2Kwa 12:14 - Hdi

¹⁴ Nda fa vgha ɗa ŋa lab da kaghuni ŋa mahkəna səla. Ka lab la yu, skwa ghuni a ta psə yu wa, vərɗa kaghuni ta psə yu. Tazlay ná, zwani a ta tskanatá skwi ta dadaha wu, dadaha ta tskanatá zwani.

2Kwa 12:14 ပူးပေါင်းရင်းမြစ်များ

Slna gwal ghunay 20:33

Ma nzakwa ɗa ná, gvalaŋ a yu ta dər tseda mndu, dər dzindara mndu, dər lguta mndu wa.

1Kwa 10:24

Ma laghu kuni ngha skwi ta dzaʼa kata kaghuni, nghawa skwi ta dzaʼa kataŋtá sana mndu.

1Kwa 10:33

Magawa maga manda ŋa ɗa ta maga inda skwi ŋa zɗəganatá inda mndu ya. Zba a iʼi ta maga skwiha dzaʼa katihata wu, skwiha ya dzaʼa kataŋtá ndəghata sanlaha ta mag yu, ŋa mutsafta taŋ ta mbaku.

1Kwa 11:34

Ka si maya ta kuzlaŋtá mndu katsi, zuta ni ta skwa zay ni mintgha ni, da nzaku tsa tska vgha ghuni ya ka kla ghəŋa ghuni da guma Lazglafta. Pɗakwa hamata skwiha ya ná, dzaʼa payafta baɗu laba ɗa da kaghuni yu.

1Kwa 16:5

Dzaʼa lab la yu ta haɗika Mekaduniya, hada dzaʼa sliʼafta yu ka lab da nghaghunaghata.

1Kwa 4:19

Ka ta ɗvay Lazglafta katsi ná, ndusa yu ka lab da kaghuni. Ka mamu sana skwi laviŋ tsa gwal ta ghərɓaku ya ta magatá tsi, ka gwaɗiŋta nda wi a tsi ya, dzaʼa snay yu baɗu tsa.

1Kwa 9:12

Ka ta zay zay sanlaha ta kaghuni ya ní, mal aŋni a má dzaʼa zay katək wu ra? Ta ɗawaŋ a aŋni ta skwi da kaghuni wa. Ta suʼay aŋni ta inda ghuya ɗaŋwa ta slaŋnaghata, kabga yaha ŋni nzata ka gwal ta pyaftá sliʼa gwaɗa ta ghəŋa Kristi ta kəma ta kəma.

1Kwa 9:18

Nu ta mutsə yu mida tama? Skwi ta mutsə yu mida ná, mnay ɗa ka mbalay ta Lfiɗa Gwaɗa kul ɗawa nisəla vəl mnay ɗa ta tsa Lfiɗa Gwaɗa yeya.

1Kwa 9:19

Iʼi ta kwara ghəŋa ɗa, tsaw ka niŋtá yu ta ghəŋa ɗa ka vuʼa inda mnduha ŋa kataŋtá inda mnduha kada mutsanakta yu ta Mgham Yesu ta ndəghata mnduha.

2Kwa 1:15

Graf gra yu mantsa ya nzakwa ni kəʼa, kəl yu ka kuma si lagha da kaghuni karaku, ŋa mutsaghunaftá zɗaku his səla.

2Kwa 11:9

Ma tsa nzakwa ɗa da kaghuni ya, ta pɗatá yu ta skwi ná, haɗ yu ta ɗaway da kaghuni wa. Zwana ma ta sabi ta haɗika Mekaduniya ta klaɗikta skwi ta pɗata yu. Ma tsa fitik ya, faghunagha a yu ta ndəgaku wa. Manda va tsaya guli dzaʼa kɗaŋta yu ta kwal kul ɗawutá vli da kaghuni.

2Kwa 12:13

Nahgani laghu yu maganatá sanlaha ma *Igliz, kul magaghunata yu ta kaghuni na? Aya! Mamu skwi kul magaghunatá yu, ɗawaŋ a yu ta katihata ghuni wa. Plihawapla ta dmakwa ɗa ta ghəŋa tsaya.

Galat 4:19

Zwana ɗa, ta ɓasəgəltá vgha yu ta ghəŋa kaghuni manda marakw ta ɓasa yaku, ha ka nghavata Kristi dar ma kaghuni.

Filip 4:1

Zwana ma ɗa gwal ɗvu yu nda ŋuɗufa ɗa, mamaya ghuni ta ksihata, ta kumay yu ta nghəglaŋtá kaghuni. Ta kaghuni ta ghərɓa yu ta ghərɓaku, ta kaghuni ta rka yu ta rka. Ka si mantsa tsi tama zwana ma, nzafwanza ta Mgham manda va ya taghaghunaf yu.

Filip 4:17

Gatá skwa ghuni a ta gatə yu wu, ta rfu yu katək kabga nda sna yu ta dzaʼa tfaghunagha tfa Lazglafta ta wi ta ghəŋa skwi vla kuni kəʼa.

1Tes 2:11

Nda sna kaghuni guli kazlay: Manda nzatá nzakwa i da nda zwana ni ya nzata ŋni nda inda kaghuni,

1Tes 2:8

Ma tsa fatá ghəŋa ŋni ŋa ghuni ya ná, mnaghunatá Lfiɗa Gwaɗa ta sabi da Lazglafta kweŋkweŋ yeya a mnaghuna ŋni wa. Kumaŋ kuma ŋni ta vlaghunata nda hafa ŋni tani, kabga lam la kuni da ŋuɗufa ŋni kahwathwata.