2Kwa 10:5 - Hdi

⁵ Ta ŋarap ŋara ŋni ta inda ghwaɗaka ndanuha ta ndanata gwal ta gla ghəŋ ta pya snaŋtá Lazglafta. Ta gwaɗay aŋni ta gwaɗa ŋa ksanaktá ndana mnduha ŋa sna gwaɗa Kristi.

2Kwa 10:5 ပူးပေါင်းရင်းမြစ်များ

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

2Mgh 19:22

Wa ta gag ka, ka razay na? Wa ta ŋruh ka nda gwaɗa, ka ghwazla iri ŋa ni na? Nda iʼi Lazglafta la Israʼila nda ghuɓa ka nda tsa!

2Mgh 19:28

Mantsa nzakwa ni, gaɗiva ga ka ta sidi, ka ɓhagaftá ghərɓakwa gha da sləməŋa ɗa. Tsaya dzaʼa kəl yu ka haghamtá gidaŋa ɗa ma htsiŋa gha, nda tsuhwal ɗa ma wa gha, ka vraghista ɗa nda ta tvi ya sagha ka.

Sabi 5:2

Ka Firʼawna mantsa: « Wa Yawe ŋa snay ɗa ta gwaɗa ni, ŋa zliŋta ɗa ta la Israʼila na? Sna a yu ta Yawe wa, haɗ yu ta zliŋtá la Israʼila guli wu, » kaʼa.

Mata 15:19

Tazlay ná, ma ŋuɗufa mndu ta sliʼagapta ghwaɗaka ndanuha manda: Psla mndu, hliri, sliʼiŋsliʼiŋ, ghali, tsanavata gwaɗa ta mndu, vza rutsak ta mndu.

Lukwa 1:51

Nda dzva ni maraŋta tsi ta mbrakwa ni, ka ghəzliŋtá tsi ta gwal ta gla ghəŋ, nda ghərɓaku ma ŋuɗufa taŋ.

La Ruma 1:21

Aŋ mndani, nda sna mnduha kazlay: Mamu Lazglafta kəʼa kulam nda tsa, haɗ həŋ ta vla glaku ŋa ni wu, haɗ həŋ ta rfanaghata guli wa. Katək ná, zwaɗuta zwaɗu həŋ ma ndanu. Ka nzamtá həŋ ma grusl, sna a həŋ ta skwi tɗukwa wa.

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 16:26

Ndanana ná, sab sa ta daɓi nda ma vindi ya vindaf la anabi, manda va ya mna Lazglafta ŋa kɗekedzeŋ guli, ka snanamtá lu ta inda mndəra mndu ŋa snata taŋ ta gwaɗa ni ma zlghafta taŋ.

La Ruma 7:23

Ama ma vgha ɗa, ta tapaf tapa yu ta sana ghwaɗaka skwi ta lmu nda vərɗa skwi ɗina ya ta ndanu yu. Tsa ghwaɗaka skwi ma iʼi ya, ta na iʼi ka vuʼa dmaku.

1Kwa 1:19

Wya skwi nda vinda ma deftera Lazglafta: « Dzaʼa zaɗana zaɗa yu ta ɗifila ghəŋa mnda səla, dzaʼa hərɗiŋ hərɗa yu ta mahizla ghəŋa mnda səla, » kaʼa.

1Kwa 3:19

Kəl yu ka mna tsaya ná, na ɗifila mnduha ma ghəŋa haɗik na ná, ga rgha ya ta kəma Lazglafta. Nda vinda ma deftera Lazglafta kazlay: Nda tsa ŋa taŋ ma hiɗaku ya ta ksa Lazglafta ta həŋ,

2Kwa 11:20

Ta rfu kuni nda fata mndu ta kaghuni ka vuʼa taŋ. Ta rfu kuni nda zata mndu ta kaghuni. Ta rfu kuni nda ksamta taŋ ta kaghuni ma dzva taŋ. Ta rfu kuni nda nzaghunaghata taŋ. Ta rfu kuni nda dzuɓaghunata taŋ. Ta ksay kuni ta ŋuɗuf ta ghəŋa inda ni.

2Kwa 9:13

Tsa slna dzaʼa kuni magata ya dzaʼa maraŋtá nzakwa ghuni, ŋa zləzlvay taŋ ta Lazglafta ta ghəŋa snata ghuni ta *Lfiɗa Gwaɗa *Kristi. Dzaʼa zləzlvay həŋ guli kabga vəl dgay ghuni ta skwa ghuni nda həŋ, ta vlay kuni guli ŋa sanlaha.

Vrafta ta zlahu 15:9

Ɗaswa ka kuni, yaha ghwaɗaka ndanu da sliʼafta ma ŋuɗufa ghuni kazlay: “Taghwaŋ a mandəfáŋa vaku ka sagha wu, vakwa hliŋtá dməŋ,” ka kuni, ka mburzuhwa la ghuni ka pɗu, ka kwal vlaŋtá skwi. Dzaʼa wahay ta wahu da Yawe ta ghəŋa kaghuni, ŋa ksafta dmaku ta kaghuni.

Filip 4:7

Ka mantsa ya ka kuni magay katsi, dzaʼa vlaghuna vla Lazglafta ta zɗaku, zɗaku ya ta malaghutá mbrakwa mnda səla, ŋa ksaghunamtani ta ŋuɗufa ghuni nda ndana ghuni guli ma Yesu *Kristi.

2Tes 2:4

Dzaʼa sliʼavaf sliʼa ta ghəŋa inda skwi nda ghuɓa, nda ya ta ghəŋa inda skwi ta tsəlɓu lu ta tsəlɓu ta kəma ni. Ŋa nzamtani ma həga Lazglafta, ŋa mnay ni kazlay: Iʼi Lazglafta kəʼa.

2Tes 2:8

Dzaʼa sab sa ta daɓi. Ma sagha dzaʼa sagha Mghama mu Yesu ma glakwa ni, ŋa zaɗanata ni nda hafu dzaʼa vuslagapta tsi ma wa ni.

Hebru 4:12

Gwaɗa Lazglafta ná, nda hafu mida, mbru mbra katakata guli. Zuza ka malaghutá wa limay his his. Laviŋ lava ta zlagadamta da ŋuɗuf, nda vla nzugu tani dikw da ɗudzi. Nda sna ta dgaptá skwi ta ɗaslu mndu, nda skwi ta ndanu tsi tani.

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.