2Kwa 11:7 - Hdi

⁷ Ma fitika mnay ɗa ta Lfiɗa Gwaɗa Lazglafta ŋa ghuni ná, ka mbalay si ta mnaghunata yu. Ka vraganata yu ta ghəŋ, kabga ŋa ŋlaghunafta. Nda nza tsa ka dmaku ra?

2Kwa 11:7 ပူးပေါင်းရင်းမြစ်များ

Slna gwal ghunay 20:33

Ma nzakwa ɗa ná, gvalaŋ a yu ta dər tseda mndu, dər dzindara mndu, dər lguta mndu wa.

Slna gwal ghunay 20:34

Nda sna vərɗa kaghuni kazlay: Nda dzva ɗa si ta maga yu ta slna ŋa kata ghəŋa ɗa, nda ya ŋa kata gwal ta dzaʼa mista ɗa tani kəʼa.

La Ruma 1:1

Iʼi Pwal ta nzakway ka kwalva *Yesu *Kristi ta vindaftá na ɗelewer na. Lazglafta ta hgaftá iʼi ŋa nzakwa ɗa ka mnda ghunay ni. Tsatsi ta zbaptá iʼi ŋa dzaʼa ɗa mna Lfiɗa Gwaɗa ni ŋa mnduha.

1Kwa 9:12

Ka ta zay zay sanlaha ta kaghuni ya ní, mal aŋni a má dzaʼa zay katək wu ra? Ta ɗawaŋ a aŋni ta skwi da kaghuni wa. Ta suʼay aŋni ta inda ghuya ɗaŋwa ta slaŋnaghata, kabga yaha ŋni nzata ka gwal ta pyaftá sliʼa gwaɗa ta ghəŋa Kristi ta kəma ta kəma.

1Kwa 9:6

Ari aŋni nda Barnabas yeya a ŋa maga slna ka mbalay na?

2Kwa 10:1

Iʼi Pwal ka ghəŋa ɗa, ta ndəɓa dzvu yu da kaghuni, nda hanatá ghəŋ nda zɗaku manda ŋa *Kristi. Ka lu ta mnay ta iʼi ná, ka mataba ghuni yu ya ná, leɓtekwa yu, ka haɗ yu mataba ghuni ya guli ná, ta sidi yu, ka lu.

2Kwa 10:16

ŋa dzaʼa ŋni mna *Lfiɗa Gwaɗa ma sana haɗikha diʼiŋ nda kaghuni. Va a ŋni ta dzaʼa maga slna ma vla ksa slna sanlaha, ŋa ghərɓay ŋni ta ghərɓaku ta ghəŋa slnaha ghada hahəŋ ta magata wa.

2Kwa 12:13

Nahgani laghu yu maganatá sanlaha ma *Igliz, kul magaghunata yu ta kaghuni na? Aya! Mamu skwi kul magaghunatá yu, ɗawaŋ a yu ta katihata ghuni wa. Plihawapla ta dmakwa ɗa ta ghəŋa tsaya.

2Kwa 2:12

Sliʼaf sliʼa yu ka laghu da luwa Truwas da mna *Lfiɗa Gwaɗa ta ghəŋa *Yesu *Kristi. Manda ɓhadaghata ɗa, kəʼa ka yu ná, məɗ taɗipta Mgham Yesu ta tvi ɗina ɗina ŋa mna gwaɗa hada.

1Tes 2:9

Zwana ma ɗa, ta havak hava kuni ta datá vgha ŋni ka maga slna da kaghuni. Si ta ksay ŋni ta slna nda rviɗik tani, nda fitik tani, kada kwala ŋni da ghuyanaptá ɗaŋwa ta dər wati mataba ghuni, nda skwi ŋa zay ŋni ta mnə ŋni ta Lfiɗa Gwaɗa ta sagha da Lazglafta ŋa ghuni.

2Tes 3:8

Zaŋ a ŋni ta skwa zaya mndu ka mbalay wa. Aŋni ka ghəŋa ŋni ta slavapta nda rviɗik tani, nda fitik tani ka maga slna ŋa zay ŋni, kabga va a ŋni ta ghuyaghunaptá ɗaŋwa ta ghəŋa skwa zay ŋni wa.