2Kwa 4:7 - Hdi

⁷ Bəzleghwa tsaf lu nda rɓisl aŋni, ta kla tsa ŋərma skwa gadghəl ya. Kəl tsi ka nzakway mantsa ya ná, Lazglafta ta mbranaghatá maga inda skwi, aŋni a wa.

2Kwa 4:7 ပူးပေါင်းရင်းမြစ်များ

Mata 13:44

« Ka guram ga Mgham Lazglafta nda gadghəl ta ɗifa ma sana vwah. Ka lagha sana mndu dukwafta tida. Ka ɗifglanata tsa mndu ya guli. Ka laghu tsi nda rfu da dzawiŋtá inda skwa ni ka skwata tsa vwah ya. »

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Yuhwana 16:33

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

1Kwa 1:28

Tsatsi ta zabaptá gwal ta nghə lu ka mnduha tsa lu, htu hta həŋ katakata ta nghə mnduha ma ghəŋa haɗik ya, ŋa ŋwisaganatá deghreʼ ta gwal dagala dagala.

2Kwa 10:10

Aŋ mndani, ka sanlaha ta mnay na: « Vinday Pwal ta ɗelewer ŋa mu ya ná, tsəna skwi nda bla magay na kəʼa ta vinday, nda sidi nda sidi kay guli. Sagha ni da taba mu kay guli ná, haɗ ta gwaɗa nda mbraku wu, haɗ ghəzliwa gwaɗa ta gwaɗata tsi kay guli wu, » ka həŋ.

2Kwa 13:4

Aŋ mndani, ma fitika zləŋaftá Kristi ta udza zləŋay, htu hta mbrakwa ni, ama ka nzatá tsi nda hafu nda mbrakwa Lazglafta. Aŋni guli, nda hta mbrakwa aŋni ma guyata vgha ŋni nda tsatsi. Ama dzaʼa maraghunaŋ mara ŋni kazlay: Nda hafu ŋni kawadaga nda tsatsi ma mbrakwa Lazglafta kəʼa.

2Kwa 4:1

Lazglafta ta faŋnamtá tsa slna ya ma zɗakwa ni, tsaya ta kwal ŋni kul rwa malandugu.

2Kwa 5:1

Nda sna mu kazlay: Ka zliŋ zla lu ta na dumbi ta nzaku mu mida na katsi ná, dzaʼa bamaf ba Lazglafta ta sana həga ta luwa kəʼa. Ta ghəŋa vgha mu dzaʼa vlamata Lazglafta ŋa kɗekedzeŋ ta luwa ya ta gwaɗa yu ta tsa gwaɗa ya.

2Kwa 6:10

Ma skwi má ŋa ɓasay ŋni ta ŋuɗuf ya ná, rfu ŋa aŋni ta rfay. Ka pɗu həŋ, ka lu nda aŋni, tsaw nda ndəgha mnduha ta nanaftá aŋni ka gadghəl. Mamu skwa taŋ ra, ka lu nda aŋni, tsaw ŋa ŋni inda skwi demdem.

Afisus 2:5

Kulam nda va tsa rwatá amu, kabga vəl magata mu ta ghwaɗaka skwiha ya ná, ka ɗvaftá tsi ta amu ka vramamta nda hafu kawadaga nda *Kristi. Zɗakatahuɗa Lazglafta kəl kuni ka mbafta.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Kwalus 2:12

Ma magaghunaftá batem fadata lu ta kaghuni kawadaga nda Kristi da kulu, ka sliʼagaptá kuni kawadaga nda tsi guli nda ma zlghafta ghuni ta mbrakwa Lazglafta ta sliʼaganaptá Kristi ma mtakuya.

Kwalus 2:3

Inda gadghəla ɗifil nda ghunislak ná, ma *Yesu Kristi ɗifaghuta həŋ.

1Tes 1:5

Ma mnaghunata ŋni ta *Lfiɗa Gwaɗa ná, gwaɗa nda wubisim kweŋkweŋ yeya a mnaghuna ŋni wu, nda mbrakwa Sulkum nda ghuɓa guli mnaghunata ŋni. Nda sna aŋni kazlay: Vərɗa gwaɗa tsa gwaɗa ta gwaɗ ŋni ya kəʼa. Nda sna kaghuni ka aŋni nzakwagaptá nzaku da kaghuni ŋa kata kaghuni.

1Tes 4:4

Snaŋta dər wa ta nzaku nda markwa taŋ, ka vlaŋtá glaku manda ya ta kum Lazglafta,

2Tim 2:20

Huzla tsatsaf lu nda dasu nda ya nda ghuva tili yeya a ta slanaghata lu ma həga dagala wa. Fiɗatá fu sanlaha, tsatsaf nda rɓisl lu ta sanlaha. Ŋa maga slna baɗu gwaɗa dagala sanlaha, ŋa maga slna nda hamata fitik sanlaha guli.

Gwal tsa guma 7:2

Ka Yawe nda Gidghuŋ mantsa: « Ndəghundəgha na mnduha mista gha na. Ka vla vla yu ta la Midyaŋ ma dzva taŋ katsi, dzaʼa klaghu kla la Israʼila ta glaku má ta rihata, ŋa mnay taŋ kazlay na: “Mbrakwa ŋni ta kataŋnafta,” kəʼa.