2Kwa 12:6 - Hdi

⁶ Ka má ta kumay yu ta ghuba ghəŋa ɗa ná, ma nza a yu ka rgha wu, kahwathwata má dzaʼa yu mnay. Ta warə nda wara yu ta ghuba ghəŋa ɗa kabga yaha lu da klaftá iʼi ka malaghuta ka skwi ya ta nghaŋta lu ta iʼi ta magay, ka skwi ta snaŋta lu ta sabi ma wa ɗa a tsi.

2Kwa 12:6 ပူးပေါင်းရင်းမြစ်များ

La Ruma 9:1

Kahwathwata na gwaɗa dzaʼa yu mnay na, ma hga *Yesu *Kristi, tsakalawa ɗa a wa. Manda tsaya ka nzakwa ni ka ndana ɗa guli ta mnihata Sulkum nda ghuɓa.

1Kwa 3:5

Wa Apwalus, wa Pwal na? gwal ksanatá slna ta Lazglafta ŋni his his, ghunaf tsi ŋa mnaghunatá gwaɗa ŋa zlghafta ghuni ta Kristi. Ta magay dər wati ma aŋni ta slna Mgham *Yesu manda ya vlaŋna tsi.

2Kwa 1:18

Manda va tsa nzakwa Lazglafta ka mndu tɗukwa ya ná, manda va tsaya tsa gwaɗa mnaghuna aŋni ya. Nza a tsa gwaɗa mnaghuna aŋni ya ka « aŋi, » aʼ « mantsa a kay guli wu » kəʼa ta va tsa skwa turtuk ya wu,

2Kwa 11:16

Ka yu ta vrəgliŋtá mnay ná, ma fa kuni ta iʼi manda rgha. Ka si fa fa kuni ta iʼi manda tsaya, ka nza yu ka tsa rgha ya, ŋa laviŋta iʼi ta ghərɓaŋta ghərɓakwa ɗa guli.

2Kwa 11:31

Nda sna Lazglafta Da ni ma Mghama mu Yesu ta zləzlvu lu ŋa kɗekedzeŋ ya kazlay: Tsakala a yu ta wi wu kəʼa.

2Kwa 12:11

Manda mndu nda ksa da halaway gwaɗata yu ta tsa gwaɗa ya. Kaghuni ta mblaftá iʼi guli. Kaghuni a ma dzaʼa ghuba iʼi ra? Haɗ skwi htap iʼi ka tsa gwal ghunay ghuni dagala dagala ma kaghuni ya, dər má haɗ ghəzliwa ɗa wa.

2Kwa 12:7

Kada kwala yu ta ghərɓaku ta ghəŋa tsa skwa ndərmimay katakata mariha Lazglafta ya ná, ka faɗimtá lu ta mbraz ma vgha ta nzakway manda duhwala halaway ghunaf lu ŋa dzadzuɗusta, ŋa pyaftá iʼi ka ghərɓaku.

2Kwa 5:13

Rgha həŋ ka kaghuni mantsa ta mnə sanlaha ya ra? Dər má mantsa tsi, ŋa vla glaku ŋa Lazglafta nzakwa ni. Ka mantsa a tsi katək wu má, ŋa kata kaghuni nzakwa ni.

2Kwa 7:14

Ghubaŋghuba yu ta ghubakwa ɗa ta kaghuni ta kəma ni. Ndanana tama ná, sab sa yu ma hula má dzaʼa ksutá iʼi. Gwaɗa ta gɗata aŋni ta mnaghunata ná, kahwathwata nzakwa ni. Manda va tsaya guli ná, tsa ghubay ghubu ŋni ta kaghuni ta kəma Titus ya guli ná, kahwathwata nzakwa ni.