2Kwa 5:15 - Hdi

¹⁵ Mtu mta ta ghəŋa inda mndu, kabga yaha gwal ta nda hafu da nzaku gaghəŋ gaghəŋa taŋ, ŋa nzay taŋ ta nzaku ya ta zɗəganata. Ka ŋa taŋ mtuta tsi, ka sliʼaganaptá Lazglafta.

2Kwa 5:15 ပူးပေါင်းရင်းမြစ်များ

2Mgh 5:17

Ka Naghamaŋ mantsa: « Ka si kwalaghu kwala ka, vla vla ta tvi ka tsəɗaɗifta lu ta haɗika na vli na, ŋa iʼi kwalva gha. Ka tsəɗaɗifta lu prək ka hlay plisa ghwandala his, kabga iʼi kwalva gha ná, haɗ yu dzaʼa vləgəltá pla ghəŋ ŋa dray tsuh tsuh, dər sanlaha ma pla ghəŋ ŋa sanlaha ma lazglaftaha wu, ba ŋa Yawe kweŋkweŋ.

Lukwa 1:74

“Dzaʼa mbaghunaf mba yu ma dzva ghuma ghuni, kada laviŋta kuni ta ksanatá slna kul haɗ zləŋ,

Yuhwana 5:24

« Kahwathwata ka yu ta mnaghunata, mndu ta sna gwaɗa ɗa, ka zlghaftá tsi ta mndu ta ghunigihata, mamu hafu ŋa kɗekedzeŋ ma tsa mndu ya. Haɗ lu dzaʼa tsanaghatá guma ta tsa mndu ya wa. Nda ghada *Pak tsa mndu ya ta mtaku ka laghu da hafu.

Yuhwana 6:57

Tsa Da ta ghunigihata ya ná, nda hafu mida. Nda tsatsi ta nzakwa iʼi nda hafu. Mantsa ya guli ka ta zay mndu ta iʼi, dzaʼa nza nza nda hafu.

La Ruma 12:1

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

La Ruma 4:25

Lazglafta ta vlatá tsa Yesu ya ma dzva mnduha ŋa dzata ta ghəŋa dmakwa mu. Ka sliʼaganaptá tsi guli ma mtaku ŋa nzakwa mu ka gwal tɗukwa ta wa ira ni.

La Ruma 6:2

Mantsa a ɗekɗek wa! Mtuguduŋ mta amu ta dmaku, waká amu dzaʼa gɗəglamta ma dmaku na?

La Ruma 6:6

Ɗina ka snaŋta mu kazlay: Tsa nzaku si ta nzaku mu ghalya ya ná, zləŋaf zləŋa lu ta udza zləŋay kawadaga nda Kristi kəʼa, kabga ŋa zaɗanatá tsa mbrakwa dmaku ma vgha mu ya. Yaha mu kɗaŋtá nzaku ka vuʼa dmaku ka lu, kəl lu ka magata manda tsaya.

La Ruma 8:10

Ka si mamu Kristi ma kaghuni katsi, ta vlaghuna vla Sulkuma ni ta hafu, kabga naghunaf na Lazglafta ka gwal tɗukwa ta wa ira ni. Aŋ mndani dzaʼa mtu mta kuni ta ghəŋa vəl magata ghuni ta dmaku.

La Ruma 8:2

kabga mbrakwa Sulkum nda ghuɓa ta vlamatá hafu nda ma Yesu Kristi ta ga mgham ta ghəŋa iʼi. Mbrakwa tsa Sulkum nda ghuɓa ya ta klaptá iʼi ma mbrakwa dmaku nda ŋa mtaku tani.

La Ruma 8:6

Ka laghu la lu da snanatá ta ŋa skwi ta zɗəganatá sluʼuvgha katsi ná, kla ghəŋ da mtaku tsa. Ka laghu la lu da sna skwi ta zɗəganatá Sulkum nda ghuɓa katsi guli ná, kla ghəŋ da hafu nda ya da zɗaku tsa guli.

1Kwa 10:33

Magawa maga manda ŋa ɗa ta maga inda skwi ŋa zɗəganatá inda mndu ya. Zba a iʼi ta maga skwiha dzaʼa katihata wu, skwiha ya dzaʼa kataŋtá ndəghata sanlaha ta mag yu, ŋa mutsafta taŋ ta mbaku.

2Kwa 12:10

Tsaya tama ta kəl yu ka rfu nda hta ta mbrakwa ɗa, nda raraza iʼi ta rarazə lu, nda giri ta gə lu ŋa ɗa, nda ghuya ɗaŋwa ta ghuy lu ŋa ɗa, nda skwiha ya ta dza iʼi ma vgha ta gwaɗa ta Kristi. Ma tsa hta ta iʼi ya ta mutsafta yu ta mbraku.

2Kwa 3:6

Tsatsi ta vlaŋnatá mbrakwa nzaku ka gwal maganatá slna ŋa mnay ŋa mnduha ta Lfiɗa dzratá wi dzraf tsi. Tsa lfiɗa dzratá wi ya ná, sladaf a ta zlahu vindaf lu ghalya ya wa. Ta Sulkum nda ghuɓa sladafta tsi. Tsa vindata zlahu ghalya ya ná, ta hla mnduha da mtaku. Sulkum nda ghuɓa ya ná, ta hla mnduha da hafu.

2Kwa 5:16

Ndanana tama ná, nghəgla a amu ta mndu manda hamata mnda səla wa. Dər má manda hamata mnda səla si ta ngha mu ta Kristi mndani ná, ndanana tama, nghəgla a amu manda tsaya wa.

Galat 5:25

Ka si Sulkum ta vlamata hafu katsi, zlanama Sulkum ka pgha tsi ta amu guli.

Afisus 4:17

Wya skwi ta mnaghunata yu. Ka ŋɗaŋɗa ta mnaghunata yu guli ma hga Mgham. Yaha kuni nzakugəltá nzaku manda gwal kul snaŋtá Lazglafta, ta ndana skwi dzaʼa kwal kul kataŋtá həŋ ya.

Afisus 5:14

Ka nda ghada saba skwi ta daɓi katsi ná, gi tsuwaɗak nzakwa ni. Tsaya ta kəl lu ka mnay kazlay: « Kagha mndu ta hani, sliʼaf sliʼa ta hani. Sliʼaf sliʼa mataba gwal nda rwa, ka tsuwaɗakaghafta Kristi » kəʼa ya.

Kwalus 2:12

Ma magaghunaftá batem fadata lu ta kaghuni kawadaga nda Kristi da kulu, ka sliʼagaptá kuni kawadaga nda tsi guli nda ma zlghafta ghuni ta mbrakwa Lazglafta ta sliʼaganaptá Kristi ma mtakuya.

Kwalus 3:1

Kawadaga nda Kristi sliʼagapta kuni ma mtaku. Zabawazaba tama ta skwiha ya ta luwa, ma vli ya nza Kristi nda ga zeghwa Lazglafta ya.

Kwalus 3:17

Dər nahgani ta mag kuni, dər nahgani ta mnə kuni, magawa maga ma hga Mghama mu *Yesu, ka rfa kuni ta Lazglafta Da mu nda ma tsatsi.

Kwalus 3:23

Inda skwi ta mag kuni ná, magawa maga nda vərɗa ŋuɗufa ghuni manda skwi ta mag kuni ŋa Mgham Yesu, nza a ka ŋa mnduha wa.

1Tes 5:10

Ta ghəŋa amu mtuta Yesu, ŋa nzakwa mu kawadaga nda tsi. Dər má ta nda iri mu, dər má nda rwa mu, kawadaga nzatá nzakwa mu nda tsi.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

1 Piyer 4:6

Tsaya kəl lu ka mnanatá *Lfiɗa Gwaɗa ta dər gwal nda rwa, ŋa nzakwa taŋ nda hafu manda ya ta kum Lazglafta nda ma Sulkum dər má tsanagha tsa Lazglafta ta guma ta həŋ ma ghəŋa haɗik, manda va ŋa hamata mnda səla.

1 Yuhwana 4:9

Wya ká Lazglafta maramaŋtá tva ɗva mndani: Ghunaga ghuna ta zwaŋa ni turtuktuk ta ghəŋa haɗik kada nzakwa mu nda hafu ma tsatsi.

Suna Yuhwana 1:18

iʼi hafu. Si nda mta yu, ama nda hafu yu ndana ŋa kɗekedzeŋ. Ma dzva ɗa ŋanata yu ta makuɓla mtaku nda həga mtaku tani.