2Kwa 8:23 - Hdi

²³ Titus ná, gratá ksa slna ɗa ya. Kawadaga nda tsi ta maga ŋni ta slna kata kaghuni. Yeya zwanamaha his kawadaga nda Titus ya guli, Igliz ta zabaptá həŋ, ka ghunaftá həŋ da kaghuni. Ta vlay slna taŋ ta glaku ŋa *Kristi.

2Kwa 8:23 ပူးပေါင်းရင်းမြစ်များ

Lukwa 5:10

Mantsa ya hluta tsi ta i Yakubu nda Yuhwana ta nzakway ka zwana Zebedi ta gwaftá vgha nda i Simuŋ ya guli. Ama ka Yesu nda Simuŋ mantsa: « Ma zləŋ ka, daga ndanana, mnduha dzaʼa ka hlakta, » kaʼa nda tsi.

Lukwa 5:7

Ka kəməts həŋ ta sanlaha ma graha taŋ ma sana kwambalu ŋa sagha kataŋtá həŋ. Ka sagha tsaha ya, ka ndaghanaftá həŋ ta tsa kwambaluha taŋ ya his his, ha ka kum tsa kwambaluha taŋ ya ta zamta da imi.

Yuhwana 13:16

Kahwathwata ka yu ta mnaghunata, haɗ kwalva ta malaghutá mghama ni wu, haɗ mnda ghunay guli ta malaghutá mndu taghunafta wa.

1Kwa 11:7

Ma bukw zgun ta ghəŋ, kabga tsatsi ta gara vgha nda Lazglafta nda glakwa ni tani. Marakw ya ná, maravata glakwa zgun tsatsi,

2Kwa 12:18

Ndəɓana ndəɓa yu ta dzvu ta Titus ka lab da kaghuni, ka ghunaftá yu ta sana zwaŋama guli mista ni. Ma tsa laba Titus da kaghuni ya ná, mamu skwa ghuni gatugadughunus tsi ra? Ta tva turtuk a mbaɗa ŋni ta mbaɗa nda Titus ra?

2Kwa 7:6

Mbaɗa Lazglafta ya ta lɓa ŋuɗufa gwal nda kɓa ka lɓaŋnatá ŋuɗufa ŋni ma ɓhadaghata Titus.

2Kwa 8:16

Ta rfay ŋni ta Lazglafta ta vlaŋtá ndanu ta Titus, ka fatá tsi ta ghəŋa ni ŋa kataghunata manda va ŋa ŋni.

2Kwa 8:18

Wya ŋni ta ghunadaptá sana zwaŋama kawadaga nda tsi. Tsa mndu ya ná, ta ghubay inda *Igliz, kabga snaŋta ni ta mnay nda tva ni ta *Lfiɗa Gwaɗa.

2Kwa 8:19

Tsaya yeya a ta kəl ŋni ka ghunay wu, ghunaf ghuna Igliz guli mista ŋni, ŋa magəgaŋnatá na slna ŋa kata mnduha Lazglafta na. Tsəna slna ná, ta vlay ta glaku ŋa Mghama mu *Yesu. Ta maray guli kazlay: Ta kumay ŋni ta kataŋtá mnduha kəʼa.

2Kwa 8:22

Wana ŋni ta ghunaftá sana zwaŋama guli kawadaga nda həŋ. Nda kɗa fitika ŋni ta dzəghaŋta ma slnaha kavghakavgha. Ka nghadaptá ŋni ná nda fa ghəŋa ni ŋa maga slna. Ndanana manda snaŋta ni ta ghuba kaghuni ta ghubu lu ná, ka fəglatá tsi ta ghəŋa ni.

2Kwa 8:6

Tsaya kəl ŋni ka ndəɓanatá dzvu ta Titus ŋa lab da kɗiŋtá tska tsa skwi ya da kaghuni kabga tsatsi ta zlrafta.

Filip 2:25

Ɗina ka ghunadaghunapta ɗa ta zwaŋama ɗa Yufratis, gra ta ksa slna ɗa ta wud ŋni ta slna kawadaga nda tsi. Tsatsi mndu ya si ghunagap kuni nda skwi ŋa katihata.

Filip 4:3

Ka yu ta mnaghatá kagha guli gra ta ksa slna ɗa ná, wya dzvu, kataŋ kata ta tsa miʼaha ya. Nda tsa miʼaha ya, nda Klimaŋ, nda hamata gwal ta ksa slna kawadaga nda iʼi, dagala slna maga həŋ kawadaga nda iʼi, ghuy ghuya ŋni ta ɗaŋwa nda həŋ ta mna gwaɗa Lazglafta ŋa mnduha. Hahəŋ ná, vindaf vinda Lazglafta ta hga taŋ ma defteri ta vindi tsi ta hga gwal ta mutsa hafu.

Kwalus 1:7

Ipafras ta nzakway ka ŋərma gra ta ksa slna ŋni, ta taghaghunaftá tsaya. Tsatsi ná, ŋərma mnda ksanatá slna ta Kristi ya ta vata kaghuni.

1Tes 2:2

Nda sna kaghuni guli ka ŋni ghuytá ɗaŋwa ma luwa Filipiya, nda ya ká həŋ razaŋnata. Ama ka taftá ŋni ta us ta iri nda mbrakwa Lazglafta ka mnaghunatá *Lfiɗa Gwaɗa ta sagha da Lazglafta mataba ndəghata ghuya ɗaŋwa.

2Tim 4:10

Wana zliɗiva zla na Demaska, kabga laghu la ɗvutá skwa ghəŋa haɗik, ka sliʼaftá tsi ka laghu da luwa Tesalunik. Laghu la na Kreseŋ ta haɗika Galat, ta laghu Titus ta haɗika Dalmatiya guli.

Titus 1:4

Ŋa kagha Titus, vərɗa zwaŋa ɗa ma zlghay nda ŋuɗuf ta vinda yu. Ka nza zɗakatahuɗi nda zɗakwa Da mu Lazglafta nda Yesu Kristi mnda mba amu kawadaga nda kagha.

Filimuŋ 1:17

Ka si klaf kla ka ta iʼi ka gra gha katsi ná, ka zlghafta ka manda skwi vərɗa iʼi ta zlghə ka.

Filimuŋ 1:24

Ta ga zgu i Markus nda Aristarkus nda Demaska nda Lukwa, gwal ta ksə ŋni ta slna kawadaga da həŋ, ŋa gha guli.

3 Yuhwana 1:8

Amu gwal ta zlghaftá Kristi, ɗina ka katay mu ta mndərga tsa mnduha ya, kada nzakwa mu nda gwa ma tsa vərɗa slna ta mag həŋ ya.