2Kwa 3:6 - Hdi

⁶ Tsatsi ta vlaŋnatá mbrakwa nzaku ka gwal maganatá slna ŋa mnay ŋa mnduha ta Lfiɗa dzratá wi dzraf tsi. Tsa lfiɗa dzratá wi ya ná, sladaf a ta zlahu vindaf lu ghalya ya wa. Ta Sulkum nda ghuɓa sladafta tsi. Tsa vindata zlahu ghalya ya ná, ta hla mnduha da mtaku. Sulkum nda ghuɓa ya ná, ta hla mnduha da hafu.

2Kwa 3:6 ပူးပေါင်းရင်းမြစ်များ

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Markus 14:24

Kaʼa nda həŋ mantsa: « Nana na na usa ɗa ya. Nana usa ɗa ná, dzaʼa pghupgha ŋa slərɓa zughu mataba mnduha demdem nda Lazglafta.

Lukwa 22:20

Tahula zuta taŋ ta skwa zay, ka kapaftá tsi ta leghwa manda tsaya guli, kaʼa mantsa: « Nana leghwa na ná, slərɓatá zughu mataba mnduha nda Lazglafta ya nda ma usa ɗa ta pghuta ŋa ghuni.

Yuhwana 5:21

Manda ya ta sliʼaganapta Da ta gwal nda rwa nda hafu ya, mantsa ya ta vlaŋta zwaŋ ta hafu ŋa mndu ta kum tsi.

Yuhwana 6:63

Sulkuma Lazglafta ta vla hafu, haɗ sana skwi laviŋ mnda səla ta magata wa. Na gwaɗa mnaghuna yu na ná, Sulkum nda hafu ya.

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 3:20

Tsaya tama, haɗ mndu dzaʼa nzakway ka mndu tɗukwa ta kəma Lazglafta ta ghəŋa vəl magata ni ta skwi ta kum zlahu wa. Zlahu ná, nda nza ŋa snanamtá mnduha kazlay: Gaga kuni ta dmaku kəʼa.

La Ruma 4:15

Zlahu ná, ta klak kla ta ɓasa ŋuɗufa Lazglafta, ama ka haɗ zlahu wu katsi, haɗ sana skwi ŋa ɓlanapta wa.

La Ruma 4:17

Nda vinda ma deftera Lazglafta kazlay: Fa fa yu ta kagha ka da ni ma inda mndəra mndu kəʼa. Nda nza Abraham ka Da mu da Lazglafta ya zlghaf tsi nda ŋuɗuf. Tsa Lazglafta ya ta vranamtá hafu ma gwal nda rwa. Tsatsi nda mbrakwa hgagaptá skwi kul haɗ ŋa nzakwa ni mamu.

La Ruma 7:6

Ndanana tama ná, flaʼu vgha mu da zlahu, mtuguduŋmta mu ta tsa zlahu ya si ta hbamata ya. Laviŋ lava mu ta maganatá slna ta Lazglafta ma lfiɗa nzaku ta maramaŋta Sulkum. Manda tsa vindaf lu ma zlahu ghalya ya a ta magəgəlta mu wa.

La Ruma 8:2

kabga mbrakwa Sulkum nda ghuɓa ta vlamatá hafu nda ma Yesu Kristi ta ga mgham ta ghəŋa iʼi. Mbrakwa tsa Sulkum nda ghuɓa ya ta klaptá iʼi ma mbrakwa dmaku nda ŋa mtaku tani.

1Kwa 11:25

Mantsa guli kɗakwa taŋ ta zutá skwa zay, ka klaftá tsi ta leghwa, kaʼa mantsa: « Nana leghwa na ná, lfiɗa slərɓa ta zughu ya zlərɓap Lazglafta nda usa ɗa. Inda say dzaʼa sə kuni dazlay ya ná, ka maga kuni ŋa havay ghuni ta iʼi, » kaʼa.

1Kwa 12:28

Mataba guyatá ghəŋa gwal zlghay nda ŋuɗuf ná, taŋ gwal ghunay pgha Lazglafta, ka fiŋtá la anabi ka mahis, ka fiŋtá gwal tagha gwaɗa ni ka mahkən. Tahula tsa ka pghatá tsi ta gwal valaŋ lu ta mbrakwa maga mazəmzəm, nda gwal nda mbrakwa mbamba mnduha, nda gwal katá mnduha, nda gwal ta nghapta ka slna mnduha, nda gwal ta gwaɗa sanlaha ma gwaɗa.

1Kwa 15:45

Manda ya nda vinda ma deftera Lazglafta na: « Adamu taŋtaŋa mnda səla vuslanam Lazglafta ta hafu. » Mahisa *Adamu ta nzakway ka *Kristi ya ná, ta luwa saha tsatsi, tsatsi ta vla hafu ŋa mnduha.

1Kwa 3:10

Zɗəɗiŋ zɗa Lazglafta ta huɗi ka thatá yu ta tughwa ni manda vərɗa mnda ba həga, ka lagha sani bay ta ghəŋa ni. Ɗaswa ka mndu dzaʼa bay ta ghəŋa ni tama.

1Kwa 3:5

Wa Apwalus, wa Pwal na? gwal ksanatá slna ta Lazglafta ŋni his his, ghunaf tsi ŋa mnaghunatá gwaɗa ŋa zlghafta ghuni ta Kristi. Ta magay dər wati ma aŋni ta slna Mgham *Yesu manda ya vlaŋna tsi.

2Kwa 11:23

Ka gwal ksanatá slna ta *Kristi hahəŋ, wana yu dzaʼa gwaɗa manda mndu nda ksa da halaway: Malaghu mala yu ta hahəŋ ɗekɗek. Ma vəl hərfaku tsi, ndaɗaʼa hərfuta yu wa. Ma lam da gamak tsi, ndaɗaʼa lama yu wa. Ma mutsaftá dzu tsi, malghumala ŋa ɗa ka ŋa taŋ. Lagha ta wa hɗak tsi, mbəɗava a ŋa ɗa wa.

2Kwa 3:14

Tuŋtuŋwa ghəŋa la Israʼila. Ha gita, laviŋ a həŋ ta snaŋta tsa kahwathwata ya ta dzaŋə həŋ ta tsa dzratá wi ŋa ghalya ya wa. Ta kliŋ a lu ta tsa lgut ya wu kabga laviŋ a lu wu, ba mndu nda ndiʼatá vgha ni nda Kristi kweŋkweŋ.

2Kwa 3:3

Manda va tsaya nzakwa ni, kaghuni tsa ɗelewer vindam Kristi ka tsghafta nda ma dzva ŋni ya. Nda ima vindi a vindafta tsi wu, nda Sulkuma Lazglafta nda hafu mida vindafta tsi. Ta klam a vindafta tsi guli wu, ma ŋuɗufa mnda səla vindamta tsi.

2Kwa 3:7

Ghalya, ta klam vindafta lu ta tsa zlahu ya, ka mag Musa ta slna tsa zlahu ta kla mndu da mtaku ya. Kulam nda tsaya ná, ta vlaŋ vla tsa slna ya ta glaku. Laviŋ a la Israʼila ta nghu da kuma ni wu, kabga ta wuɗaku kuma ni katakata. Tsaw, ŋa nzəɗavata a tsa wuɗakwa ni ya wa.

2Kwa 3:9

Ka si tsa slna zlahu ta hla mnduha da mtaku ya, mamu glakwa ni ya ní, tsa slna Sulkum ta nanaftá mndu tɗukwa ya guli, malaghu mala ŋa ni glaku piyw!

Galat 3:21

Tsa tata imi tanaf Lazglafta ta sləməŋ ya ná, zɗəgana a ta zlahu nda tsa tama rki na? Mantsa ya a ɗekɗek wa! Ka si má mamu zlahu ta laviŋta vlaŋtá hafu ta mnduha katsi ná, ma laviŋ lava ta nanaftá mnduha ka gwal tɗukwa ta wa ira Lazglafta guli.

Afisus 2:1

Ghalya si nda rwa kaghuni ta wa ira Lazglafta, kabga ghwaɗaka skwiha si ta mag kuni.

Afisus 2:5

Kulam nda va tsa rwatá amu, kabga vəl magata mu ta ghwaɗaka skwiha ya ná, ka ɗvaftá tsi ta amu ka vramamta nda hafu kawadaga nda *Kristi. Zɗakatahuɗa Lazglafta kəl kuni ka mbafta.

Afisus 3:7

Zɗəɗiŋ zɗa Lazglafta ta huɗi ka niɗifta ka Kwalva ni ŋa mna tsa Lfiɗa Gwaɗa ya ŋa mnduha nda ma mbrakwa ni ya vliha tsi.

Vrafta ta zlahu 27:26

“Nda ksiʼa mndu ta kwal kul maga slna nda gwaɗaha tsa zlahu ya.” “Ka nza tsi mantsa!” ka inda mnduha dzaʼa zlghaftá wa ni. »

1Tim 4:6

Ka taghanaf tagha ka ta inda tsa skwiha ya ta zwana ma katsi, dzaʼa nzakway ka ka ŋərma kwalva *Yesu *Kristi. Dzaʼa maraŋ mara ka kazlay: Nda bagha ka nda gwaɗa zlghay nda ŋuɗuf, nda ya nda vərɗaka tagha skwi ya taghaf ka kəʼa.

2Tim 1:11

Ŋa mna tsa Lfiɗa Gwaɗa ya ŋa gwal kul nzakway ka la *Yahuda fata Lazglafta ta iʼi ka mnda ghunay, ka taghay ɗa ŋa taŋ.

Hebru 12:24

Gavadagha ta vata *Yesu ta nzamta mataba mnduha nda Lazglafta ŋa dzrafta wi ka lfiɗ ya kuni. Gavadagha ta vata usa Yesu ya kəl tsi ka wutsikatá mnduha nda tsi ya kuni. Malaghu mala gwaɗa ta gwaɗ tsa us ya, ka ŋa Abel ta mnata.

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.

Hebru 7:22

Ma tsa waɗu waɗa Lazglafta ya ná, graf gra amu ma Yesu kazlay: Mamu mu nda slərɓatá zughu ya ta malaghuta kəʼa.

Hebru 8:13

Ma tsa mna gwaɗa ta dzratá wi ka lfiɗ ya, niŋ na Lazglafta ka halata ni ta tsa taŋtaŋa ni ya. Tsa ŋa ghalya ta halaku ya, taghwaŋ a ka hluta wa.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Yuhwana 1:1

Nana skwi ta vindaghunafta ŋni na ná, gwaɗa ta ghəŋa mndu ta vla hafu ta nzakway daga ta kul zlraftá inda skwi ya. Ta ghəŋa skwi snaŋ ŋni nda skwi nghaŋ ŋni nda ira ŋni, nda ya vitsanava ŋni, nda ya ksaŋ ŋni nda dzva ŋni ta mnaghunata ŋni.