2Kwa 4:8 - Hdi

⁸ Dagala ɗaŋwa ta ghuyaŋnapta lu, kulam nda tsaya, kɗaŋna a wa. Dəgaŋha ŋni ta ghəŋ baɗu ma sani, ta hla a ghəŋa ŋni tida wa.

2Kwa 4:8 ပူးပေါင်းရင်းမြစ်များ

Yuhwana 14:18

Iʼi, zlaghunata a yu manda zwana tawakri wu, dzaʼa vragagha vra yu da kaghuni.

1Kwa 10:13

Inda tsa dzəghuha ta grughunusta ya ná, dzəghuha ta raŋtá mnda səla ya. Lazglafta ná, ŋərma mndu ya. Haɗ dzaʼa zlaŋtá dzəghə ŋa dzəghaghunata ka malaghutá mbrakwa ghuni, da traptá kuni ta spafta wa.

2Kwa 12:10

Tsaya tama ta kəl yu ka rfu nda hta ta mbrakwa ɗa, nda raraza iʼi ta rarazə lu, nda giri ta gə lu ŋa ɗa, nda ghuya ɗaŋwa ta ghuy lu ŋa ɗa, nda skwiha ya ta dza iʼi ma vgha ta gwaɗa ta Kristi. Ma tsa hta ta iʼi ya ta mutsafta yu ta mbraku.

2Kwa 6:12

Aŋni a ta kwal kul ɗvaftá kaghuni wu, kaghuni ta tsukwaghutá vgha ghuni ta vata aŋni.

2Kwa 6:4

Katək ná, ta maray ŋni ta nzakwa ŋni ka gwal maganatá slna ta Lazglafta ma inda skwi ta mag ŋni. Dər ta gay lu ta iri ŋa ŋni, dər ta ghuyay lu ta ɗaŋwa ŋa ŋni, dər ta gigray lu ta aŋni, ta ksay ŋni ta ŋuɗuf mida.

2Kwa 7:5

Dər ma fitika ɓhadaghata ŋni da luwa Mekaduniya ná, haɗ vgha mbiʼaŋni wa. Ghuya ɗaŋwa dər ndiga ndiga yeya ta slaŋnaghata. Gruŋnus gra mnduha, ta zləŋ ŋni ma ŋuɗuf.

Galat 4:20

Ndanana ná, ta kumay yu ta nzavaghunata kada snaŋta yu ta skwi ŋa mnaghunata, kabga kɓiɗif kɓa kuni katakata.

1Sam 28:15

Ka Samuyel nda Sawulu mantsa: « Kabgawu kəl ka ka gərzliɗifta ta mbiʼa vgha ɗa, ka hgagaɗifta na? » kaʼa. Ka Sawulu mantsa: « Mamu sana skwi ta kəɓa iʼi katakata. Ta vulu la Filisti nda iʼi, ka mbəɗihatá Lazglafta ta hul. Zlghəgla a ta wa ɗa, dər nda təv la anabi, dər nda ma suniha wa. Tsaya tama kəl yu ka hgaŋtá kagha ŋa sniɗimta ta skwi ŋa magay ɗa, » kaʼa.

1Sam 30:6

Ka gurɗutá ŋuɗufa Dawuda katakata, kabga haɗ lu zlərtsata wu ri, ka tsa bakwa mnduha ya ta gwaɗay. Nda ŋəra ŋuɗufa inda mndu, dər wati ma mndu dabga zwana taŋ nda kwagha taŋ. Ama ka drəglaftá Dawuda ta ŋuɗuf nda zɗakatahuɗa Yawe, Lazglafta ni.

1Sam 31:4

Ka Sawulu nda tsa mndu ta klanatá huzla vula ni ya mantsa: « Tsəhagap tsəha ta kafaya gha, ka sliglata ka ta iʼi. Ka mantsa a tsi wu ná, gwal kul tsaku fafaɗa taŋ dzaʼa sagha da magay, ŋa gay taŋ ta ghəliz ŋa ɗa, » kaʼa. Ama va a tsa mndu ta klanatá huzla vula ni ya ta dzata wu, kabga nda ksa da zləŋ katakata. Mantsa tama, ka klaftá Sawulu ta kafay ni ka vzuŋtá vgha ta wa ni.