa! Wa ta zlghaftá tsa gwaɗa mna ŋni ya? kaʼa.

La Ruma 12:8

Ka vla mbraku ŋa mnduha vlaŋ Lazglafta ta mbrakwa ni ta sani ya, ka vla tsi ta tsa mbraku ya ŋa taŋ. Ka muvla vlaŋ Lazglafta ta mndu ya, ka vla tsi nda kwal kul tha madər mista ni. Ka nzaku ka mali ta ghəŋa sanlaha vlaŋ Lazglafta ta mndu ya, ka nza tsi kwats kwats ma slna ni. Ka tawa hiɗahiɗa ta mndu vlaŋ Lazglafta ta sani ya, ka maga tsi nda rfu.

La Ruma 15:31

Magawa duʼa da Lazglafta kada ndapta yu ma dzva gwal kul snaŋtá Yesu ta haɗika Zudiya, nda ya ŋa tsuʼafta mnduha ma Ursalima nda rfu ta na katu ta klə yu ŋa taŋ na.

La Ruma 16:26

Ndanana ná, sab sa ta daɓi nda ma vindi ya vindaf la anabi, manda va ya mna Lazglafta ŋa kɗekedzeŋ guli, ka snanamtá lu ta inda mndəra mndu ŋa snata taŋ ta gwaɗa ni ma zlghafta taŋ.

2Kwa 10:5

Ta ŋarap ŋara ŋni ta inda ghwaɗaka ndanuha ta ndanata gwal ta gla ghəŋ ta pya snaŋtá Lazglafta. Ta gwaɗay aŋni ta gwaɗa ŋa ksanaktá ndana mnduha ŋa sna gwaɗa Kristi.

2Kwa 2:12

Sliʼaf sliʼa yu ka laghu da luwa Truwas da mna *Lfiɗa Gwaɗa ta ghəŋa *Yesu *Kristi. Manda ɓhadaghata ɗa, kəʼa ka yu ná, məɗ taɗipta Mgham Yesu ta tvi ɗina ɗina ŋa mna gwaɗa hada.

2Kwa 8:4

da ɗaway da aŋni ka ŋɗaŋɗa kazlay: Ta kumay aŋni ta nzakway tekw mataba gwal ta kataŋtá gwal zlghay nda ŋuɗuf ta haɗika *Yahuda kəʼa.

2Kwa 9:14

Dzaʼa magay həŋ ta duʼa da Lazglafta ta ghəŋa kaghuni, ŋa mamay taŋ ta kaghuni kabga tsa zɗaku ta malaghutá mbraku magaghuna Lazglafta ya.

Galat 1:24

Manda snaŋta taŋ kazlay: Nda mbəɗa nzakwa ɗa kəʼa, ka zləzlvu həŋ ta Lazglafta ta ghəŋa ɗa.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

1Tim 6:13

Ka yu ta mnaghata ta kəma Lazglafta ta vla hafu ŋa inda skwi, nda ya ta kəma *Yesu *Kristi ta mnigiŋtá vərɗa gwaɗa ta kəma Pwaŋəs Pilat ná,

Hebru 10:23

Sladafma slada ta fatá ghəŋa mu ka gɗata mu ta va mnay kazlay: Tsa mndu ta tamaftá imi ta sləməŋ ya ná, ŋərma mndu ya kəʼa.

Hebru 13:16

Yaha kuni zlanatá maga zɗaku, nda kataŋtá mndu, kabga mndərga tsa skwiha ta vlata həŋ ya ta zɗəganatá Lazglafta.

Hebru 3:1

Mantsa tama zwana ma, kaghuni gwal hgaŋ Lazglafta ŋa nzaku ka ŋa ni, fafwa ndana ghuni ta *Yesu ghunatá mnda Lazglafta, ka mali ta ghəŋa gwal ta dra skwi ŋa Lazglafta ya. Tsatsi tsa zlghaf mu ta mnə mu baŋluwa ya.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

Rut 2:19

Ka midza ni nda tsi mantsa: « Ga si ta tska ka ta na vana na gita na? Ga si ta maga ka ta slna na? Ka tfanagha tfa Lazglafta ta wi ta tsəna mndu ta zɗaghaŋta huɗi na, » kaʼa. Ka rusanaftá tsi ta midza ni ta mndu si ta mag tsi ta slna ga taŋ. Kaʼa mantsa: « Tsa mndu si ta mag yu ta slna ga taŋ gita ya ná, Bughaz hga ni, » kaʼa.