2Kwa 13:11 - Hdi

¹¹ Zwana ma ɗa, ɗughwana ka kuni nzata, ka nzata kuni nda rfu, zbawa zba ta nzata tsiɗiɗ, brusuvuswa vgha ghuni, nda dzratá wi ka kuni nzata, nzawa nza nda zɗaku mataba ghuni. Mantsa ya ná, dzaʼa nza nza Lazglafta ya ta ɗvutá mnduha, ta vla zɗaku ŋa mnduha nda kaghuni.

2Kwa 13:11 ပူးပေါင်းရင်းမြစ်များ

Zlrafta 37:4

Kəʼa ka zwana ma ni ná, ɗvu ɗva da taŋ ka malaghutá inda zwana ma ni, ka husaŋtá tsi ta həŋ, laviŋ a həŋ ta gwaɗa nda tsi nda zɗaku wa.

Zlrafta 45:24

« Yaha kuni da zlərɗa wi ta tvi, » kaʼa davanaghatá zwana ma ni. Tahula tsa, ka ghuniŋtá tsi ta həŋ.

Mata 1:23

« Wya dzaʼa zlghaf zlgha daghala makwa ta kul snaŋtá zgun ta huɗi, ŋa yata ni ta zwaŋa zgun, ŋa tsanaftá hga ni ka Emanuwel, » manda mnay kazlay: Kawadaga Lazglafta nda amu kəʼa ya.

Mata 5:48

Nzawa nza ka vərɗa mndu manda va nzakwa Da ghuni ta luwa ka vərɗa mndu ya. »

Markus 10:49

Ka sladata Yesu, kaʼa mantsa: « Hgagaghawa hga, » kaʼa. Ka hgaktá həŋ ta tsa ghulpa ta mndu ya. Ka həŋ nda tsi mantsa: « Ŋava ŋa ka sliʼafta ka, wya ta hga kagha, » ka həŋ.

Markus 9:50

Slughul ná, skwi ɗina ya, ama ka ta haɗ zɗaku mida ɗekɗek wu katsi, nu dzaʼa magəglamta kuni mida ŋa vranamtá si tsa nəmatani ya na? Mamu ka slughul ma kaghuni. Nzawa nza nda zɗaku mataba ghuni, sanlaha nda sanlaha, » kaʼa.

Lukwa 9:61

Ka sana mndu guli mantsa: « Ta dzaʼa yu mista gha mghama ɗa. Nziya nza tsi tama ná, ka la yu mnanatá la ga ini nda sliʼa sliʼa ɗa kaʼa. »

Yuhwana 17:23

iʼi ma hahəŋ, kagha ma iʼi ya. Manda tsaya dzaʼa kəl həŋ ka nzakway kahwathwata ka mndu turtuk, kada snaŋta mnduha ma ghəŋa haɗik kazlay: Kagha ta ghunigihata, ɗvu ɗva kagha ta həŋ manda ya ɗvu kagha ta iʼi guli ya kəʼa.

Slna gwal ghunay 15:29

Yaha kuni za sluʼa skwa wuyay, yaha kuni za us, yaha kuni da za sluʼa skwi ɓərta lu nda ɓərta, yaha kuni hliri. Ka zlaŋ zla kuni ta maga tsa skwiha ya katsi ná, maga maga kuni ta skwi ɗina. Ləŋləŋ ka kuni nzata, » ka həŋ.

Slna gwal ghunay 18:21

« Ta dzaʼa vragagha vra yu ka ta ɗvay Lazglafta, » kaʼa nda həŋ. Ka ŋlaftá tsi ta kwambalu ma Afisus ka laghu.

Slna gwal ghunay 23:30

Ka sagha lu snaɗimta kazlay: Ta pgha buɗukwa həŋ ŋa ni kəʼa, kəl yu ka ghunədaghapta tsa mndu ya ŋa lagha hahəŋ ka ghəŋa taŋ da mna dmakuha ya maga tsa mndu ya ta kəma gha. Ləŋləŋ ká ka nzata mghama ɗa, » kaʼa.

La Ruma 12:16

Hmətət ka kuni nzaku mataba ghuni sani nda sani. Ma zbə kuni ta gla ghəŋ. Magawa maga ta skwi ya ta nghə lu kul haɗ ghəzliwa ni. Ma klaf kuni ta ghəŋa ghuni ka gwal nda sna ta inda skwi.

La Ruma 12:18

Ka ta magaku tsi ŋa nzata nda zɗaku nda inda mndu ná, magawa maga ta kɗavakta mbrakwa ghuni.

La Ruma 14:19

Mantsa ya tama ná, ŋavama ŋa ka zba skwi ya dzaʼa klaktá zɗaku nda ya ŋa ŋla guyatá ghəŋa mu.

La Ruma 15:13

Lazglafta ná, Lazglafta ta vla faftá ghəŋ ya. Ka vlaghuna vla tsi ta rfu nda zɗaku ma zlghay ghuni nda ŋuɗuf, kada nzata kuni nda fata ghəŋ nda ma mbrakwa Sulkum nda ghuɓa.

La Ruma 15:33

Ka nza Lazglafta ta vla zɗaku kawadaga nda kaghuni demdem. Ka nza tsi mantsa ya.

La Ruma 16:20

Lazglafta ná, tsatsi ta vla zɗaku, dzaʼa gi huʼanap huʼa ta halaway, ŋa vlaghunata ni ta mbraku ta ghəŋa ni. Ka nza zɗakatahuɗa Mghama mu *Yesu kawadaga nda kaghuni.

1Kwa 1:10

Zwana ma ɗa! Kdəkwa kdək, ta ndəɓay yu ta dzvu ŋa ghuni nda hga Mghama mu *Yesu *Kristi. Dzra wa dzra ta wi, ma dagə kuni ta vgha ghuni, ka skwa turtuk ka kuni nzaku.

2Kwa 1:4

Tsatsi ta lɓa ŋuɗuf ŋa ŋni ma inda ghuya ɗaŋwa ŋni. Nda tsa lɓa ŋuɗuf ta vlaŋnata tsi ya, ta laviŋta aŋni ta lɓanatá ŋuɗuf ta sanlaha ta ghuya ɗaŋwa guli.

2Kwa 13:9

Ka nda mbra kaghuni ta tva Lazglafta dər nda hta mbrakwa aŋni, ta rfu aŋni. Duʼa aŋni da Lazglafta ná, má tsiɗiɗ ká kuni nzatá, ŋa aŋni.

Afisus 4:12

Manda tsaya kəʼa daganata ŋa katay taŋ ta mnduha Lazglafta ŋa maganatá slna ni, kada mutsafta mnduha Lazglafta ta nzakway ka sluʼuvgha Kristi ta ŋlaku ta kəma ta kəma.

Afisus 4:3

Sulkum nda ghuɓa ta guyaghunata, ŋavawa ŋa ka nzakwa kuni ta nzaku nda zɗaku, kada nzakwa kuni ka gwal nda guya ghəŋa taŋ.

Afisus 6:23

Inda kaghuni zwana ma, ka vlaghuna vla Lazglafta ta nzakway ka Da, nda Mghama mu *Yesu *Kristi ta zɗaku, nda tva ɗvuvustá vgha sani nda sani, ka dzaʼa kuni ta kəma ta kəma nda zlghay ya zlghaf kuni ta Kristi.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Filip 3:16

Mali ma skwi na kɗaŋta mu ta ksa na tvi ksaf mu na nzakwa ni.

Filip 4:2

I Ivudi nda Siŋtika, wyawa dzvu, nzawa nza nda dzratá ghəŋ, kabga nda guya kuni ta Mgham turtuk.

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.

Filip 4:9

Magawa maga ta skwiha taghaghunaf yu, nda skwiha mutsaf kuni ta snaŋta da iʼi, nda skwiha ya nghaŋ kuni ta iʼi ta magay guli. Tsaha ya skwi ŋa magay ghuni, dzaʼa nza nza Lazglafta ta vla zɗaku kawadaga nda kaghuni.

1Tes 3:10

Nda rviɗika ni tani, nda fitika ni tani ŋni ta ndiʼata ka maga duʼa da tsi, ŋa vlaŋnatani ta tvi, ŋa lagha ŋni da nghaghunaghata, nda ya ŋa kɗighunistá skwi ya ta pɗaghuta ma zlghay nda ŋuɗufa ghuni.

1Tes 4:1

Zwana ma ɗa, nu skwi ta pɗaku ŋa mnay, ya nda ghada taghaghunafta ŋni ka kuni da magay ŋa zɗəganatá Lazglafta. Ya manda va tsaya ta nzakwa kuni ta tsa nzaku na. Ta ndəɓa ghuna ndəɓa ŋni ta dzvu katakata, ta vlaghuna vla ŋni ta hiɗaku manda va tsaya. Ma hga Mghama mu *Yesu *Kristi, ka kɗaŋta kuni ta dzaʼa ta kəma ta kəma.

1Tes 4:18

Tsaya tama lɓuvuswa ŋuɗuf nda tsa gwaɗaha ya.

1Tes 5:13

Vlawa glaku ŋa taŋ dar ka ɗvuta kuni ta həŋ katakata ta ghəŋa slna taŋ. Nzuvuswanza nda zɗaku mataba ghuni, nda ya nda sanlaha guli.

1Tes 5:16

Nda rfu ka kuni nzakwa ghuni.

1Tes 5:23

Ka ghuɓaghunaghuɓa Lazglafta ya ta vlatá zɗaku ka ghəŋa ni, ka naghunaftá tsi ka ŋa ni dardar. Ka ngha tsatsi ta kaghuni tsuh tsuh, nda sulkuma ghuni tani, nda hafa ghuni tani, nda sluʼuvgha ghuni tani. Tsaya dzaʼa kwal rutsak kul nzafta ta kaghuni ma fitika sagha Mghama mu Yesu Kristi.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

2Tes 3:1

Skwi ya ta pɗaku tama zwana ma ɗa, magawa duʼa ta ghəŋa aŋni, kada dzaʼa gwaɗa Mgham *Yesu ta kəma ta kəma misimmisim, nda ya ŋa ghubaray mnduha manda ya ta magaku da kaghuni ya.

2Tes 3:16

Ka vlaghuna vla Mgham Yesu tsatsi ka ghəŋa ni ta vla zɗaku ya, ta zɗaku dər ta wati luwa tsi. Ka nza Mgham Yesu kawadaga nda kaghuni demdem.

2Tim 2:22

Tsaghu tsa ta vgha nda ghwaɗaka ndanu ya ta kum duhwal ta magay. Zba ta tva maga skwi tɗukwa, nda tva zlghay nda ŋuɗuf, nda tva ɗvu, nda tva zɗaku kawadaga nda gwal nda ghuɓa ŋuɗufa taŋ, ta hga hga Mgham Lazglafta.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.

Yakubu 1:4

Ama ɗina ka maravata tsa ksa ŋuɗufa ghuni ya kahwathwata, kada nzakwa kuni ka gwal kul haɗ sana skwi ta ghəŋa ghuni, ka gwal nda dedeʼa, ka gwal kul haɗ sana skwi ta htapta ma həŋ ɗekɗek.

1 Piyer 3:11

Zlaŋta ni ta maga ghwaɗaka skwi, ka maga skwi ɗina. Zbay ni ta zɗaku ka ŋavata mista ni.

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

Suna Yuhwana 22:21

Ka nza zɗakatahuɗa Mgham *Yesu nda kaghuni demdem.