2Kwa 5:1 - Hdi

¹ Nda sna mu kazlay: Ka zliŋ zla lu ta na dumbi ta nzaku mu mida na katsi ná, dzaʼa bamaf ba Lazglafta ta sana həga ta luwa kəʼa. Ta ghəŋa vgha mu dzaʼa vlamata Lazglafta ŋa kɗekedzeŋ ta luwa ya ta gwaɗa yu ta tsa gwaɗa ya.

2Kwa 5:1 ပူးပေါင်းရင်းမြစ်များ

Zlrafta 3:19

Slrək visa gha kada mutsafta ka ta skwi ŋa zay gha, ha ka vraghata gha da haɗik, kabga tsagap ma haɗik lu ta kagha, gəninika haɗik ka, da tsa gəninika haɗik ya dzaʼa vra ka guli, » kaʼa.

Markus 14:58

Sniŋ sna ŋni ta mnay ni kazlay: « Dzaʼa tasiŋtá na həga Lazglafta baf lu nda dzvu na yu, ka vranafta ɗa ta bafta baɗu mahkən kul ksaŋtá mndu, » kaʼa.

Slna gwal ghunay 7:48

Tsaw haɗ Lazglafta Dagala ta nzaku ma həga baf mnda səla manda va ya mna *Anabi kazlay:

1Kwa 3:9

Nda gwa aŋni ma slna Lazglafta. Nda nza kaghuni manda vwaha Lazglafta. Manda həga Lazglafta nzakwa ghuni guli.

2Kwa 4:7

Bəzleghwa tsaf lu nda rɓisl aŋni, ta kla tsa ŋərma skwa gadghəl ya. Kəl tsi ka nzakway mantsa ya ná, Lazglafta ta mbranaghatá maga inda skwi, aŋni a wa.

2Kwa 5:4

Ka tata nzaku mu ma na dumbi mida mu ta na ghəŋa haɗik na katsi ná, tata ŋa ɗa ghəŋ mu manda skwi famagha lu ta skwa ndəgaku. Kumay mu ta dgamata nda na vgha mu ta ghəŋa haɗik na a wu, ama ka suɗavamata lu nda tsa ta luwa ya, ka bukwamta tsa nda hafu ŋa kɗekedzeŋ ya ta tsa ta mtaku ya.

Kwalus 2:11

Ma tsatsi mutsafta kaghuni ta tsatá fafaɗ. Nda dzva mnda səla a tsata lu wu, Kristi ka ghəŋa ni ta tsata. Nda nza tsa tsatá fafaɗ ya, manda kliŋta dmaku ta ga mgham ta ghəŋa ghuni ya.

2Tim 1:12

Ta ghəŋa tsaya ta kəl yu ka ghuya na ɗaŋwa na. Ama ksa a hula ni ta iʼi wu, kabga nda sna yu ta mndu ya faf yu ta ghəŋ tida. Graf gra yu guli kazlay: Mamu tsatsi nda mbraku, ŋa ŋanatá tsa Lfiɗa Gwaɗa faɗim tsi ma dzvu ya ha ka sagha fitika tsa guma kəʼa.

Hebru 11:10

Ka nzatá Abraham ka kəzla tsa luwa dihana Lazglafta ta tughwa ni ya. Lazglafta ka ghəŋa ni ta garafta, tsatsi mnda bafta guli.

Hebru 9:11

Ndanana ná, sagha sa *Kristi ta nzakway ka mali ta ghəŋa gwal dra skwi ŋa Lazglafta famatá vərɗa skwiha ya ta tsuʼu mu. Ka lami tsi nda ma həga tumpul dagala ta ɗinuta katakata, ya kul baftá mnda səla. Ta ghəŋa na haɗik na a bafta Lazglafta guli wa.

Hebru 9:24

Lam a *Kristi da tsa vli nda ghuɓa katakata ma həga tumpul magaf mnda səla ya wa. Fwata tsa vərɗa ni ta nzakway ta luwa ya tsaya. Tsatsi ná, ta luwa laghwa tsatsi. Ndanana, ta nzaku ta kəma Lazglafta ta gwaɗa ma vla mu.

1 Piyer 1:4

ka kəzla skwi ya kul ɓadzavata, kul ksə rɗak, kul kɗavakta, fana Lazglafta ta zwana ni ta luwa.

2 Piyer 3:11

Ka si mantsa dzaʼa zwaɗuta inda tsa skwiha ya ná, mndərga wati nzaku ta raku ŋa nzakway ghuni? Nzawa nza ta nzaku ya nda ghuɓa. Ka vlaŋta kuni ta ghəŋa ghuni ta Lazglafta ma inda skwi.

1 Yuhwana 3:14

Amu ná, nda sna amu kazlay: Sab sa amu ma mtaku ka nzata nda hafu kəʼa, kabga ta ɗvuta amu ta zwana ma mu. Mndu kul ɗva zwaŋama ni ná, ma mtaku ta gɗavata tsatsi.

1 Yuhwana 3:19

Mantsa ya dzaʼa grafta mu kazlay: Ta mbaɗ ta vərɗa tvi mu ta mbaɗa kəʼa. Tsaya tama ná, nda lɓa ŋuɗufa mu ta kəma Lazglafta.

1 Yuhwana 3:2

Zwana ma ɗa, daga ndanana zwana Lazglafta amu. Nziya nza tsi, tsa nzaku ká mu dzaʼa nzakway ta kəma ya ná, ta ma ɗifa karaku. Tsaw nda sna amu kazlay: Baɗu vragata dzaʼa vragata Kristi ná, dzaʼa nzakway amu manda tsatsi kəʼa, kabga dzaʼa nda ngha mu ta nzakwa ni.