2Kwa 3:7 - Hdi

⁷ Ghalya, ta klam vindafta lu ta tsa zlahu ya, ka mag Musa ta slna tsa zlahu ta kla mndu da mtaku ya. Kulam nda tsaya ná, ta vlaŋ vla tsa slna ya ta glaku. Laviŋ a la Israʼila ta nghu da kuma ni wu, kabga ta wuɗaku kuma ni katakata. Tsaw, ŋa nzəɗavata a tsa wuɗakwa ni ya wa.

2Kwa 3:7 ပူးပေါင်းရင်းမြစ်များ

Zlrafta 3:21

Ka kɓanaftá Yawe, Lazglafta ta lguta huta ta i Adamu nda markwa taŋ ka fanavatá həŋ.

Nəhemiya 9:13

Ka saha ka daga ta luwa ka gwaɗganatá ka ta həŋ ta ghwá Sinay. Ka mnanaftá ka ta həŋ ta guma tɗukwa, nda vərɗa tagha skwi, nda ŋərma zlahuha nda dvuha.

Sabi 24:12

Ka Yawe nda Musa mantsa: « Saf sa da iʼi ta ghwá, ka nzata ka, dzaʼa vlagha vla yu ta klamha vindaf yu tida ta skwiha ŋa taghay nda zlahuha ŋa taghanaftá la Israʼila, » kaʼa.

Sabi 31:18

Manda kɗakwa Yawe ta gwaɗa nda Musa ta ghwá Sinay, ka hlaftá tsi ta klamha dzratá wi his vindaf tsatsi nda ndəfiŋa ni, ka vlaŋta.

Sabi 32:19

Na ɓhadaghata Musa ndusa nda ghuɓu, ka nghaŋtá tsi ta tsa mamakwa sla ya, nda mnduha ta skalu. Huf saf sa ŋuɗufa Musa, ka slanatá tsi ta tsa klamha ma dzva ni ya, ka dzaɓiŋta mista ghwá.

Sabi 34:1

Ka Yawe nda Musa mantsa: « Ratsa ratsa ta klamha his manda tsaha taŋtaŋ ya, ŋa vindglafta ɗa ta tsa klamha ya ta tsa gwaɗaha si ta tsa taŋtaŋa klamha dzaɓiŋ ka ya.

Slna gwal ghunay 6:15

Ka pghaftá inda tsa gwal ma tsa həga ya ta iri ta Atiyen, ka nghay. Tata nghay nghay həŋ, ka mbəɗavaftá kuma ni manda ŋa duhwala Lazglafta.

La Ruma 10:4

Tsaya tama ná, kɗanakkɗa *Kristi ta zlahu. Inda gwal ta zlghaftá *Yesu Kristi ná, nanaf na Lazglafta ta həŋ ka gwal tɗukwa ta wa ira ni.

La Ruma 4:15

Zlahu ná, ta klak kla ta ɓasa ŋuɗufa Lazglafta, ama ka haɗ zlahu wu katsi, haɗ sana skwi ŋa ɓlanapta wa.

La Ruma 5:20

Ma sagha zlaha Musa, ka sgavaghata saba dmaku ta daɓi. Ma vli sgavagha dmaku ya ná, malaghu mala sgəglavaghata zɗakatahuɗa Lazglafta guli.

La Ruma 7:10

ta mtutá iʼi. Lazglafta ná, vla vla tsatsi ta zlahu ŋa mutsa hafu, ama ka klaghatá tsi ta iʼi da dmaku.

La Ruma 7:22

Ma hya hya ŋuɗufa ɗa ya ná, zɗəgiha zɗa zlaha Lazglafta.

La Ruma 7:5

Ghalya, ma fitika nzakwa mu ta maga skwi ta kum maya mu ná, dmaku tsa skwi ya ka zlahu ta mnay ŋa mu. Na tsa snaŋta mu mantsa ya, ka mamaftá mu ta maga tsa skwi lmaf lu ya. Ka ksə tsa ghwaɗaka skwiha ya ta slna ma amu, ka kla amu da mtaku.

1Kwa 13:10

Ama baɗu zlagapta tsa vərɗa ni ya ná, dzaʼa kɗaghukɗa tsaha kul kɗaku ya.

2Kwa 3:3

Manda va tsaya nzakwa ni, kaghuni tsa ɗelewer vindam Kristi ka tsghafta nda ma dzva ŋni ya. Nda ima vindi a vindafta tsi wu, nda Sulkuma Lazglafta nda hafu mida vindafta tsi. Ta klam a vindafta tsi guli wu, ma ŋuɗufa mnda səla vindamta tsi.

2Kwa 3:6

Tsatsi ta vlaŋnatá mbrakwa nzaku ka gwal maganatá slna ŋa mnay ŋa mnduha ta Lfiɗa dzratá wi dzraf tsi. Tsa lfiɗa dzratá wi ya ná, sladaf a ta zlahu vindaf lu ghalya ya wa. Ta Sulkum nda ghuɓa sladafta tsi. Tsa vindata zlahu ghalya ya ná, ta hla mnduha da mtaku. Sulkum nda ghuɓa ya ná, ta hla mnduha da hafu.

2Kwa 3:8

Haɗ slna Sulkum nda ghuɓa dzaʼa malaghutá glaku ka tsaya tama rki?

Galat 3:10

Inda gwal ta faftá ghəŋa taŋ ta maga skwi mna zlahu ná, nda ksiʼa həŋ. Mantsa ya ná, nda vinda ma deftera Lazglafta kazlay: Nda ksiʼa inda mndu kul kɗanaftá inda skwiha ya nda vinda ma deftera zlahu kəʼa.

Galat 3:21

Tsa tata imi tanaf Lazglafta ta sləməŋ ya ná, zɗəgana a ta zlahu nda tsa tama rki na? Mantsa ya a ɗekɗek wa! Ka si má mamu zlahu ta laviŋta vlaŋtá hafu ta mnduha katsi ná, ma laviŋ lava ta nanaftá mnduha ka gwal tɗukwa ta wa ira Lazglafta guli.

Vrafta ta zlahu 4:13

Ka mnaghunatá tsi ta dzratá wa ni nda kaghuni, ya mnaghunaf tsi ŋa magay ghuni ta slna nda tsi, tsaya zlahuha ghwaŋ vivindaf tsi ta klamha his.

Vrafta ta zlahu 4:8

Wati ma mndəra mndu dagala ya mamu zlahu, nda tva skwiha ŋa magay tɗukwa da həŋ, manda inda na zlahu ta fata yu ta kəma ghuni gita na na?

Vrafta ta zlahu 5:22

Tsaya gwaɗaha ya mnana Yawe ta inda guyatá ghəŋa ghuni ta ghwá ma takataka vu, ma kusay, ma grum tɗik, nda lwi dagala. Haɗ sana skwi sganagha tsi wa. Ka vindaftá tsi ta klamha his, ka vlihata.

Vrafta ta zlahu 9:15

Ka mbəɗavatá yu ka saha ta ghwá, tsa ghwá ka vu ya, nda ŋatá klamha dzratá wi his nda dzvuha ɗa his his.

Hebru 12:18

Gavadagha ta vata ghwá Sinay laviŋ lu ta ksaŋta nda dzvu ya a kuni wa. Dər ta vata vu ta zlghaku gigiga, dər ta vata grusl tɗik, dər ta vata mghama falak,

Hebru 3:3

Mal mndu ta ba həga ta vlaŋta lu ta sgit ŋa ni, ka vərɗa tsa həga ya. Mantsa ya ná, ɗina ka vlaŋtá glaku ta Yesu ka malaghutá ŋa Musa.

Hebru 9:4

Mida famta lu ta skwi ya tsaf lu ka dasu ta kəl lu ka dra urdi, nda blukuma dzratá wi maganava lu ta dasu. Ma tsa blukum ya guli mamu siga ka dasu ndəgham lu ta manna mida, nda dafa *Haruna si ta dzuslafta dzuslu ya, nda klamha his nda vinda ta gwaɗa dzratá wi tida.