2Kwa 5:13 - Hdi

¹³ Rgha həŋ ka kaghuni mantsa ta mnə sanlaha ya ra? Dər má mantsa tsi, ŋa vla glaku ŋa Lazglafta nzakwa ni. Ka mantsa a tsi katək wu má, ŋa kata kaghuni nzakwa ni.

2Kwa 5:13 ပူးပေါင်းရင်းမြစ်များ

Markus 3:21

Snaŋta la taŋ ma Yesu ta skwi ta mnə lu kazlay: Nda hwaɗa ghunislakani kəʼa ya, ka sagha həŋ da klay.

La Ruma 12:3

Nda ma tsa zɗakatahuɗi zɗəɗiŋ Lazglafta ka fimta ma slna ni ya, ka yu ta mnay ŋa inda kaghuni ná, ma klaf dər wa ta ghəŋa ni ka sana skwi. Manda ya ta raku, ka dər wa ka klaf kla tsi ta ghəŋa ni, ka gray nda slna zlghay nda ŋuɗuf ya vlaŋ Lazglafta.

2Kwa 11:1

Ka ksa kuni ta ŋuɗuf nda iʼi, wana yu dzaʼa gwaɗa ka rghargha. Manda va tsaya ná, ka ksa kuni ta ŋuɗuf.

2Kwa 12:11

Manda mndu nda ksa da halaway gwaɗata yu ta tsa gwaɗa ya. Kaghuni ta mblaftá iʼi guli. Kaghuni a ma dzaʼa ghuba iʼi ra? Haɗ skwi htap iʼi ka tsa gwal ghunay ghuni dagala dagala ma kaghuni ya, dər má haɗ ghəzliwa ɗa wa.

2Kwa 12:6

Ka má ta kumay yu ta ghuba ghəŋa ɗa ná, ma nza a yu ka rgha wu, kahwathwata má dzaʼa yu mnay. Ta warə nda wara yu ta ghuba ghəŋa ɗa kabga yaha lu da klaftá iʼi ka malaghuta ka skwi ya ta nghaŋta lu ta iʼi ta magay, ka skwi ta snaŋta lu ta sabi ma wa ɗa a tsi.

2Kwa 7:12

Tsa ɗelewer vindaghunaf yu ya ná, vindaghunaf a yu ta ghəŋa mndu ta gatá dmaku dər ta ghəŋa ya gana lu ta dmaku wa. Kəl yu ka vindaghunafta ná, vindaghunaf vinda yu, kabga ŋa maraŋta ghuni kahwathwata ta kəma Lazglafta kazlay: Nda fa vgha ghuni ka ŋa ŋni kəʼa. Tsaya skwi ta ksaŋnamtá ŋuɗuf.

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

1Tes 1:5

Ma mnaghunata ŋni ta *Lfiɗa Gwaɗa ná, gwaɗa nda wubisim kweŋkweŋ yeya a mnaghuna ŋni wu, nda mbrakwa Sulkum nda ghuɓa guli mnaghunata ŋni. Nda sna aŋni kazlay: Vərɗa gwaɗa tsa gwaɗa ta gwaɗ ŋni ya kəʼa. Nda sna kaghuni ka aŋni nzakwagaptá nzaku da kaghuni ŋa kata kaghuni.

2Tim 2:10

Tsaya ta kəl yu ka suʼa inda skwi, ŋa mutsafta gwal zabap Lazglafta ta ɗakwa taŋ, kada mutsafta hahəŋ guli ta mbaku ta nzakway ma Yesu Kristi, ŋa nzakwa taŋ ma glaku kul haɗ kɗavakta ni ya.