2Kwa 12:21 - Hdi

²¹ Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

2Kwa 12:21 ပူးပေါင်းရင်းမြစ်များ

Izra 10:1

Ma fitika tsəlɓata Izra ta kəma həga Lazglafta ka taw, ka mananaŋtá tsi ta dmakuha ni ta Lazglafta, ta sliʼadaghatá ndəghata la Israʼila zgwana nda miʼaha nda zwani tani da wanafta, ka taw həŋ ta taw ka ŋəɗa ŋəɗa, hahəŋ demdem.

Izra 9:3

Manda snaŋta ɗa ta tsa gwaɗa ya, ka kuhiŋtá yu ta dawra ɗa nda mayafa ɗa, ka kwitsə yu ta swidi ma ghəŋa ɗa, nda ghumay ɗa, ka nzatá yu tuʼuvuk katakata.

Sabi 32:31

Ka vradaftá Musa slanaghatá Yawe. Kaʼa mantsa: « Ay kakaɗawna! Maga maga tsa mnduha ya ta mghama dmaku. Tsaf tsa həŋ ŋa ghəŋa taŋ ta lazglaftaha ka dasu.

La Ruma 13:13

Nzama nza ta nzaku ya ta raku manda skwi gifitik. Zluŋmazla ta mblitá skwi nda ghuyaku. Zluŋmazla ta sliʼiŋsliʼiŋ nda hliri. Zluŋmazla ta zlərɗa wi nda draku.

La Ruma 9:2

Ta kuzliha kuzla ta ŋuɗufa ɗa katakata, nda ŋəra ŋuɗufa ɗa inda fitik,

1Kwa 5:1

Ka lu ta mnay ta snə yu ma luwa ná, mamu hliri mataba ghuni. Dər gwal kul snaŋtá Lazglafta ná, haɗ həŋ ta nzaku manda tsaya wa. Ta hani sana mndu nda markwa da ni, ka lu.

2Kwa 10:6

Ka sna sna kaghuni katsi ná, nda fa vgha aŋni ŋa dvanaghatá gwal kul snay mataba ghuni.

2Kwa 12:7

Kada kwala yu ta ghərɓaku ta ghəŋa tsa skwa ndərmimay katakata mariha Lazglafta ya ná, ka faɗimtá lu ta mbraz ma vgha ta nzakway manda duhwala halaway ghunaf lu ŋa dzadzuɗusta, ŋa pyaftá iʼi ka ghərɓaku.

2Kwa 13:2

Ma mahisa səla ɗa ta lab da kaghuni, zlahanaghazlaha yu ta gwal ta magatá dmaku nda pɗakwa inda sanlaha. Ndanana, dər má diʼiŋ yu nda kaghuni ná, ta vraf vra yu ta va tsa gwaɗa ɗa mnə yu ma tsa fitik ya kazlay: Ka vradap vra yu da kaghuni, haɗ ya dzaʼa zlaŋta yu dər turtuk wa.

2Kwa 8:24

Maranaŋwa mara ta həŋ ká kuni ɗvutá həŋ kahwathwata, ŋa snanaghatani ta inda Igliz, dzaʼa kəl həŋ ka snaŋta kazlay: Kahwathwata tsa ghubay ta ghubu ŋni ta kaghuni ya kəʼa.

Galat 5:19

Ma ɗifa a skwiha zɗəgana magay ta sluʼuvgha wu, wya həŋ: Maga sliʼiŋsliʼiŋ, hliri, maga skwa hula,

Vrafta ta zlahu 9:15

Ka mbəɗavatá yu ka saha ta ghwá, tsa ghwá ka vu ya, nda ŋatá klamha dzratá wi his nda dzvuha ɗa his his.

Vrafta ta zlahu 9:25

Ka zləmbatá yu zlumbruh ta kəma Yawe ka vaghu fwaɗ mbsak nda rviɗik fwaɗ mbsak, kabga si kura kura Yawe ta zaɗaghunata.

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

Hebru 13:4

Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

2 Piyer 2:18

Ta ghərɓaku həŋ ka yawu bətbət, ka bara gwal tsaghuta taŋ yeya ta vgha nda gwal ta gɗata ta nzaku ma dmaku.

Yuda 1:23

Mbanafwamba ta sanlaha guli nda tɗigiŋtá həŋ ma skwi dzaʼa klamtá həŋ da vu. Tawawa hiɗahiɗa ta sanlaha, ama ɗaswa ka kuni da tɗamtá həŋ ta kaghuni da dmakwa taŋ.

Yuda 1:7

Havak kuni guli ta luwa Sədum nda luwa Ghamura, nda sana luwaha ta wanaftá həŋ. Ka mag mnduha ma tsa luwaha ya ta sliʼiŋsliʼiŋ manda ŋa tsa duhwalha Lazglafta ya. Ka sliʼamtá həŋ da hliri nda sluʼuvgha ya kul raku ka magay mnda səla. Ka pghamtá Lazglafta ta həŋ ma vu kul mtavata ɗekɗek. Tsaya ná, ŋa maranaŋtá mnduha ta skwi ya dzaʼa mag Lazglafta nda gwal ta magaku mantsa ya.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.

Suna Yuhwana 22:20

Ka na mndu ta nghaŋtá na skwiha na ta mnay ná, « Aŋi, wya yu gi ta lagha. » Amin! Sagha sa gha Mgham Yesu!

1Sam 15:35

Ləglagha a Samuyel da ngha Sawulu ha ka mtata ni wa. Ama ka taw tsi ta taw katakata ta ghəŋa ni, kabga ta haga madər Yawe nda famta ni ta Sawulu ka mgham ta ghəŋa la Israʼila.