2Kwa 12:20 - Hdi

²⁰ Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

2Kwa 12:20 ပူးပေါင်းရင်းမြစ်များ

La Ruma 1:29

Ndəghundəgha ghwaɗaka skwiha kavghakavgha ta mag həŋ: Ta ŋaslu həŋ, ta tsagana həŋ, ta sidi həŋ, ta draku həŋ, ta psla mndu həŋ, ta zlərɗa wi həŋ, ta tsaghutá mndu həŋ, ka matsaŋwaslay həŋ, ta tsa mndəra mndu həŋ,

La Ruma 1:30

ta vza rutsak həŋ ta mndu, ghuma Lazglafta həŋ, ta ghazeŋzeŋ həŋ, ta gla ghəŋ həŋ, ta ghərɓaku həŋ. Meʼ ka həŋ ta dzatá vgha ŋa maga ghwaɗaka skwi. Sna a həŋ ta gwaɗa da dadaha taŋ wa.

La Ruma 2:8

Ŋa gwal ta ga sidi nda Lazglafta, ka kwalaghutá sna kahwathwata ka laghu da maga ghwaɗaka skwiha ya ná, dzaʼa ghuzlanaŋghuzla Lazglafta ta iri ta həŋ.

1Kwa 1:11

Kəl yu ka mnay mantsa zwana ma ɗa ná, sliʼaf sliʼa gwal ga Kluwe ka sagha da mnihata kazlay: Ta zlərɗa wi kuni ma vgha ghuni kəʼa.

1Kwa 14:33

Nza a Lazglafta ka Lazglafta hwazlaɓaku wa, Lazglafta zɗaku ya. Manda va ya ta mag miʼaha ma Igliz nda ghuɓa ya,

1Kwa 5:2

Ma ŋa dzata ghuni ta ghəŋ ka taw, ka ghəzliŋtá tsa mndu ya mataba ghuni ná, ghərɓaku ŋa ghuni ta ghərɓay ta ghəŋa tsa.

2Kwa 1:23

Ta kəma Lazglafta ta mnaghunata yu. Yaha yu da gurɗaghunaftá ŋuɗufa ghuni ka yu kwal yu kul vrəgladapta da luwa Kwareŋt.

2Kwa 10:2

Ta ndəɓaghunandəɓa yu ta dzvu, yaha kuni giɗiftá sidi ɓhadaghar yu da kaghuni, kabga dzaʼa gay yu kahwathwata ta sidi nda tsa gwal ta ngha aŋni kazlay: Slna sluʼuvgha ta mag həŋ kəʼa ya.

2Kwa 10:6

Ka sna sna kaghuni katsi ná, nda fa vgha aŋni ŋa dvanaghatá gwal kul snay mataba ghuni.

2Kwa 12:21

Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

2Kwa 13:2

Ma mahisa səla ɗa ta lab da kaghuni, zlahanaghazlaha yu ta gwal ta magatá dmaku nda pɗakwa inda sanlaha. Ndanana, dər má diʼiŋ yu nda kaghuni ná, ta vraf vra yu ta va tsa gwaɗa ɗa mnə yu ma tsa fitik ya kazlay: Ka vradap vra yu da kaghuni, haɗ ya dzaʼa zlaŋta yu dər turtuk wa.

2Kwa 2:1

Skwi kura yu ná, haɗ yu dzaʼa vrəgladapta da kaghuni, da gurɗəglaghunaftá yu ta ŋuɗufa ghuni wa.

Galat 5:15

Ama ka si ta hihiʼiduvtá vgha, ka kwahuvustá vgha kuni mataba ghuni manda ŋa nimtak katsi ná, ɗaswa ká kuni da zaɗanata kuni ta ghəŋa ghuni.

Galat 5:26

Ma glə mu ta ghəŋ! Ma zbə mu ta gwaɗa da mndu, ma drə mu ta draku guli.

Yakubu 4:11

Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

1 Piyer 2:1

Hliŋwa hla ta inda ghwaɗaka skwiha ma ŋuɗufa ghuni, ma kuslember kuni ta kuslemberaku, ma pghə kuni ta wirak his ma vu, ma haraʼu kuni ta haraʼuwaku, ma tsanava kuni ta skwi ta mndu guli.

2 Piyer 2:18

Ta ghərɓaku həŋ ka yawu bətbət, ka bara gwal tsaghuta taŋ yeya ta vgha nda gwal ta gɗata ta nzaku ma dmaku.

Yuda 1:16

Ta ghəŋ tsa mnduha ya mna Inuk ta tsa gwaɗa ya kazlay: Ruruŋwaku nda ŋa ɗa ghəŋ yeya ŋa taŋ inda fitik. Skwi ta kum ghəŋa taŋ ta mag həŋ, ghuba mndu ŋa gatutá wi skwi ta gwaɗ həŋ.