2Kwa 7:1 - Hdi

¹ Zwana ma ɗa, ya mantsa ya ka lu tamaftá imi ta sləməŋ ya ná, suɗapma ghəŋa mu ma skwi dzaʼa ŋəriŋtá vgha mu nda ŋuɗufa mu. Ka kɗanakta mu ta nzakwa mu hezleʼ ma zləŋa Lazglafta.

2Kwa 7:1 ပူးပေါင်းရင်းမြစ်များ

2Rus 19:9

Wya kaʼa mnanaftá həŋ: « Ka maga kuni ta slna nda zləŋa Yawe, nda fatá ghəŋ tasl, nda ya nda hya hya ŋuɗufa ghuni.

La Levi 13:58

Ka sa sa tsa mavyavya ya ta tsa lgut ya, ka ta tsa skwi gaf lu nda swida tuwak, ka ya gaf lu nda liŋ ya ghuɓap lu ya a tsi katsi, ta dzaʼa ghuɓəgliŋ ghuɓa lu ka mahis. Nda nza kul haɗ tsaɗa tida.

Mata 12:33

« Ka si zɗa ya fu ya, ka lu ná, zɗa yakwa ni. Ka si zɗa a ya fu ya wu, ka lu ná, zɗa a yakwa ni guli wa, kabga ta yakwa ni ta tsatsafta lu ta fu.

Mata 5:48

Nzawa nza ka vərɗa mndu manda va nzakwa Da ghuni ta luwa ka vərɗa mndu ya. »

Mata 5:8

Rfu da gwal hezleʼ a ŋuɗufa taŋ, kabga dzaʼa nghaŋ ngha həŋ ta Lazglafta.

Slna gwal ghunay 9:31

Ma tsa fitik ya, lefɗekw nzata nzakwa guyatá ghəŋa gwal zlghay nda ŋuɗuf ta haɗika Zudiya, nda ya ta haɗika Galili, nda ya ta haɗika Samari. Ta mbray həŋ ta vgha ka nzaku nda hanatá ghəŋ mista Mgham Yesu. Ta sgaku nda sga həŋ nda zɗakatahuɗa Sulkum nda ghuɓa.

La Ruma 5:20

Ma sagha zlaha Musa, ka sgavaghata saba dmaku ta daɓi. Ma vli sgavagha dmaku ya ná, malaghu mala sgəglavaghata zɗakatahuɗa Lazglafta guli.

1Kwa 6:20

Vara vara Lazglafta ta kaghuni nda skwi nda bla. Tsaya tama, vlaŋwa glaku ta Lazglafta ma skwi ta mag kuni nda sluʼuvgha ghuni.

2Kwa 1:20

Nda ma tsatsi ta mna Lazglafta ta « aŋi » nda inda skwi tamaf tsi ta imi ta sləməŋ. Tsaya ta kəl amu ka mnay nda ma Yesu Kristi kazlay: Mantsa ya nzakwa ni kəʼa, ŋa vlaŋtá glaku ta Lazglafta.

Afisus 2:3

Amu demdem guli, manda tsa nzakwa hahəŋ ya si amu ghalya. Ghwaɗaka skwiha ta kum ŋuɗufa mu, nda ghwaɗaka ndanuha ta ndanu mu, si ta mag mu. Ma tsa nzatá nzakwa mu manda tsaya ná, ma dzaʼa dəɗamdəɗa amu guli da ɓasa ŋuɗufa Lazglafta, ka guram nda va ŋa tsa mnduha ta maga ghwaɗaka skwiha ya.

1Tes 3:13

Má ka sladanaf slada Lazglafta ta ŋuɗufa ghuni ŋa nzakwa ghuni nda ghuɓa kul haɗ gwaɗa ta ghəŋa ghuni ta kəma Lazglafta Da mu, baɗu sagha dzaʼa sagha Mghama mu Yesu Kristi kawadaga nda inda duhwalha ni ya.

1Tes 4:7

Hgaf a Lazglafta ta amu ŋa maga sliʼiŋsliʼiŋ wa. Hgaf ŋa nzata mu hezleʼ a ta amu.

1Tes 5:23

Ka ghuɓaghunaghuɓa Lazglafta ya ta vlatá zɗaku ka ghəŋa ni, ka naghunaftá tsi ka ŋa ni dardar. Ka ngha tsatsi ta kaghuni tsuh tsuh, nda sulkuma ghuni tani, nda hafa ghuni tani, nda sluʼuvgha ghuni tani. Tsaya dzaʼa kwal rutsak kul nzafta ta kaghuni ma fitika sagha Mghama mu Yesu Kristi.

Hebru 12:23

Gavadagha ta vata guyatá vgha mnduha Lazglafta ta nzakway ka zumaliha vindam lu ta hga taŋ ma defteri ta luwa kuni. Gavadagha ta vata mnda tsa guma ta ghəŋa inda mnduha demdem ta nzakway ka Lazglafta kuni, nda ya ta vata sulkuma mnduha tɗukwa, gwal ta kɗanakta ya kuni.

Hebru 12:28

Ya mantsa tsi ya, rfamarfa ta Lazglafta ta vlamatá ga mgham ya kul haɗ ta ghudzavata. Maraŋma mara ta tsa rfay mu ya nda ma maganatá slna ya ta zɗəganata nda haniŋtá ghəŋ, nda ya nda zləŋay.

Hebru 4:1

Tshala tamafta Lazglafta ta imi ta sləməŋ kazlay: Dzaʼa laviŋ lava kuni ta lami da vla mbiʼa vgha ya payaghunaf yu kəʼa ya, ɗasuwa ka kuni tama, da pɗaghutá sani dər turtuk mataba ghuni ka kwal lami.

Hebru 6:9

Zwana ma ɗa, aŋ mndani dər má mantsa mnata ŋni ná, da sna aŋni kazlay: Ta ŋərma tvi ta nzakway ka tva mbaku ya kaghuni kəʼa.

Yakubu 4:8

Gavanavawagava ta Lazglafta, dzaʼa gavaghunavagava tsatsi guli. Mbaziŋwa dzva ghuni, kaghuni gwal ta nzakway ka gwal dmaku. Ghuɓiŋwa ŋuɗufa ghuni, kaghuni gwal nda ghwaɗaka ndanu.

1 Piyer 1:15

Tsa Lazglafta ta hgaftá kaghuni ya, nda ghuɓa tsatsi. Nzawa nza kaghuni guli nda ghuɓa manda va tsatsi.

1 Piyer 1:17

Ka ta hgay kuni ma duʼa ghuni ka « Da » ta Lazglafta, ya ta tsa guma ta ghəŋa inda mndu taɓta slna ni maga tsi kul gala mndu nda gala ya, nzawa nza nda zləŋay ma na nzakwa ghuni tata na ghəŋa haɗik na.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Piyer 2:11

Zwana ma ɗa gwal ta ɗvu yu nda ŋuɗufa ɗa, ɗina ka snaŋta ghuni kazlay, manda mayəm nzakwa ghuni, gɗavata a kuni ma na ghəŋa haɗik na wu kəʼa. Tsaya ta kəl yu ka vla mbraku ŋa ghuni, ka wara kuni ta skwi ya ta haraʼuwa kaghuni. Ya hafa ghuni ta zbə tsa skwiha ya.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

1 Yuhwana 1:7

Ala ka si ta mbaɗ ma tsuwaɗak mu ta mbaɗa manda nzakwa Lazglafta ma tsuwaɗak ya, nda guya ghəŋa mu sani nda sani nda tsa ŋa ghuɓimista usa *Yesu Zwaŋa Lazglafta ta inda dmakuha mu.

1 Yuhwana 1:9

Ala ka si mnigiŋ mna mu ta dmakwa mu nda wa mu katsi, dzaʼa plimispla Lazglafta ta dmakwa mu, ŋa ghuɓiŋta ni ta inda dmakwa mu, ŋa nzakwa mu tsuweɗek ta kəma ni, kabga tsatsi Lazglafta tɗukwa. Skwi mna tsi ta maga maga manda va tsaya.

1 Yuhwana 3:3

Ka si mantsa tsi katsi, inda mndu ta faftá ghəŋa ni ta Kristi ná, dzaʼa waray ta ghəŋa ni da dmaku manda ŋa Kristi kul gatá dmaku ya.