2Kwa 13:4 - Hdi

⁴ Aŋ mndani, ma fitika zləŋaftá Kristi ta udza zləŋay, htu hta mbrakwa ni, ama ka nzatá tsi nda hafu nda mbrakwa Lazglafta. Aŋni guli, nda hta mbrakwa aŋni ma guyata vgha ŋni nda tsatsi. Ama dzaʼa maraghunaŋ mara ŋni kazlay: Nda hafu ŋni kawadaga nda tsatsi ma mbrakwa Lazglafta kəʼa.

2Kwa 13:4 ပူးပေါင်းရင်းမြစ်များ

Yuhwana 10:18

Haɗ mndu ta laviŋtá klaptá hafu ma iʼi wu, iʼi ka ghəŋa ɗa ta vlata. Laviŋ lava yu ta vlata, laviŋ lava yu ta mutsəglafta. Tsaya skwi dzaʼa ka magay ka Da ɗa nda iʼi. »

Slna gwal ghunay 2:36

« Ka snaŋ sna la Israʼila kahwathwata kazlay, tsa Yesu dalaf kuni ta udzu ya kay ná, tsatsi fa Lazglafta ka Mgham, ka Kristi kəʼa guli, » kaʼa.

Slna gwal ghunay 3:16

Ma fatá ghəŋa ŋni ta Yesu, kəl mbrakwa tsa Yesu ya ka sliʼanaftá na mndu ta nghə kuni snaŋ kuni ta sladu na. Mantsa, ma fatá ghəŋ ta Yesu kəl na mndu na ka mutsafta mbaku guzlindiliŋ, manda ya ta nghə kuni demdem ya.

La Ruma 1:4

Ma sliʼagaptani ma mtaku, ka kligiŋtá Lazglafta ta ghəŋa nzakwa ni ka zwaŋa ni nda mbrakwa ni ta tsa Yesu Kristi Mghama mu ya. Ka mutsaftá tsi ta inda mbrakwa Sulkum nda ghuɓa.

La Ruma 14:9

*Kristi ná, mtu mta ka vragaptá tsi nda hafu ŋa nzanaghata ta ghəŋa gwal nda rwa nda gwal nda hafu tani.

La Ruma 6:4

Ma magamatá batem ná, nda gwa mu nda tsi ma mtakwa ni, paɗam paɗa lu ta amu kawadaga nda tsi. Ka sliʼaganaptá mbrakwa glakwa Da ta Yesu Kristi ŋa nzakwa amu guli nda lfiɗa hafu.

1Kwa 1:25

Tsaw tsa skwi maga Lazglafta ta nghə mnduha manda tsaɓaku ya ná, malaghu mala ta ɗifila mnduha. Ka ka mbegi Lazglafta ká mnduha ta gray ya guli ná, tsa nzakwa ni ka mbegi ta grə mnduha ya guli ná, malaghu mala ta mbrakwa taŋ.

1Kwa 15:43

Ka ghwaɗaka skwi vzadata lu da haɗik, sliʼagaptani ya ná, nda glaku tida. Nda raghwa ta vzadatá lu, ta sliʼagaptá tsi ná, mbru mbra katakata.

1Kwa 2:3

Ma tsa nzakwa ɗa da kaghuni ya ná, kulembet nzakwa ɗa, ta zləŋ yu, ta ghudzaku yu.

1Kwa 6:14

Ma mtuta Mghama mu Yesu ná, Lazglafta ta sliʼaganapta ma mtaku. Tsatsi dzaʼa sliʼagamapta ma mtaku nda mbrakwa ni guli.

2Kwa 10:10

Aŋ mndani, ka sanlaha ta mnay na: « Vinday Pwal ta ɗelewer ŋa mu ya ná, tsəna skwi nda bla magay na kəʼa ta vinday, nda sidi nda sidi kay guli. Sagha ni da taba mu kay guli ná, haɗ ta gwaɗa nda mbraku wu, haɗ ghəzliwa gwaɗa ta gwaɗata tsi kay guli wu, » ka həŋ.

2Kwa 12:10

Tsaya tama ta kəl yu ka rfu nda hta ta mbrakwa ɗa, nda raraza iʼi ta rarazə lu, nda giri ta gə lu ŋa ɗa, nda ghuya ɗaŋwa ta ghuy lu ŋa ɗa, nda skwiha ya ta dza iʼi ma vgha ta gwaɗa ta Kristi. Ma tsa hta ta iʼi ya ta mutsafta yu ta mbraku.

2Kwa 13:9

Ka nda mbra kaghuni ta tva Lazglafta dər nda hta mbrakwa aŋni, ta rfu aŋni. Duʼa aŋni da Lazglafta ná, má tsiɗiɗ ká kuni nzatá, ŋa aŋni.

Filip 3:10

Skwi turtuk ta kum iʼi ná, snaŋta ɗa ta Kristi nda mbrakwa ni ya kəl tsi ka sliʼagapta ma mtaku. Ta kumay iʼi guli ta ghuzlaŋta ɗa ta iri manda ŋa ni, ŋa nuta ɗa manda tsatsi ma fitika mtakwa ni ya,

Hebru 5:7

Ma fitika nzakwa Yesu ma ghəŋa haɗik ná, ka mag tsi ta duʼa ka taw ka ŋɗaŋɗa da Lazglafta ta laviŋtá mbanafta ma mtaku. Ka snanatá Lazglafta ta ghəŋa vəl hananatani ta ghəŋa ni.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Piyer 3:22

Vraghu vra Yesu Kristi ta luwa, ta nzaku nda ga zeghwa Lazglafta, ta ga mgham ta ghəŋa duhwalha Lazglafta, nda inda sanlaha ma skwiha nda mbra nda mbra.