2Kwa 9:10 - Hdi

¹⁰ Lazglafta ta vlaŋtá hulfa ta mndu ŋa sləgay, tsatsi guli ta vlaŋtá skwi ŋa zay. Tsatsi guli dzaʼa vlaghunatá inda hulfa ta kum kuni, ŋa tfaghunaghatani ta wi ta ghəŋa ni ŋa sgakwa dzaʼa ghuni ta kəma ta kəma ma maga zɗaku.

2Kwa 9:10 ပူးပေါင်းရင်းမြစ်များ

Zlrafta 47:19

Kabgawu dzaʼa kəl ŋni ka rwuta ta wa ira gha tekeʼa htsiŋa ŋni, nda haɗika ŋni tani na? Skwa ta aŋni nda haɗika ŋni tani, ka vlaŋnata ka ta skwa zay. Ka nzakwa aŋni nda haɗika ŋni tani ka kwalva Firʼawna. Hlaŋnaf hla ta hulfa, kada nzakwa ŋni nda hafu yaha ŋni da rwutá, yaha vwah da nzaku ma madza, » ka həŋ.

Mata 6:1

« Ɗasuwa ka kuni ta mag kuni ta skwi tɗukwa, yaha kuni da magay ŋa ghubaku ta wa ira mnduha. Ka mantsa tsi ná, mutsafta a kuni ta nisəla ghuni da Da ghuni ta nzakway ta luwa wa.

2Kwa 9:12

Tsəna katu ta vlata kuni na ná, kataŋtá gwal zlghay nda ŋuɗuf yeya a ta magu tsi wu, ta sliʼanaf sliʼa ta mnduha ŋa va rfay taŋ ta Lazglafta.

2Kwa 9:6

Wya skwi ŋa havapta ghuni: Ka sira a pghamta mndu ta hulfa ma vwah wu ná, sira a dzaʼa tskata tsi ta skwi ma tsa vwah ya guli wa. Ka dagala pghamta mndu ta hulfa ma vwah ná, dagala dzaʼa tskata tsi ta skwi ma tsa vwah ya guli.

Galat 3:5

Tsa Lazglafta ta vlaghunatá Sulkum ta maga mazəmzəmha mataba ghuni ya ná, vəl magata ghuni ta skwi ta kum zlaha Musa kəl tsi ka magaghunata re, ari vəl snaŋta ghuni ka zlghaftá kuni ta Lfiɗa Gwaɗa a na?

Afisus 5:9

Kəl yu ka mnay mantsa ya ná, ta sliʼagapta ma tsuwaɗak na skwiha ɗina ɗina, nda skwiha tɗukwa tɗukwa, nda kahwathwata.

Filip 1:11

Ŋa nzakwa ghuni ka gwal maga skwi tɗukwa nda mbrakwa Yesu Kristi. Na nghaŋta mnduha ta tsa ŋərma skwi ta mag kuni ya, ŋa zləzlvay taŋ ta Lazglafta, ŋa vlay taŋ ta glaku ŋa ni guli.

Filip 4:17

Gatá skwa ghuni a ta gatə yu wu, ta rfu yu katək kabga nda sna yu ta dzaʼa tfaghunagha tfa Lazglafta ta wi ta ghəŋa skwi vla kuni kəʼa.

1Tes 3:12

Kaghuni ya guli, má ka sgaghunagha sga Mgham Yesu ta tsa ɗvu mataba ghuni ya, nda ya ta mag kuni ŋa inda sanlaha ma mnduha ya guli, ka nzakwa tsi manda va ya ta ɗvu aŋni ta kaghuni ya.

1Tes 4:10

Tsaya skwi ta mag kuni ŋa inda mnduha Lazglafta ta haɗika Mekaduniya demdem. Ta ndəɓa dzva yu da kaghuni zwana ma, ka kɗaŋta kuni ta magay ta kəma ta kəma.