2Kwa 6:16 - Hdi

¹⁶ Nu ta guyanaftá həga Lazglafta nda həga skwa wuyay na? Amu ná, həga Lazglafta nda hafu amu, manda ya mna tsi kazlay: Mataba taŋ dzaʼa nzamta yu ka wawaku kawadaga nda həŋ. Ka Lazglafta taŋ ta dzaʼa nzata yu, ka mnduha ɗa hahəŋ guli kəʼa.

2Kwa 6:16 ပူးပေါင်းရင်းမြစ်များ

1Mgh 18:21

Ka gavadaghatá Iliya ta vata mnduha demdem, kaʼa mantsa: « Ha ŋa Yawu dzaʼa gwafta kuni ta tvi his na? Ka si Yawe na Lazglafta katsi, lawa la mista ni, ala ka Baghal tsi guli ya, lawa la mista ni! » kaʼa. Ama pslanaf a mnduha ta wi dər teʼ wa.

Sabi 20:3

Yaha ka nda sanlaha ma lazglaftaha ba iʼi turtukwa ɗa.

Sabi 23:13

Ka ŋanata kuni ɗina ta inda tsa gwaɗaha managhuna yu ya. Yaha kuni hgaŋtá hga sana lazglaftaha, dər snaŋtá kulay ma wa ghuni. »

Sabi 25:8

Ka magaɗifta la Israʼila ta vli nda ghuɓa ŋa nzata ɗa mataba taŋ.

Sabi 29:45

Dzaʼa nzam nza yu mataba la Israʼila, dzaʼa nzakway yu ka Lazglafta taŋ.

Sabi 34:14

Ma tsəlɓu kuni ta tsəlɓu ŋa sana lazglafta, kabga iʼi Yawe ná, draku hga ɗa, iʼi Lazglafta ta draku kahwathwata.

La Levi 26:12

Dzaʼa gɗava gɗa yu kawadaga nda kaghuni, ŋa nzakwa ɗa ka Lazglafta ghuni, ta nzakw kaghuni ka mnduha ɗa.

Mata 16:16

« Kagha ná, *Kristi ka, Zwaŋa Lazglafta ya ta vla hafu ka, » ka *Piyer nda tsi.

Mata 6:24

« Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Lukwa 5:36

Kaʼa nda həŋ nda mahdihdi guli mantsa: « Haɗ mndu ta kuhwaʼatá lfiɗa lgut ŋa tsamtá halata lgut nda tsi wa. Ala ka kuhwa a kuhwa lu ta tsa lfiɗa lgut ya ka tsamtá halata ni nda tsi katsi, rəta a ngha tsatá tsa halata lgut ya wa.

Yuhwana 14:23

Ka *Yesu nda tsi mantsa: « Ka ɗvu ɗva mndu ta iʼi, dzaʼa ŋana ŋa ta gwaɗa ɗa, dzaʼa ɗvu ɗva Da ɗa ta tsatsi guli. Ŋa sagha ŋni nda Da ɗa tani ŋa nzakwa ŋni ga taŋ.

Yuhwana 6:56

Mndu ta za sluʼuvgha ɗa, ta sa usa ɗa ná, ma iʼi ta nzamta tsa mndu ya, ma tsa mndu ya nzamta iʼi guli.

La Ruma 8:11

Ka si ta nzaku Sulkuma tsa mndu ta sliʼaganaptá Yesu ma mtaku ya ma kaghuni katsi, va tsa mndu ta sliʼaganaptá Kristi ma mtaku ya, dzaʼa vranamtá hafu ma tsa sluʼuvgha ghuni ta mtuta nda ma tsa Sulkuma ni ta nzaku ma kaghuni ya.

La Ruma 8:9

Ama kaghuni, haɗ kuni ta maga skwi manda ya ta zɗəganatá sluʼuvgha wa, manda ya ta zɗəganatá Sulkuma Lazglafta ta nzaku ma kaghuni ta nzakwa kuni ta nzaku. Ka haɗ Sulkuma Kristi ma mndu wu ná, ŋa Kristi a tsa mndu ya wa.

La Ruma 9:26

Ma vli ya mnana lu ta həŋ, “mnduha ɗa a kuni wu” kəʼa ya, ma tsa vli ya dzaʼa hga lu ta həŋ ka Zwana Lazglafta nda hafu. »

1Kwa 10:21

Laviŋ a kuni ta sa skwi ta leghwa Mgham *Yesu, ta say say kuni ta leghwa duhwalha halaway wa. Laviŋ a kuni ta za skwa Mgham Yesu, ta zay zay kuni guli ta ŋa duhwalha halaway wa.

1Kwa 6:19

Sna a kuni kazlay: Sluʼuvgha ghuni ná, həga Sulkum nda ghuɓa ya kəʼa ra? Lazglafta ta vlaghunata ŋa nzaku ma kaghuni, ta ka ŋa ghuni a vgha ghuni tama wa.

Afisus 2:20

Nda nza kuni manda palaha ta bə lu ta həga nda tsi. Gwal ghunay nda la anabi na tughwa tsa həga ya. Yesu Kristi tsa pala dihaf tsa həga ya ta vgha tida ya.

Afisus 2:22

Ma tsa ndiʼatá kaghuni nda Kristi ya, guyaghunafguya nda sanlaha ma gwal zlghay nda ŋuɗuf guli, kada nuta mu ka tsa həga ta nzaku Lazglafta nda ma Sulkum ya.

Afisus 3:17

Ta ɗaway yu da tsi guli ta gɗavata *Kristi ma ŋuɗufa ghuni ma zlghafta ya zlghaf kuni. Ta ndəɓay yu ta dzvu da tsi guli, ka ŋavata kuni ka ɗvuvustá vgha ghuni sani nda sani. Ka ta ɗvuvusɗva kuni ta vgha ghuni kahwathwata katsi ná, dzaʼa nzakway kuni manda dihatá fu laghu slrəŋha ni da ghuvata haɗik. Dzaʼa nzakway kuni guli manda dihata həga thaf lu ta mndəra ni ta vəl təŋ təŋa.

Vrafta ta zlahu 5:7

Yaha ka nda sanlaha ma lazglaftaha ba iʼi turtukwa ɗa.

1Tim 3:15

Ala, ka gərɗugərɗa yu katsi, dzaʼa nda sna ka ká ka dzaʼa nzaku ma həga Lazglafta ta nzakway ka *Igliz, hahəŋ guguɗi ta dihanatá kahwathwata.

2Tim 1:14

Ŋana ŋa ta ŋərma tagha skwi ya fagham lu ma dzvu, nda mbrakwa Sulkum nda ghuɓa, ya ta nzaku ma amu ya.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Hebru 8:10

Mantsa tama, wya tsa dzratá wi dzaʼa dzrafta yu nda la Israʼila tahula tsa fitik ya. Dzaʼa taghanaf tagha yu ta zlahuha ɗa ta həŋ, ŋa hanamta ɗa ta həŋ ma ndana taŋ, thanamha yu ta həŋ ma ŋuɗufa taŋ. Dzaʼa nza nza yu ka Lazglafta taŋ, ŋa nzakwa hahəŋ ka mnduha ɗa guli.

Yakubu 4:5

Ta grə kuni ná, ka bətbət skwi mna defteri ta mnay kazlay: Ɗvu ɗva Lazglafta katakata ta tsa sulkum fam tsi ma amu ya kəʼa ya ra?

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

1 Yuhwana 4:12

Haɗ mndu ta kəɗ nghaŋtá Lazglafta nda ira ni wa. Tsa ɗvutá vgha mu ta ɗvuta mu sani nda sani ya ná, nzakwa Lazglafta ta gɗavata kawadaga nda amu tsa. Ta ɗvu ɗva mu ta Lazglafta dar manda ya kumaŋ tsi kəʼa guli.

1 Yuhwana 4:15

Mndu ta mnay baŋluwa kazlay: *Yesu ná, Zwaŋa Lazglafta ya kəʼa, nda nza nzakwa Lazglafta nda tsa mndu ya, nda nza nzakwa tsatsi guli nda Lazglafta.

Suna Yuhwana 2:1

« Vinda ŋa duhwala Lazglafta ta nzakway ka ŋa *Igliz ma luwa Afisus: « Wya skwi ya mna mndu ya ta ŋanata tekwatsaha ndəfáŋ ma dzva zeghwa ni, ta mbaɗa mataba pitirlaha dasu ndəfáŋ. Kaʼa mantsa:

Suna Yuhwana 21:3

Ka snaŋtá yu ta sana lwi ta gugɗagapta ma dughuruk. Kaʼa mantsa: Wya həga tumpula nzakwa Lazglafta mataba mnduha! Ŋa nzakwa ni kawadaga nda həŋ, ŋa nzakwa taŋ ka mnduha ni, ŋa nzakwa tsatsi guli kawadaga nda həŋ,

Suna Yuhwana 21:7

Mndu ya ta zatá ghwa, dzaʼa vlaŋ vla lu ta tsa skwiha ya. Dzaʼa nzakway yu ka Lazglafta ni, dzaʼa nzakway tsatsi guli ka zwaŋa ɗa.