2Kwa 5:14 - Hdi

¹⁴ Inda skwi ta mag aŋni ná, ta magay aŋni kabga nda sna aŋni ta ɗvu ya ɗvu *Kristi ta aŋni. Tsaya ta tiŋwa aŋni guli ta kəma ta kəma. Graf gra aŋni guli kazlay: Mtu mta Kristi ta ghəŋa inda mndu kəʼa. Inda mndu guli mtu mta kawadaga nda tsatsi.

2Kwa 5:14 ပူးပေါင်းရင်းမြစ်များ

1Rus 11:18

Mantsa tama, ka lam tsa mnduha hkən ka bikwira vulu ya ka mbraku da ghuɓa la Filisti, ka tagistá imi ma tsa vavrəm ta wi tgha Betʼlehem ya. Ka kladaghatá həŋ ka vlaŋtá Dawuda. Ama ka kwalaghutá tsi ta say, ka pghiŋtá tsi ka skwa mbəhu ŋa Yawe.

Mata 20:28

Manda va tsaya ná, sa a *Zwaŋa mndu ŋa maganata lu ta slna wa. Ama sasa ŋa maganatá slna ta mnduha, ŋa vlata ni ta hafa ni ŋa mbanaftá ndəghata mnduha, » kaʼa.

Lukwa 15:24

Nana zwaŋa ɗa wana tsi na ná, manda skwi si nda mta, wana vrakta nda hafu, si nda zaɗa ka nghavatá tsi,” ka da ni nda kwalvaha ni. Ka zlraftá həŋ ta rfu.

Lukwa 15:32

Nda ra ka magatá skwa skalu, ka rfay mu ta rfu. Nana zwaŋama gha wana tsi na ná, si nda mta, ka vraktá tsi nda hafu. Si nda zaɗa, ka nghavatá tsi,” » ka da ni nda tsi.

Lukwa 24:29

« Nawa nawa, nza nza kawadaga nda aŋni, nda hləma fitik, ndusa rviɗik, » ka həŋ nzafta tida, ka ŋanata, ka lam tsi da həga ka nzata kawadaga nda həŋ.

Yuhwana 1:29

Ga mahtsima ni ka nghə Yuhwana ta *Yesu ta sagha da tsi. « Wana zwaŋa tuwaka Lazglafta ta klaghutá dmakwa mnduha.

Yuhwana 11:25

Ka Yesu nda tsi mantsa: « Iʼi tsa mndu ta sliʼaganaptá gwal nda rwa ŋa nzəglata taŋ nda hafu ya. Mndu ta zlghaftá iʼi dər mtu mta tsi, dzaʼa nza nza nda hafu.

Yuhwana 5:25

Kahwathwata ka yu ta mnaghunata, dzaʼa sagha sa fitik, nda ghada va sagha ni, dzaʼa kəl gwal nda rwa ka snaŋtá lwa Zwaŋa Lazglafta. Tsa gwal dzaʼa snaŋta ya dzaʼa nzakway nda hafu.

Slna gwal ghunay 18:5

Manda zlaŋta i Silas nda Timute ta haɗika Mekaduniya, ka lagha slanaghatá Pwal, ka vzatá Pwal ta ghəŋa ni ka mna gwaɗa. Ka paslə tsi ŋa la Yahuda kazlay: *Yesu ná, *Kristi ya kəʼa.

La Ruma 2:2

Nda sna amu kazlay: Ta tva ni tsanaghata Lazglafta ta guma ta ghəŋa gwal ta maga skwiha mantsa ya kəʼa.

La Ruma 5:15

Nda dga katakata na nzakwa mbalay vla Lazglafta nda nzakwa Adamu. Mantsa nzakwa ni, ta ghəŋa dmakwa mndu turtuk ta nzakway ka Adamu ná, dagala mnduha ta rwuta. Ama malaghu mala tsa mbalaya Lazglafta ta vlata ya. Tsa mbalayani vla tsi nda ma mndu turtuk ta nzakway ka *Yesu *Kristi ya ná, klanak kla ta zɗaku ta ndəghata mnduha katakata guli.

La Ruma 6:13

Ma zlanaŋ kuni ta dmaku ta fawayha ghuni ŋa maga dmaku. Katək ná, vlaŋwa vla ta ghəŋa ghuni ta Lazglafta, kabga nda nza kuni ka gwal nda hafu ta sliʼagapta ma mtaku. Zlanaŋwa fawayha ghuni ta Lazglafta, ka maga tsi ta skwiha ya tɗukwa nda həŋ.

La Ruma 6:6

Ɗina ka snaŋta mu kazlay: Tsa nzaku si ta nzaku mu ghalya ya ná, zləŋaf zləŋa lu ta udza zləŋay kawadaga nda Kristi kəʼa, kabga ŋa zaɗanatá tsa mbrakwa dmaku ma vgha mu ya. Yaha mu kɗaŋtá nzaku ka vuʼa dmaku ka lu, kəl lu ka magata manda tsaya.

1Kwa 16:22

Inda mndu kul ɗva Mgham Yesu ná, ka nza tsi ka mndu nda ksiʼa. Maranata! (Mghama ŋni ta sagha!)

1Kwa 2:14

Mndu ya kul haɗ Sulkuma Lazglafta ma tsatsi ná, tsuʼa a ta skwiha ya ta tagh tsa Sulkum ya wa. Manda tsaɓaku ta sna tsatsi ta tsaha ya, laviŋ a va ni ta snaŋta wu kabga nda Sulkuma Lazglafta ta laviŋta lu ta galay.

2Kwa 3:7

Ghalya, ta klam vindafta lu ta tsa zlahu ya, ka mag Musa ta slna tsa zlahu ta kla mndu da mtaku ya. Kulam nda tsaya ná, ta vlaŋ vla tsa slna ya ta glaku. Laviŋ a la Israʼila ta nghu da kuma ni wu, kabga ta wuɗaku kuma ni katakata. Tsaw, ŋa nzəɗavata a tsa wuɗakwa ni ya wa.

2Kwa 3:9

Ka si tsa slna zlahu ta hla mnduha da mtaku ya, mamu glakwa ni ya ní, tsa slna Sulkum ta nanaftá mndu tɗukwa ya guli, malaghu mala ŋa ni glaku piyw!

Galat 2:20

Iʼi, kata hafay yu ta hafu katsi, iʼi a ta hafay wa. Tsa Kristi ta nzakway ma iʼi yeya. Ka ta nzaku yu nda hafu ma sluʼuvgha ɗa ndanana guli katsi, ta nzaku yu nda hafu ma zlghay nda ŋuɗuf ma Zwaŋa Lazglafta ta ɗvutá iʼi ka vlatá tsi ta ghəŋa ni ta gwaɗa ta iʼi.

Afisus 6:24

Ka vlaŋ vla Lazglafta ta zɗakatahuɗa ni ta inda gwal ta ɗvutá Mghama mu Yesu Kristi nda ɗvu ya kul haɗ ta kɗaku.

Kwalus 2:13

Kaghuni, si nda rwa kuni ta kəma Lazglafta, kabga dmakwa ghuni, nda kwala fafaɗa ghuni kul tsaku guli. Ka vraghunamtá Lazglafta nda hafu kawadaga nda tsi, ka plamatá inda dmakwa mu.

Kwalus 3:3

kabga mtu mta kuni, nda nzula hafa ghuni kawadaga nda Kristi da Lazglafta.

1Tim 2:6

ta vlatá ghəŋa ni ŋa varatá inda mnduha demdem. Tsaya skwi ya maga tsi ma fitik ya fa Lazglafta.

1Tim 5:6

Ama wadgu ya ta nzaku ta daghayakwani ná, nda mta tsaya dər má ta ndiri tsi.

Titus 3:3

kabga si ka rgha dər amu ghalya, haɗ mu si ta sna gwaɗa da mndu wa. Si nda zaɗa mu, ka nzaku mu ka vuʼa maga ghwaɗaka skwi nda haraʼu ta iri. Ta nzaku nda sidi kawadaga nda ghudzaku mu ta nzaku, prək má ka mbiɗa amu. Ta husaŋ husa amu ta mnduha, ta husamahusa mnduha guli.

Hebru 2:9

Tsa mndu vragana lu ŋa fitik kwitikw mista duhwalha Lazglafta ta nzakway ka *Yesu ya nghaŋ amu. Ka vlaŋtá Lazglafta ta glaku, nda sgit ta ghəŋa vəl mtuta ni, ka ghuytá ɗaŋwa. Mantsa ya tama, ma zɗakatahuɗa Lazglafta ná, ka ŋa inda mndu ɗaŋta tsi ta mtaku.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

1 Piyer 1:8

Aŋ mndani, ta ngha a kuni ta Yesu nda ira ghuni wa, ama ɗvu ɗva kuni, zlghaf zlgha kuni guli dər ta ngha a kuni. Tsaya ta kəl kuni ka rfu katakata kul mnavata nda wi,

1 Yuhwana 5:19

Nda sna amu kazlay: Nda na amu ka zwana Lazglafta kəʼa. Sanlaha ma mnduha ta ghəŋa haɗik ná, ta ma dzva halaway həŋ demdem.